1. يله نبدا ..


2. Embassy of Germany


3. Abu Dhabi.


4. وهني توقع الام


5. Name of the mother

السلام عليكم ورحمة الله وبركاته
اخواني وخواتي
من كثر ما شفت الاسئله بخصوص فيزت شنجن قلت خلني اكتب شو سوينا
للعلم هذي السفاره الالمانيه في بوظبي
وهذي نصيحتي لكم لوجه الله..
الناس واقفه على الباب من الساعه 7 الصبح مع انهم يفتحون 8!!! وفي منهم يايين 6:30 بل متى لحق شكله بايت هناك
تعالوا اقولكم شو تسوون لتفادي الغلطات اللي واجهناها مع اني متصله فيهم وسائلتنهم بس مايقولولكم كل اللي تبونه من الضغط يتكلمون بسرعه وحسسونكم يله خلصنا ورانا شغل :112:

يله نبدا ..

1) الافضل الذهاب للسفاره او خلوا حد يمر عليهم ياخذ الطلب لا تنزلونه من الموقع لأن في ورقه مهمه مب موجوده فالموقع لازم يوقعها صاحب الجواز نفسه. وهي الاقرار بان يكون عندك بوليصة تأمين سفر مناسبه وصالحه تغطي اي نفقات ممكن ان تنشأ بسبب طبيمفاجئ.
2) المطلوب اتعبون الطلب .. ويتوقع من الشخص نفسه 4 تواقيع (عادتنهم حضرتي).. الجواز الأصلي ويكون موقع .. صوره من الجواز .. صوره وحده خلفيه بيضا (الرياييل من غير غتره) .. حجز الفندق .. التامين .. صوره من حجز التذاكر.
اذا كان معاكم شخص اقل من 18 .. نفس الطلبات بس لازم توقيع امه وابوه (يعني 8 توقيعات) على الطلب وتحطون صورة جواز الاب والام .. وورقه اموقعه من الام والاب انهم يتحملون مصاريف الرحله وهذا النص مثال بالانجليزي اذا حد يحتاجه... ترى هذي مب من عند السفاره نحنا كاتبينها يعني ممكن اتغيرون فيها لو حبيتوا.
Date: DD/MM/2008
P.O. Box: xxxxx
Abu Dhabi
UAE
To,

Embassy of Germany

Abu Dhabi.

Please be informed that, our son Mr. ------------------------------, holding UAE Passport No. xxxxxxx, is proceeding to Germany. The proposed date of the visit will be around DD/MM/2008 to DD/MM/2008. We will bear all his expenses of travel & accommodation in Germany.
Best Regards,وهني يوقع الاب
Name of the father

وهني توقع الام

Name of the mother

بعدها اتروحون السفاره من صباح الله خير وتاخذون رقم .. وبقولولكم الساعه كم اتردون عشان ادخلون الطلب. سالفه صح .. لو انا اللي رايحه بقعد في بوظبي مول اتريق فالكوفي شوب بما ان السفاره في نفس مبنى بوظبي مول
اتأكدوا قبل ماتعطونهم الطلب انكم اتحطون امبوست استكر عليه المعلومات هم بيكتبونها لان ما بياخذون الطلب الا لو على الجواز استكر ب 15 درهم للشخص .. وهو هناك فالسفاره بس اسألوا وين لان انا ماوديت الطلبات .. لان في ناس مايعرفون ويتريون ويي وقتهم وأخرونهم عشان هالشي!!!
والفيزا تاخذ 2 - 3 ايام وطرشون الجوازات على الأمبوست بس تقدرون اتروحين وتاخذونهم
وبس بهالطريقه انشاالله ماتواجهون اي صعوبات
وانتهت مرحلة الجهاد
دعواتكم بالتوفيق