- السلام عليكم ورحمة الله وبركاته
السلام عليكم ورحمة الله وبركاته
اثناء زيارتي الى كسب خرجت مع العائلة الى السوق ، ودخلت ام العيال وبناتها الى احد المحلات(مليان حريم) وانا وولدي(عمره17سنة) ننتظر خارج المحل ، وانتظارنا طال والشغلة ابدا ما هي مخارجة لامعي ولا مع وليدي المراهق وخاصة النساء المتبرجات اللي رايحين وجايين (انا لله وانا اليه راجعون) الولد لو وقع في الحرام بلا شك سأكون انا المتسبب الأول وامه المتسبب الثاني .
المهم مرة ابادره بالحديث لكي اشغله وأصرف نظره ومره انصحه بأن يغض بصره ومرة ومرة ، وبعد ما طفش مني ومن سوالفي ، قال : ابي ايش رأيك نأخذ انا وانت سوريتين ؟ حقيقة تفاجأت بكلامه(هو و الله حافظ لكتاب الله) على طول بادرته بلهجة الغضبان المنكر لالالالالالالالالالالا يا ولدي ما يصير تفكر كذا (انتبه لاتسمعك امك). لا اخفيكم كما يقول المثل( العيار اللي ما يصيب يدوش) اخذت افكر في الموضوع بجد، اجتمعنا على الغداء وسألت ولدي سؤال المنكر عليه: انت ايش كنت تقول اليوم ياللي ما تستحي(ابغى امه تسمع) انفردت بولدي بعدها وقلت له كرر كلامك الجميل اللي يخصني فقط علشان تصبح الكلمة مألوفه ومستساغة ،وحصل اللي ابغاه واصبحت الفكرة الضعيفة واقع لا يرده الا التنفيذ(مع اتفاق الطرفين ان اتزوج بها ولا ادخلها السعودية) يعني بدون تصريح وبالعربي الفصيح تجلس في سوريا واسافر لها في السنة مرتين او ثلاث.
المطلوب من حبايبي الأعضاء بماذا تنصحوني ، ومن يؤيد الفكرة كيف الطريقة في البحث والخطبة وكيف اعرف الأسر السنية من الشيعية من النصرانية وآسف على الاطالة.
