Mesh3L500
17-08-2022 - 06:36 am
السلام عليكم ... يالله حي راعين ماليزيا ,
انا الان في ماليزيا , وصلت من يومين الحمدلله
الوجهة الأولى كانت : سن واي لاجوون .
طبعا الاخوان هنا الله يجزاهم خير حاطين صور فاتحة شهية
لاكن نسو ينبهون عن بعض الامور , اللي احب انبهكم بها ...
اولا : المكان رايق هنا , وهادي ... لاكن مافي اماكن سياحية تزورها .
يعني تجي وتنرزع فيها .
ثانيا : المنتجع انسب للأطفال منه للكبار . يعني الاطفال بينبسطون بالالعاب المائية والملاهي .
الكبار بيروقون فقط . حتى المول مايسوى .
لاحد يقول لي مناظر حلوة ... صحيح حلوة , لاكن ماليزيا كلها مناظر .
عليه , انصح اي شخص ناوي يجي , انه يحجز يومين كحد أقصى . مناسبة جدا .
كذلك , اللي بيحجز سويت , ترى سويتهم يضيق الصدر :112:
صغير , وفيه حبتين تماثيل على اطراف السرير تقل متحف ..
الوالدة غطتهم بسراويل تقول تماثيل ولا يجوز
الضحية الأول
الضحية الثاني
الغريب , ان الهواس كيبنج يوم شافها ,, قال عادي اغلب العرب مسوين كذا
كذلك السويت فيه لوحات فيها صور مخلة بالأداب
ابشركم وزارة الداخلية قلبت اللوحات
بشكل عام السويت يضيق الصدر , بينما عندنا غرفة اخرى ام سريرين مفتوحة على غرفة مفردة ,,, حلوة جدا ورايقة واشرح واوسع من السويت ...
بالتوفيق للجميع , واتمنى لكم رحلة ممتعة لماليزيا ...
أعتقد أنها بالفعل كافية وعلشان نترك فرصة لباقي الاماكن...
تحياتي.