أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
أهلين فيكم حبيت تساعدوني كم
تكليف السفر لبلجيكالمدة أسبوعين وخلالها
يوم لفرنسا دزني لاند_ألمانيا_هولند
وش الخطوط السنعة والمريحة ترى عددنا 8 أشخاص أصغر واحد عمره خمس
سنوات :smile125:
السلام عليكم ورحمة الله وبركاته
بدايتاً انرحب فيج بين اخوانج وخواتج وان شاءالله اتفيدين وتستفيدين
هل فيه امكانيه اتأجرون سياره !!
وهولندا مايحتاج طياره قريبه منكم واجد ونفس الشي باريس ..
مشكورين أخواني noura86 والقطري على التفاعل والرد
أنتم مافهمتو طلبي أبغى أعرف كم تكلفنا سفرتنا شامل التذاكر والسكن في شقق والذهاب لباريس وهولندا والمانيا كل وحد لها يوم مع طبعا الأكل ولا أنسى قيمة التذاكر للقطار بين هذة الدول
وهل فية خطوط دايركت من الرياض لبلجيكا وتكون ممتازة ومريحة
مرة ثانية الله يعطيكم العافية
بالنسبه للميزانية صدقيني صعبة نقدر نحدد لج جم بالضبط لان كل واحد وطريقة صرفه يختلف من شخص لآخر وبعدين على حسب انتي بجم راح تحصلين الشقق اللي راح تسكنون فيها ومستواها
وطريقة صرفج بالسوق والوجبات يعني في ناس اقتصاديين حتى بالسفر مايصرفون وايد وفي ناس العكس
فصدقيني هالشي يعتمد عليكم
بس اللي اقدر اقولج اياه ان انتوا ماشالله عايله كبيرة وبتنقلون واايد فاا اكيد يبيلكم ميزانية لان باوروبا كل شي غالي
وبالنسبة للرحلات اللي عرفته ان عندج 3 خيارات اذا انت بتروحين من الرياض
1.الخطوط البريطانية وتوصلون لندن ومنها تكملون لبلجيكا
2. الخطوط الهولندية Klm راح توديكم امستردام
3. الخطوط الالمانية ( لوفتهانزا ) توصلون المانيا ومنها لبلجيكا
بالنسبة لج اشوف الافضل يا الالمانية او الهولندية وبالرجعة قعدوا يومين او 3 بوحدة منهم ومنها للرياض
ورحلة سعيدة
تسلمين يا قلبي noura86 ما قصرتي
اناعندي كم استفسارارجو الأفادة
1_أهم شي الحجاب لأني ماراح اغير في حجابي شي(العبأة والنقاب)فهل ممكن أتعرض لمضايقة
في بلجيكا ومدنها وفرنسافي ولا دزني والمانيا وهولند
2_ أنا قد قريت عن الخطوط المانية انها غير مريحة :thumbdownوفي تفرقة في معاملة المضيفين للركاب
مدري هذا الكلا م صحيح؟
3_ كم يوم يكفي لأماكن السياحية لبلجيكا وهل فية مدن بلجيكية تستحق الزيارة غير بروج
4_معلومةعائلتنا لايوجد فيها من يعرف اللغة الأنجليزية :55654:كيف نتغلب على هذة المشكلة
شوفي حبيبتي
1. الحجاب حاليا في اوروبا عادي مو مثل اول لكن انصحج انج تبتعدين عن الالوان الداكنة وخصوصا الاسود لبسي الالوان الفاتحة عشان ماتلفتين النظر وانشالله ماراح يكون في مضايقات ولا شي
2.الخطوط الالمانية انا سافرت عليها جم مرة ماقدر اقولج انها ممتازة لكنها متوسطة انا عندي الخطوط الهولندية ارقى بوايد بس ماكو تفرقة مثل ماانتي قلتي ولا شي عادي الوضع طبيعي جدا
3.بالنسبة لبلجيكا انا صراحة ماعندي خبرة فيها لكن عن طريق هولندا دخلت لها بالقطار قضيت يوم ببروكسل ويوم في انتروب والمنطقتين كانوا حلوين بس انا اتوقع كافي عليها اسبوع لان البلد صغير واذا حابه تعرفين اكثر عن المدن اللي فيها اقري التقارير وشوفي في صفحة مخصصة لها بالبوابة صدقيني راح تستفيدين منهم
4.بالنسبة للغة الانجليزية اذا انتوا تعرفون الكلمات البسيطة مو مشكلة تقدرون تمشون حالكم لكن اذا مرة وحدة ماتعرفون راح تكون عندكم صعوبة شوي في تسيير اموركم فا على الاقل عرفوا بعض الكلمات الرئيسية اللي تساعدكم
ورحلة سعيدة انشالله
ليش كذا الحين هذا وانا توي جديده ولحد عبرني
ماصدقت ان المنتدى قبل عضويتي والحين اتحطم محد يرد علي