السلام عليكم ورحمة الله
هذه نصائح لاخوانى وخواتي المسافرين وان شاء الله تستفيدون منها
1- حاولوا قد ماتقدرون تخففون الامتعه نظرا لكثرة التنقلات
وماليزيا ما تحتاج لبس رسمي والمغاسل متوفره لكن احرصوا
على الحذاء الطبي المريح وذلك لكثرة المشئ
2- حاولوا تحجزون اول الكراسي في الدرجه السياحيه لانها
افضل الكراسي واوسعها ( اللي مقابله البارتشن اللي هو
الحاجز الفاصل بين كل درجه ) وذلك بالذهاب للمطار مبكرا
3- ارتداء ملابس واسعه ومريحه لان الرحله طويله ومتعبه
4- اخذ مصحف وبعض الكتيبات الاسلاميه او اشرطه ومسجل
صغير لاعانتكم على طول الرحله وقاموس جيب سياحي عربي
انجليزي لمساعدتكم في بعض الكلمات وتقدر تلخصه في الطياره
وتاخذ منه الكلمات اللى تحتاجها
6- توزيع النقود في اكثر من مكان او لاكثرمن شخص للاحتياط
7- عدم الاكثار من الاكل قبل الرحله واثنائها لكي لا تحتاج لwc
8- عند وصولك للمطار اخذ من تكاسي المطار حتى لو انها اغلى
بشئ بسيط لكن اضمن وأأمن
9- انصح بشراء خط جوال من المطار لكل شخص بالغ من العائله
لان سعره زهيد وفائدته كبيره ( لا سمح الله احد ضاع في السوق)
10- صرف بعض المبلغ الي رنجت في المطار للتاكسي وغيره
11- حاول ما تستخدم بطاقه البنك لان عمليات القرصنه منتشره
بماليزيا هذا غير العموله اللي ياخذونها من حسابك
12- والاخوان اللي رايحين الى لنكاوي ينتبهون لان محلات
الصرافه نادره في الجزيره والافضل الصرف في المطار لان
اذا احتجت صرف ما لك الا الفندق ودائما اقل من الصراف
13- اترك التسوق آخر السفره لكي ما تتضايق من كثرة
الاغراض في التنقلات وانتبه من الوزن الزايد لانهم ما
يتساهلون فيه
14- للشباب اهل شهر العسل لا للزينه الملفته للنظر وزينة
الزوجه لزوجها فقط وما هي للناس
15- للاخوات ياليت تستغنون عن حقيبة الكتف لانه حصل
في السابق بعض حوادث السرقه لها من قبل اهل الدراجات
الناريه
16- احرصوا على اخذ كرت الفندق حتى الاطفال ضعوه في
في جيوبهم ولو يكتب عليه رقم الجوال للاب افضل وفهموهم
اذا ضاعوا لا سمح الله يعطونه للشخص اللي يحاول يساعدهم
( وهذا الي في بالي واذا تذكرت شئ بضيفه وما فيه مانع
الي عنده نصيحه يضيفها )
نصيحه اخيره
اخي المسافر انت سفير لدينك وعروبتك وبلدك ومثلها بالشكل
الصحيح وابتعدوا عن الكذب والمواعيد الكاذبه والنظر للناس
بنظره دونيه والتزموا بالوقت والقوانين المتبعه وتحلوا بالاخلاق
الاسلاميه الطيبه واعلموا ان الابتسامه تفتح القلوب المغلقه
وسامحوني على الاطاله لكن صدقوني هذا لاني احبكم