السلام عليكم اخي امباكت واخواني في هذا المنتدي العظيم اليوم كان موعدي في السفاره الامريكيه للحصول علي تاشيره سياحه وهذا الي حصل في المقابله الشخصيه اسمك ايش تشتغل ليش عندك سفرات كثير ايش سبب زيارتك هل رايح مع اصحابك اعطيني الجوازات القديمه شافها ورجعها ليه وما طلب اي طلبات ثانيه في الاخير قالي كلو تمام وكان يكلمني عربي انا ارد عليه انجليزي مع اني ما سالني تبغا عربي ولا لا المهم في النهايه قالي كلو تمام لاكن انتا متي مسافر قولتلو 20 ابريل قالي اوكيه لاكن انا حرجع لك جوازك وحنكلمك او نرسالك ايميل نخبرك ان ترسل الجواز عن ظريق فدكس واعطاني ورقه صفراء فيها طلبات بس كل الظلبات كانت معايه هو ماطلب ولا ورقه لا خطاب العمل ولا ورقه البنك ولا شي المهم انا ابغا اعرف ايش معنا هذا الكلام هل هو رفض ولا اجراء يصير عادي جيكلموني وممكن بعد كم ارجو من الله ومنكم مساعدتي في حيرتي ولكم كل الشكر