بالنسبة للوقت فهو وقت ممتاز جدا تكون فيه درجة الحرارة تقريبا مابين ال30 الى 35 تقريبا المناطق كلها لأنها في جنوب الصين .
ملاحظة : الله يعينك على الأكل بالنسبة للمدن الصغيرة بأستثناء كوانزو زشنغهاي.

1. انصحك بعمل اللازم ..


2. لذلك أقرب جدول أنصحك به هو الجدول الثاني .. مع بعض التغييرات ..

اهلا وسهلا اخوي .. نورت ساحة الصين ..
اخوي انا رحت كل المدن الي في مخطط جدولك -الا اكسيان وجويلين- واقدر افيدك فيها .. هل نظمت هذا الجدول عن طريق شركة سياحية ؟؟
شهر يوليو مناسب حسب سؤالي لمن زار الصين .. الجو فيه دافي ومناسب لزيارة المناطق الي حددتها.

انصحك بعمل اللازم ..

حذف ايمي .. أنا رحت لهذا المكان هو عبارة عن جبل مقدس عند الصينيون وفيه معابد كثيرة من أشهرها معبد الألف عام لكن الرحلة كانت متعبة لأنه الطريق فيها كله سلالم تصعد وتنزل والسلالم في هذا الجبل متعبة لدرجة أنه رجلك ترتجف مب من البرد لكن من هندسة السلالم جدا قريبة .. يعني انصحك ما تروح لها .. كذلك لأن الطريق حتى تصل إلى المدينة اللي يوجد فيها الجبل طويل يأخذ اكثر 3 ساعات بالسيارة من شنقدو (أو سنقدو) إلى ايمشين (أو ايمي) أما الطريق بين ايمي وجوجايجو يحتاج ولابد إلى طيارة!

لذلك أقرب جدول أنصحك به هو الجدول الثاني .. مع بعض التغييرات ..

اجعل جوجايجو لها يومين لأنه الحديقة كبيرة جداً ما تقدر تغطيها في يوم كامل حتى لو رحت من الصباح.. رحلاتك كلها ممتازة لكن الأكثر جمالاً طبيعةً بل ربما عالمياً من أجمل المناطق هي جوجايجو، وما بتندم على زيارتك لها وبتمني نفسك ترجع لها مرة أخرى أيضاً، لكني أنصحك بعدة نصائح لما تدخل هذي المنطقة..
منطقة مدينة جوجايجو أو Jiuzhaigou منطقة مرتفعات ترتفع فوق سطح الأرض أكثر عن 3000 متر وعادةً يصيب الزائر لها دوار وإعياء بسبب هذي المرتفعات، التفسير العلمي لها لأنه كلما ترتفع عن سطح الأرض يقل ضغط الهواء فيؤدي إلى إجهاد الجسم في عملية التنفس ، فيصيبك إعياء وصداع وصعوبة تنفس..، علماً أنه شيء طبيعي مثل دوار البحر الي يصيب البعض.
الحل سهل تباع في الصيدليات في هذي المناطق علبة أكسجين تشتريها وتحل لك المشكلة ، هذي العلبة تساعدك على التنفس بسهولة، وبتحس بارتياح بعد استخدامها، أيضاً فيه دواء من خلاصة أعشاب تبتيه معروف في المنطقة تكلمت عنه في ردي هنا https://artravelers.com/p/re/277755
بالنسبة لتوزيعك تخلي يوم واحد لكوانزو مناسب حتى ترتاح ثم تسافر بطيارة داخلية إلى أي شانغهاي لكن بعدين راح تحتاج أكثر عن يوم في كوانزو لأنها مدينة أسواق .. عاد كم يوم على حسب رغبتك ما أقدر أفيدك ..
بالنسبة لشانغهاي تحتاج ثلاث أيام على الأقل لأنه اليوم الأول بيكون ضايع نصه ويومين بتقسمهم على يوم للتسوق ويوم سياحة ، فيه أماكن تستحق الزيارة لو تحب الآثار والتحف فيه متحف شانغهاي (مازرته للأسف) ومتحف العلوم ، ممكن تقرى مواضيع الاخوه بيفيدوك أكثر أما التسوق بتحصل شارع ناننجن شارع ليلي وفيه سوق الكمبيوتر و Cheap market وأسواق وايد..
جويلين يومين كافي لو استغللت الوقت بحسب كلام الاخوه .. وأظن الشركات السياحة بتفيدك أكثر في تنظيم برنامج سياحي .. وهذي مدينة ما رحت لها لكن امني نفسي اروح لها .. إن شاء الله
بالنسبة لسنجدو أو Chengdu (شنقدو) لو قررت تحذف ايمي راح تحتاج 3 ايام فيها .. أنا بقولك ليش .. اليوم الأول نصه ضايع في الطيارة يعني بتكون فيها على الظهر مثلاً تقدر تطلع للعشاء وتطلع الشارع الليلي .. اليوم الثاني تقدر تخليه حق زيارة حديقة الألعاب Happy Valley حديقة كبيرة وتستحق يوم كامل .. اليوم الثالث تزور فيه صباحاً محمية الباندا وبعدين تروح بالطائرة إلى جويلين ..
لكن عندي استفسار بحسب علمي أنه جويجاو المطار المؤدي إليها هو مطار شنقدو فهل انت متأكد أن فيه طيارة داخلية تروح من اكسيان إلى جوجايجو مباشرة ؟؟ لأنه لابد بتمر ترانزيت في شنقدو حسب علمي ..
كذلك في العودة من جوجايجو لابد أن تمر على شنقدو ترانزيت ثم إما تبات في شنقدو أو تروح إلى جويلين .. الأمر عائد لك ..
اتمنى افدتك اي استفسار انا حاضر ..

