- أنا أنقل لكم معاناتي مع الخطوط السعودية يوم جيت أسافر ماليزيا:
مساكم الله بالخير جميعاً
أنا أنقل لكم معاناتي مع الخطوط السعودية يوم جيت أسافر ماليزيا:
أنا وزوجتي مشخصين جايين لمطار الملك خالد الدولي بالرياض قبل الرحلة بأكثر من ساعتين وحجز مؤكد 100% وواثق من نفسي
ولما وصلت الكاونتر وأعطي موظف الخطوط التذاكر وأقول له بثقة:حطنا جنب بعض الله لايهينك!!ويوم قعد يطقطق في الجهاز قال:معليش أخوي الرحلة جاية من جدة عليها حجز زيادة ولافيه مقاعد ألحين..والخطأ على الخطوط السعودية 100% وبتعوضك سكن حتى أقرب رحلة مع تعويض مالي!!!
قلت ياحبيبي وين أصرفها معليش هذي:112: أنا حاجز فنادق وإجازتي ماتجي إلا من(الوزير)ولا تجي إلا بشق الأنفس!!!قال شف العرسان مثل وضعك!!وألتفت وألقى أربعة معاريس!!كل واحد مشخص مع حرمته وقلبه يفرك من القهر على الخطوط السعودية:112: بس وش يسوي!!!
طبعاً أنا_بتوفيق الله_ قلبت الدنيا عليهم وأخذت حقي بالقوةو((الواسطة))طبعاً!!!المشكلة حقك وتأخذه بالواسطة!!!مصيبة والله!!!المهم:ركبونا درجة أولى وصارت لنا خيرة!!!لكن وش ذنب هالمعاريس إلي صاروا في موقف لايحسد عليه!!!وش ذنب إلي حاجز ومرتب أموره!!وش ذنب العروس إلي مودعة أهلها وفرحانة ليلة عرسها تقول لأهلها ماسافرنا!!!
أدري أنه قد يكون في الأمر خيرة!!والخيرة فيما اختار الله لكن لماذا يصير هالشيْ وبالإمكان تلافيه!!
لذلك نصيحتي لكل مسافر لماليزيا من الرياض خاصة انتبهوا!!
قصوا كروت صعود الطائرة بدري قدر الإمكان لأن الطائرة تأتي من جدة وقد يكون عليها زيادة حجز وتصيرون في موقف محرج!!وقد سألت موظف الخطوط بنفسي وقال:تصير دايم!!!خاصة إذا جاءت الطائرة من جدة!!
مع أمنياتي لكم برحلة سعيدة
مع احترامي لك الموظف الذي التقيت فيه ربما لا يفقه بأن الرحلات من جدة الى كوالا مواصلة لا تقف في الرياض كذلك رحلات الرياض الى كوالا ..هذا ما نعلمه والله اعلم إلا إن كان هناك التباس في الامر او تغير جديد..
او حجزك تم الغاءه وقام ب إهامك بأن الرحلة قادمة من جده ولا يوجد مقعد متاح( تصريفه يعني)
مع تمنياتي لكم برحلة سعيدة ..