السلام عليكم ورحمة الله وبركاتة
اريدان اقدم لكم عدة نصائح من واقع تجربتي مع الصينين لعدة اعوام ............
خلك ذيب في كل الاحوال ولا تخليهم يضحكو عليك لانهم يستفيدون من الفرص اذا نسيت توصيهم على تفاصيل معينة او لون او شكل فا يصنعون لك صناعة رديئة او ناقصة او شي ما طلبتة
وبعض الاحيان يستغبون لدرجة تجيب لك الجنون لو انك توصي ولد صغير فهم وهو مدير مصنع مو راضي يفهم
وبعض الاحيان تكون المترجمة غبية ولا وصلت المعلومة صح
او انت نسيت شي في التفاصيل ذلك اليوم
اطلب عينتين قبل التصنيع وحدة لك وحدة للمكتب الي بيتابع بضايعك وبيشحن لك .......
على اي شي تتفق علية حتى لو كان تافة وحتى لو قالو لك بيخلص بعد مدة وانت بتكون سافرت لديرتك في حاجة اسمها dhl توصلة لك وتشوف عينتك الي انت اتفقت عليها اذا كانت اوكي مثل ما طلبت الحمد لله خير وبركة اذا كان فيها غلط كلم المكتب لانة بيكون عندة عينة مثلك ويصلحونها لك واذا خلص التعديل اطلب عينة ثانية وثالثة ورابعة لحد ما تشوف انك وصلت للي تبية بعدين قول للمكتب العينة هذي اوكي
قولهم يصنعون الكمية وابيك تشيك عليها وتكون مثل العينة الي انا وافقت عليها ولا بحملك مسؤليتها اذا لقيت اختلاف
لازم يرسلون عينة لك وعينة للمكتب علشان تحج المكتب اذا في غلط وتقدر تحملة الخسارة اذا كنت متفق معة من قبل
اخسر فلوس على dhl في توصيل العينات لبلدك احسن من تخسر بضاعة كاملة
بعض المصانع تطلب فلوس على العينة ادفع بدون تردد اهم شي تطلع عينة ولا بتكون مهدد بالنتيجة لا سمح الله
العينة هي الضمان بعد الله في سلامة بضاعتك
لان الي يطلع من الصين ما يرجع مرة ثانية
ولا تفكر انك تشتكي او ترفع قضية لان القضايا في الصين تجلس سنوات بدون حل
لو في حالة مكاين او معدات كبيرة اطلب منهم يركبونها قدامك ويشغلونها واذا تاكد انها تمام ومعداتها كاملة قولهم يفكونها قدامك وخذها على طول لمستودع المكتب علشان يشحنها لك
في حالة شراء منتجات جاهزة خذ عينة لك وعينة للمكتب وقول للمكتب ابي مثل هذي بالضبط ولا بحملك مسؤلية الاختلاف
اذا كان بضاعتك اثاث حاول انك تصور جميع ما تشتري وتكون صور عندك وصور عند المكتب وخامات الاخشاب والالوان وكل شي متعلق بالصناعة هذا اذا كنت مصنع واذا كنت شاري ..........
خذهاا للمستودع وتاكد انهي سليمة ومعها كل القطع من مسامير وبراغي وتاكد من متانتهاا وجهزها للشحن
اذا اخذت عينة حاول انك تختبرها مثلاً .....
اذا كانت عبوة ملونة حاول تغسلها تشوف لونها يروح او لا بموية حارة وباردة
اذا كانت مطبوع عليها لوجو خاص بك حاول تزيلة او تخدشة لتعرف مدى قوة الطباعة الخ...........
........................
وانا بكون ان شاء الله في الصين يوم 21 /3 لمدة شهر اي استفسار انا في الخدمة
وشكرا
بو فيصل