1. اخواني مساكم بالخير جميعا

اخواني مساكم بالخير جميعا

للي ما قد حجز فنادق وتوه ما ارتبط في شي نصيحه لكم وخصوصا اللي مدتهم قصيره اقول حاول تستمتع بالمكان اللي راح تروح له ولا تكثر روحات لكل المدن ففيه بعض المدن شبيه لبعض وما تفرق معك كثير مثل بيننانج ولانكاوي اشوفها متشابه في كل شي تقريبا وان كنت افضل لانكاوي لطيبة اهلها وأجواها وخصوصا في الصيف ولا تفكر تروح يومين لكل مدينه فمن وجهة نظري شغلة يومين في كل مدينه ما تسوى همها لسبب وهو اولا ما يمديك تفك شناطك الا وانت مسكرها مره ثانية ويوم توك واصل فيه ويوم انت راجع فيه يعني يالله يصفالك يوم واحد فقط وكنك مطيور فيه تبي تلحق تشوف كل شي والوقت قصير ولا تستمتع في اي شي الا عن قولت رحت المكان الفلاني.وكذلك بعد المسافات بين المدن اذا كنت بتروح بسيارة وهذي فكره خاطه جدا لان بصراحه تروح عليك خمس او ست ساعات وانت مرتكز في باص ولا في تكسي ما توصل الا وانت مكسر ولاتنسى زقلبة العفش معك واذا بطيارة فهو افضل بس اشوف العفش هذا مشكله للي يتسرع في التسوق ورح يلاقي نفسه مامور عفش.
بختصار اسكن في كوالا لمبور يومين خليها تمشي بس مو في الاسواق واذا انت من محبين الاسواق فهو لالقاء نظره فقط لمعرفة البظائع والاسعار مو اكثر وبعدها اطلع للانكاوي واقل شي اربعة ايام استمتع فيها فالجو بصراحه رائع وخرافي وكل الانشطه الموجوده في بيننانج موجوده في لانكاوي مع الفرق في طيبة اهلها ورخص الاسعار بنسبه لبيننانج وبعدها ارجع لكوالالمبور وتمشى وتسوق وعندك الاماكن وش كثرها لتمشي فيها من جنتنج وافاموزا .....الخ
على فكره نصيحة اخ فكرة التنقل من فندق الى فندق لكتشاف الفنادق والاستمتاع فيها فكرةة غير صائبه تماما
هذا الكلام بختصار شديد وانا في واقع التجربه وفي طور الاستعداد للعودة ودمتم سالمين