سلام من رب رحيم
اخواني واخواتي تحيه طيبه مباركه ،،،
الواحد قد ما يشكركم ما يوفيكم حقكم ... نظراً لما وجدته من الفائده من الجميع دون استثناء ... فلكم الشكر الجزيل
طبعاً الواحد اذا جاء يسافر ومعه عائله مو مثل السفر مع الشباب ...
الواحد يجلس يحسبها ستين سبعين مره ... ويطالع في التقارير والجداول المقترحه الين ما عيونه تطلع عشان ما يصير معاه شي ويتفاجأ فيه هناك
عموماً
انا حجزت وبإذن رب العباد راح تكون رحلتي يوم 23/04/2011 الساعه 1ظهراً والعودة بإذن الواحد الأحد يوم 4/5/2011 الساعة 12 ظهراً
يعني
يوم رايح ،،،، ويوم جاي ،،،، والمدة الصافيه المتبقية للفله والوناسه والتماشي والطلعات 10 أيام فقط انا وزوجتي وطفلي عمره سنه ونصف
وبعد البحث (( العميق )) وتقصي الحقائق رسيت على الجدول التالي :-
(2) يوم 23 - 24 سيلانجور فندق صنواي لاقون أو
(3) يوم 25 - 27 لنكاوي فندق لنكاوي لاقون أو
(2) يوم 28 - 29 بينانق فندق باي فيو بيتش أو
(3) يوم 30 - 3 كوالا فندق بيكولو واذا فيه اقتراحات اخرى ياليت تنورونا
احس كأنه في يوم ناقص ياليت اللي يصيد اليوم هذا يعلمني فيه عشان احلله لأن حسبت الأيام والليالي هذي تلخبطني
على كل حال هذا جدولي المتواضع واسباب الاختيار وترتيب زيارة المدن ابتداْ بسيلانجور وانتهاءً بكوالا ....
ياليت اللي عنده اختيارات او تعديلات على الفنادق أول المدن أو خط سير الرحلة أوالرحلات اكون شاكر له خصوصاً اني اول مره اروح لماليزيا وما ابي اي شي اي شي يفوتني وبحاول استفيد من الوقت لزيارة اكثر الاماكن .. وفي نفس الوقت ما اجهد نفسي ولا اللي معايه
# الحجز يفضل يكون عن طريق المكاتب السياحيه ... او اقوم به شخصيا عن طريق مواقع الفنادق وايهما ارخص واضمن ؟؟

• الميزانية من 17000-19000 شامله التذاكر تكفي ولا ندبر عمرنا

في انتظاركم
احتراماتي