السلام عليكم ورحمة الله وبركاته ... مرحبا عزيزتي مشكورة على مرورك العطر لموضوعي ..
واتمنى ان سفرتك تتيسر وتسافرين وتنبسطين ونصيحه لاتخلين على قلبك شي ...
واتمنى اني اقدر افيدك بالي عندي وبالتوفيق ...
اولا الفنادق : احس سعرها مره ممتاز بالنسبه للشهر الي انتي رايحه فيه ...
وبالنسبه للترام او الاندرقراوند ماادري ال 3 ايام بكم بس احنا كنا ناخذ باليوم التذكره للشخص ب 1.70 يورو
"بيورو وسبعين سنت" ...
عزيزتي انا انصحك تاخذين تاكسي من المحطه لغراند لان والله المشي يتعب بالذات اذا معك اكثر من شنطه وانا شفت قراند مو بعيد بس احس لازم تاكسي ..
من زيلامسي الى كابرون باص مو قطار والتاكسي جدا غالي ... الباص يجي لين محطة الباصات وياخذكم وبنفس المكان يرجعكم ... ومحطة الباصات قريبة من القراند ... انتي اسالي الفندق عنها ...
(( نصيحه لاتشترين التذاكر من المكتب لانهم مع احترامي نصابين ... انا كنت بشتريها من الرياض ولما شفت السعر انصدمت ولما حطيت الاسعار بالمنتدى كلهم ماأيدوني وقالوا هذا نصب "للعلم اني كنت بشتريها من مكتب معروف مره " ... وتذكرة ميونخ مره رخيصه بس مااتذكر بكم .... عزيزتي هذا كل الي اعرفه واتمنى لك التوفيق

اولا اتمنى ان يجاوب الاخ بوبي اوبيومي لانه اسئلتك مهمه بالنسبه لك لكن بجاوب الي اعرفه اخوي الفنادق الي حجزته رائعه وبالذات بميونيخ وزيلامسي اخوي بالنسبه للازيلامسي في مكاتب سياحيه عربيه كثيره يعني لو توهقت تقدر تحجز منهم الى الرحلات الي تبي رحلات جماعيه طبعا في زلمسي وسالزبورغ ورخيصه وايضا تقدر تطلب سياره بسواق اتوصلك الى ميونيخ بنهاية رحلتك من سالزبروغ وعلى فكره محطة الباص قريبه منك وتقدر تسئل اي مكتب اهناك عن ارقام الباصات ويعلمونك ترى موصعبه لانه المكان وايد في عرب انا مجرب وانا قبلك بروح زيلامسي 22 سبعه وبقعد 6 ايام الفنادق الي حجزته حلوه وبالتوفيق

1. الفنادق كلفتنا 10000 ريال


2. معلومة : اليورو = 5 ريال تقريبا


3. ومن زيلامسي لكابرون تاكسي ولا قطار وش ألأوفر؟

حياك اخوي ..
العوده ميونيخ_دبي _فيينا
المشكله الأولى وش رايكم بالنسبه للترانزيت ننام في فندق المطار بدبي وإذا( لا )وش ترشحون فندق؟ لأنا بنوصل الساعه 12الليل ورحلتنا لفيينا الساعه10 صباحا
فندق المطار افضل لكم وهي كلها كم ساعة بتروح بالنوم ..وماتسوى عليكم لو تاخرتو في فندق ثاني او راحة عليكم نومة .. وثانيا مطار دبي روعه وفي مطاعم وقهاوي ..
فيينا ثلاث ليالي فندق الماريوت
زيلامسي ثلاث ليالي فندق قراند
سالزبرغ كراون بلازا ليلتين
ميونيخ ثلاث ليالي فندق مرديان