شو صار اخوي على الجدول طمنا .. تبا الصراحه نحن ناوين بعد في شهر 7 على سفر في الصين يمكن الله يقدر ونتلاقي..
بخصوص المدن الي بتروح لها فيه خيارات اقدر انصحك فيها ايضاً.. بإمكانك أن تزور مدن قريبة من شانغهاي لكن اذا في ودك تعرف عنهم انا مستعد .. بس ابا اعرف جدول رحلتك ..

aburana2006
تسلم الغالي ...
بالنسبة للاكل الله يعين

Bu5ale
الصراحه ردك افادني و نورت عقلي
بالنسبة للجدول .. انا حاط في بالي ازور الصين لمشاهدة جمال الطبيعه + التسوق بشكل بسيط في جوانزو الى جانب حدائق الالعاب و المتاحف
الجدول انا معدل فيه عن طريق موقع في النت قمت احذف و اضيف على حسب الاماكن المهمه في المدن
حتى هذا الجدول صار له تغييرات و اضافات اولا: بسبب ملاحظاتك بالطبع استفدت منها .. ثانيا اثناء بحثي شفت مناطق اخرى عجبتني الصراحه . اتمنى اغطيها بس ما اتوقع راح اغطي كل شي ..
وكلامك صحيح ماشي طياره لجوجايجو ..جويجايجو راح اوصل لها بالسياره عن طريق شنجدو .. لانه المطار في اقليم شنغدو
شو هي المدن الي تنصح لها قريبه من شنغهاي .. وطبعا ليش؟ :@
انا غيرت برنامجي حاليا : حذفت ايمي + حذفت جولين من الجدول ..
حاليا راح يكون مبدئيا كالتالي: الرقم بين قوسين يرمز لعد الليالي مب الايام
1- جوانزهو (1) ليلة وحده
2- سنجدو (2)
3- جوجايجو (3)
4- اكسيان عن طريق سنجدو (2)
5- شنغهاي (2)
6- جوانزهو (6)
الليالي الست الاخيره في جوانزهو قاعد اخطط لها: عندي مناطق و اماكن معينه يمكن اضيفها و اعدل فيها وهي كالاتي:
1- يوم واحد منطقة شانغريلا في اقليم يونان .. ما اعرف كم تبعد من جوانزهو عشان ابيت فيها او لا
2- الذهاب لاقليم جويزهو بالتحديد لمنطقة الشلالات واسمها هانشوها والى دارجون بالاس كيف
3- الذهاب من جوانزهو الى شينزهن الى نافذه على العالم + Mangrove seaside view + splendid china + china flok
هالنقاط الثلاث راح تكون عن طريق كوانزهو .. بس مش عارف هل احتاج المبيت او اقدر ارجع نفس الوقت لجوانزهو خاصة النقطة الاولى

