نشر في النمسا

هذي تفاصيل رحلتي بين ايديكم

أباتشي

24-07-2022 - 01:38 pm

السلام عليكم
أعضاء منتدانا الغالي ...
حبيت أسدح جدولي للسفرة هالصيف بين أيديكم وعاد لا أوصيكم !!
أبيكم تمخمخون عليه وتقولون لي وش رايكم وأقتراحاتكم لاعدمتكم
وابشروا بالتقرير السنع اذا رجعت ان شاء الله
السفرة راح تكون لمدة 18 يوم مقسمة بين النمسا وسويسرا والتنقلات جميعها راح تكون بالسيارة
واليكم تقسيم الايام والفنادق اللي حجزت للحين وقولوا لي وش رايكم ؟
فيينا 3 أيام ( AUSTRIA TREND HOTEL EUROPA WIEN )
سالزبورج يومين ( BEST WESTREN )
يوم في وولف قانق بالطريق لزيلامسي ( الفندق غير محدد )
زيلامسي 5 أيام ( DER SONNBERG )
يوم واحد في انسبروك ( HILTON )
انترلاكن 4 أيام ( الفندق غير محدد )

التعليقات (6)

بيمو

24-07-2022 - 05:20 pm

حياك اخوي ..
بالنسبة لتوزيع الايام توزيع حكيم .. توزيع مناسب جداً .. وفندق فيينا وزيلامسي وانسبروك ممتازين واختيارت موفقة ماشاء الله .. بالنسبة لسالزبورق في اكثر من واحد بهالاسم ياليت لو تحدد اي واحد منهم ..
اهنئك على تخطيطك الرائع .. وتعجبني مثل هذة الرحلات وترتيبها .. وبالنسبة للسيارة فهي المتعة الحقيقة في سفرتك باذن الله ..
بالتوفيق ،،

violetq8

24-07-2022 - 06:21 pm

انا اقول تخطيط رائع ولا باحلام
بس الؤال الي يطرح نفسة العودة من اي مطار !!!!!!!!!!
يعني لو ترجع باسيارة من جنيف الي فينا يبيلك يومين باطريق بمعدل 10 بايوم قيادة
يعني تمشي باسيارة 20 ساعة و هل راح تلحق على رحلتك طبعا اذا كان رحلة العودة من فينا
اما اذا من جنيفا ما كو مشكلة بس تاكد من استلام السيارة
و شكرا

محمد بن شامان

24-07-2022 - 07:22 pm

أباتشي
السلام عليكم
اخوي اولاً نصيحة لك تهتم تكون الفنادق مواقفها مجانية... ثاني شي اهنيك بوضع يوم من دون حجز في وولف قانق...وان كنت اتمنى تسحب يوم من زيلامسي وتضيفه في مندسي او فوشل ام سي... ثالثاً لم اجرب من فنادقك سوى ديرسونبيرج وهو روعة جداً والخيار الاول في رايي لزيلامسي .... كذلك في فيينا هناك فندق اوستريا تراند ليسل اذا امكنك الحجز فيه مناسب جداً ... انترلكن فيها خيارات كثير ولكن حسب ميزانيتك واعتقد انترلكن اوتيل مناسب .... جنيف اذا كان العودة منها مناسبة اليومين....على كل حال خط سيرك جربته قبل شهرين من فيينا الى جنيف ولو فيه استفسار اقدر افيدك فيه انا جاهز
وفقك الله

أباتشي

24-07-2022 - 08:23 pm

بيمو
هلا والله بمشرفنا الغالي
بالنسبة لفندق سالزبورج هو بست ويسترن اللي قريب من المحطة والسنتر واسمة الكامل وعنوانه حسب
موقع بوكينق (( Best Western Hotel Stieglbrau ))
والعنوان (( Rainerstraße 14, Salzburg ))
ومشكور اخوي بيمو لاهتمامك ,,,

أباتشي

24-07-2022 - 09:24 pm

violetq8
حياك أخوي
الرجعة ان شاء الله من مطار جنيف
بس ما ادري الاحسن اسلمها بالمطار عند المغادرة ولا اسلمها اي مكتب بمجرد وصولي جنيف واستخدام
المواصلات العامة واستفيد من قيمة يومين بالسيارة

أباتشي

24-07-2022 - 10:25 pm

محمد بن شامان
هلا أخوي محمد
انا مو عندي استفسار انا عندي ملفات من الاسئلة اللي حاب اسألها وخاصة عن الطريق من زيلامسي الى انترلاكن مرورآ ب انسبرووك
الدفعة الاولى //
1- هل الطريق مخيف ام ممتع وخاصة انا معي زوجتي بشهر عسل
2- هل البنزين او الديزل غاالي مرة
3- فيه اماكن تنصح بالوقوف فيها بالطريق
وياليت تقترح لي فندق في انترلاكن يكون بالسنتر وقريب من الساحات حقت الاحتفالات لاني راح احضر
احتفالات 1 أغسطس هناك ان شاء الله لانه انترلاكن هوتيل مافيه حجوزات
ومشكور اخوي مقدمآ ..

النمسا المسافرون العرب

هذي تفاصيل رحلتي بين ايديكم