refaas0a
22-07-2022 - 03:47 am
بروح رومانيا في عيد الحج وبالتحديد براشوف ابغى من خبراء هذا البلد الجميل افادتي خاصة اني بروح وقت شتاء وماهي الاماكن الجميلة غير براشوف في هذا الوقت..اسف كثرت اسئلة.....شكرا علي هذا الموقع الممتاز وشكرا على الرد مقدما :x1:
مساء الخير يا حلو
اول شي اتوقع انك اخذت المعلومات الكامله من اهل المعرفه لان نداءك قبل عشرة ايام.. على كل حال
انا ماني قليل شر في رومانيا انا جيتها ثلاث مرات ومجموع الايام الي قضيتها فيها اكثر من 65 يوم مابين صيف وشتاء وربيع..
اول شي انا انصحك تجيب معك جكيتات ولفة راس وشي يدفي رقبتك وتحاول تشتري من السعوديه اذا انت في السعوديه او اشتر من بلدك لانك تعرف الاسعار و الاسعار في رومانيا في الشتاء وخاصه الجكيتات خياليه ناهيك عن الجوده المعدومه في الصناعه..على كل الله يعينك في ذا الوقت من السنه..
ثانيا" برشوف او بالتينس اوغيرها من المناطق الجبليه الثانيه تكون درجة الحراره اقل من 15 تحت الصفر كذلك العاصمه بوخاريست ايضا" تكون قريبه من هالدرجه هاذي..
منطقة بالتينس (paltinis) تبعد عن العاصمه 120 كم طبعا" تستعمل القطار..
في المنطقه هذي مكان كبير للتزلج.. ما افضل لك تطلع بالتلفريك لان الجو يكون صقيع ماتتحمله..عندي رقم واحد روماني يتكلم اللغه العربيه بطلاقه اسمه رجب ورقمه من داخل رومانيا 0723933638 الرجال واضح انه قبيلي لانه حاول يعشيني بلاش.. واجهته بالصدفه في بوفيه في بالتينس وسألته عن شغله قال انا محاسب هنا وفي وقت الاجازات اكون مرشد سياحيه.. ما سألته عن السعر ولا اقدر افتيلك من راسي..
الاجازه في رومانيا حلوه مره بس في الوقت الي تبي تروح انت فيه اخشى عليك الندامه..
اذا تبي نصيحتي !!!! خل سفرتك في شهر 6 او 7 ميلادي والله والله والله ماراح تندم طول عمرك..
وجعلك سالم