الفنادق كلفتنا 10000 ريال

وشلون السعر مع الإفطار(الى الأن مادفعنا غير العربون)نقدر نغير إذا فيه اقتراح افضل وأوفر
الفنادق كلها روعه واسعارها مناسبة جدا .. لاتفرطون فيها .. وعندي لكم رأي : 3 ايام في زيلامسي ماتكفي بالمرة .. لانو زيلامسي هي متعة الرحلة .. ونصيحه اذا تبون الغو سالسبورق واضيفو ايامها لزيلامسي .. لانو زيلامسي بالقليل 5 ايام .. لانو الرحلات فقط يبيلها اربعة ايام .. والديرية نفسها متعه خيالية وهذا اللي حنا ندورة الطبيع والجبال .. لانو ملينا من المدن وشبعنا منها .. الواحد يروح يدور البراد والمناظر .. وانتم بكيفكم ..
وع فكرة وانتم رايحين لزيلامسي لازم توقفون في سالزبورق وتغيرون القطار لانها بين فيينا وزيلامسي .. بمعنى انكم اذا قررتوا تروحون سالزبورق من الافضل والاريح لكم انها تكون بعد فيينا ,, وبعدين زيلامسي .. وبالنسبة لموينخ في رحلة لها من زيلامسي مباشرة بدون التوقف في سالزبورق وهي عن طريق مدينة وورل worgl .. احسن من انكم ترجعون لسالزبورق ..
ودنا نزور هايدي لاند وشلون ومن وين؟
انسوا موضوعها هالمرة .. لانها بعيدة تقريبا من زيلامسي 6 ساعات بالقطار .. وانتم مامعاكم وقت .. يعني لو انكم بتروحون لسويسرا وبترجعون منها للوطن كان قلنا تمرون عليها ..
الأن جينا للمهم بالنسبه للترام في فيينا كم سعر التذكره لشخصين (بريال) لمدة ثلاث ايام
وبعدين محطة القطار وش كثر تبعد عن الماريوت علشان الروحه لزيلامسي وكم سعر التذكره لشخصين

معلومة : اليورو = 5 ريال تقريبا

اولا اعتقد قصدك الاندرقراوند - المترو ( لانو الترام هو القطار اللي في الشوارع ) .. بالنسبة للاندرقراوند ممكن تشتري بطاقة فيينا كارد وهي تشمل الاندرقراوند والباصات والترام بلاضافة الى تخفيض على بعض المحلات والاماكن السياحية وسعرها 18.5 يورو ( 100 ريال تقريبا ) .. او تشترون بطاقة خاصة للاندرقراوند لمدة 3 ايام بسعر 13.5 ( 75 ريال تقريبا ) ..
ومحطة القطار الرئيسية اللي في فيينا اسمها Wien Westbahnhof ومن الماريوت بالتاكسي تقريبا 12 يورو ( 60 ريال ) واول ماتوصلون الماريوت اطلبوا من الاستعلامات جدول الرحلات لنفس اليوم اللي بتسافرون فيه لزيلامسي او سالزبورق .. ونصيحة اشتروها من المحطة نفسها لانها ارخص ، وسعرها 130 يورو للشخصين ( 650 ريال ) ..
ومن المحطه لفندق قراند نمشي ولا تاكسي؟
ومن زيلامسي لكابرون تاكسي ولا قطار وش ألأوفر؟
طبعا هي قريبة .. ولكن ما انصح وبقوة .. لانها متعبة اذا معكم شناط ( وشناطنا حنا غير شناط الاوروبيين !!!! ) يعني خذو تاكسي ب 7 يورو اريح لكم ..

ومن زيلامسي لكابرون تاكسي ولا قطار وش ألأوفر؟

طبعا كابرون تبعد عن زيلامسي 7.5 كم .. والمنطقة المعروفة عنها في زيارات العرب المسافرون هي المرتفعات ( القمة الثلجية ) وتروحون لها عن طريق الباص من المحطة الرئيسية في زيلامسي .. جدول الرحلات والزيارات تلقونه في مكتب الانفرميشن او من الفندق ..
الأن المهم إذا جينا نمشي من سالزبورغ لميونيخ كم سعرتذكرة القطار؟وهل الأفضل اطلب من المكتب السياحي يشتريها لي الأن ولا إذا رحت؟
بالنسبه للباص السياحي في ميونيخ اوفر ولا الاندر قراوند
طبعا من سالزبورق الى ميونخ بالقطار ومثل ما سويتو في فيينا .. واسم محطة سالزبورق على نفس اسم المدينة .. وسعرها تقريبا 120 يورو .. وميونخ كل شي قريب من السنتر .. ولكن تقدرون بالاندرقراوند ..
بالنسبة للميزانية اذا هي من غير التذاكر .. كافية وزوود ..
بالتوفيق ،،