1. السراب


2. بالنسبة لأسئلتك أجيب عليك بالي أعرفه:

السراب

عندي اقتراح على الجدول بيسر خط سيرك.. ليش ما تخلي شانغهاي أول محطة لأنها قريبة بحد ذاتها من شنقدو (و سوجو أن فكرت تروح لها) .. ومن شنقدو انت بتروح اولا جوجايجو ثم بترجع شنقدو-اكسيان .. ومن اكسيان تقدر تروح كوانزو وتخلي كل ايامك هناك ..

بالنسبة لأسئلتك أجيب عليك بالي أعرفه:

1- اذا رحت إلى شانغريلا من كوانزو لازم اتبيت لأنه بعيدة كل وحدة في محافظة ما بينها حدود.. لكن مب متأكد اذا فيها مطار من كوانزو إليها مباشرة .. أتوقع عليك أن تذهب إلى أقرب مدينة لها فيها مطار وهو Lijang ثم ممكن تروح بالسيارة 4 ساعات و 30 دقيقة (173كم) .. طبعا المدينة من المدن الي ناوي اروح لها في مخطط رحلتي شهر يوليو ..
2- شلالات هانشوها هذي بعد تقع في مقاطعة ثانية لكن اذا رحت جوجايجو ما يحتاج تروح لها وجهة نظري وهذي نصيحة الشركة الي رحت معها .. وبصراحة صدقوا لأنه المناظر في جوجايجو بتكفيك .. ثانيا لأنها بعيدة عن بعض يعني ممكن تشوف الخريطة بتساعدك في توضيح الفكرة ..

3- بالنسبة شنزن اقرب إلى كوانزو وأنصحك تروح لها للي ذكرته .. ممكن تروح لها بالقطار .. وممكن تروح لها في نفس اليوم من الصبح وترجع بالمساء .. وممكن تبات لو تبا تاخذ لك جولة في المدينة .. وترد ثاني يوم لكوانزو ..
واذا عندك اي استفسار انا حاضر ..

يعطيك الف عافيه .. ما قصرت رديت وكفيت و وفيت ..
اراءك و اقتراحاتك روعه ..
بس بالنسبة اني خليت الروحه و الرجعه على كوانزهو لاني حصلت سعر ممتاز على البزنس من القطريه ..
تعرف تعدد اماكن الطيران في الروحه و الرده تزيد السعر لفوق .. بس يمكن افكر فيها اني انزل في شنغهاي و ارجع من كوانزهو او من هونغ كونغ اذا انا فكرت اسير لها ..
سؤال: هل يمكن التنقل بين الصين و هونغ كونغ ذهاب و عوده بنفس الفيزا والا هناك مشكله؟!

السراب
فالك طيب
على حسب نوع الفيزا الي مسونها ، اذا مسوي فيزا دخول مرة واحدة تخولك دخول الصين لمرة واحدة فقط، لكن هونج كونج ما شي لها فيزا لكل حاملي جواز دول الخليج تقدر تدخلها اكثر عن مرة
وهذا الموضوع راح يفيدك ... https://artravelers.com/p/re/329867

تسلم اخوي بوخلي ....
ماقصرت ..