شكر جزيل لكل إلي ردوا علي بلا إستثناء
جزاكم الله خير
استاذ بيمو الميزانيه شامله طيران وفنادق وتماشي تكفي؟؟؟؟طمني الله يعافيك

الشكر موصول للأخ بيمو
والله احذنا بنصيحتك وخلينا الأيام كلها بزيلامسي
بس زوجي الله يهديه طرا عليه طاري مايبي يرجع من ميونيخ وكلم المكتب وقالهم ممكن نغير وجهة العوده وقالو اكيد
صراحه انا كان خاطري بميونيخ حتى نتسوق بس زوجي يقول ياسويسرا ولا إيطاليا
وش ترشح لنا مع إقتراح الميزانيه الكافيه والمواصلات الأسهل بليز رد علينا حتى نأكد حجزالعوده والفندق الأخير

كنا حاجزين على نفس رحلتكم على الاماراتيه وغيرناها
عشان الترانزيت لانه متعب ومايسوى جلسه يوم واحد بدبي ....
اذا تقدري تغير الحجز ع السعوديه اقضل
الفنادق مناسبه
اذا ميزانيتكم محدوده فانظري لفنادق 4 نجوم ترى نظيفه وحلوه
(الفندق للراحه والنوم فقط)

حياك اختي .. طبعا الميزانية تعتمد على سعر التذكرة اللي بتحصلونه .. ولكن خلينا نحسبها بالمعقول :
الرحلة 11 ليلة .. ومتوسط اسعار الفنادق الان 800ريال * 11 = 8800 ريال
المصروف اليومي 130 يورو يعني 650 ريال * 11 = 7150 ريال
القطارت من فيينا الى زيلامسي 100 يورو لشخصين ... ومن زيلامسي الى ميونخ 80 يورو تقريبا لشخصين .. يعني بمجموع 900 ريال .. خلينا نقول 1000 ريال
المجموع = 16950 ريال يتبقى للتذاكر >> 6050 ريال .. واعتقد بتلقون سعر للتذاكر اقل من 6050 ريال .. ( طبعا هذي حسبه تقريبية معقولة !!
بالنسبة لرغبة زوجك الله يخليه لك .. ممكن تروحن من زيلامسي الى ميلانو .. وترجعون منها وهي افضل في التسوق من ميونخ .. لكن سويسرا ماتسوى مشوارها على 3 ايام ..
ولو تبون رأيي اقنعي زوجك الله يخليه لك بميونخ اقرب لكم واريح لانو رحلتكم 11 ليلة ماتسوى عليكم طول المسافات .. لانو القطار النمساوي من زيلامسي الى ميلان 8 ساعات و3 توقفات لتغير القطار .. والقطار الاوروبي 7 ساعات وتوقف واحد لتغير القطار ..
بالتوفيق ..

ميونخ حق تسوق Shopping
بس اقري مواضيع الاعضاء و راح تستفيدين منها كثير
وان شاء الله بكتب تقريري الايام هذة و راح تستفيدين منه حيل

شكرا
الله يعافيكم صراحه مره ريحتوني
إدعوا لنا تطلع رحله ناجحه
وسوري إذا اتعبتكم والله يعينكم على أسئلتنا وإنتظروا تقريري إنشاء الله
بس سؤال هل إيطاليا في شهر اوقست مره حاره يعني كم درججة الحراره
وين نسكن في ميلان ولا فينس وش افضل بما أنها قريبه من بعض