رحال العالم
22-05-2022 - 11:44 pm
السلام عليكم
كيف حالكم
أنا ودي استفسر من خبراء التأثيث في المنتدى وصراحه كثر الله خيرهم فادونا بس مالقيت اللي اطمح له فقلت اكتب موضوع وبأذن الله ألقا الرد
إحنا نبني حاليا وخلصنا من العظم وقلت خلني أسأل عن التأثيث قبل لا يطيح الفاس يالراس.
كنت اكلم واحد قبل فتره وقال لي عن أثاث الصين وعن فئات الاثاث عندهم (وهذا الشي اللي
ماسمعت عنه في المنتدى) وعن مدى تنوعه ورخصه فقال لي إذا عندك مخطط البيت ارفعه عن طريق
الأوتو كاد (autocad) إلى ثلاثي الابعاد بدل ماكان ثنائي الابعاد ويقول نروح للصين او نرسله من الرياض
إلى (مصانع او شركات الاثاث) ونعطيهم مخطط البيت على 3d ويقومون بتأثيه وتركيب الحمامات اعزكم
الله والمطابخ وغرف النوم ويقومون بملئ جميع الزوايا الميته في البيت بديكورات واشياء هم ابخص بها
وطبعا الشغل كله عن طريق الكمبيوتر تشوف البيت متأثث عن طريق الكمبيوتر بعد ماترسه لكذا شركه
وإذا خلصو من تأثيث البيت عن طريق البرنامج يرسلونه لك اذا جاز لك تشتري منهم وإذا ما جاز لك شف
شركه ثانيه.
وطبعاً البرنامج غني عن التعريف ويوحج برامج مماثله ويكون الاثاث المركب والمطابه والحمامات اقرب إلى
اقرب إلى الحقيقه بعد تنقية الصوره.
وطبعا يحتاج رفع المخطط تبع البيت ل 3d إلى خبير في البرامج الهندسيه فانا تعبت وحست الدنيا من
مكاتب هندسه وخبراء ديكور وما لقيت منهم إلا الإستغلال إلى ما لقيت واحد الله يجزاه خير قال أنا
بسويه لك وطبعا على كلامه يقول في 4 برامج وكلها ترفع على ال 3d بس يقول الشركه اللي بتركب
الاثاث اي نوع من البرامج تحتاج وتختلف الصعوبه من برنامج لبرنامج
0هذا اللي انا استفسر عنه هل بالإمكان فعلها وتأثيث البيت بهذه الطريقه وأختار اللي يعجبني بدال ما اقعد احوس
المعارض اللي على قولتكم ثلاث ايام ولا اخلص واحد
أسف على الإطاله وارجو من لديه وجهة رأي أو سؤال أن يتفضل علينا.
وشكراً.
الفكرة نظريا ,,, رهيبة ...
ممتازة ... بل وفوق الممتازة ....
لكن .. عمليا ... صعبة الحدوث .. ولن تجد من يعمل هذا لك ...
اولا ... مسألة انك تخلي خريطة البيت ثلاثية ابعاد ...
هذي تكلف ... والسبب .. لانها شغلة متخصصة وتحتاج الى ناس متخصصين في هذا المجال ...
وهم قلة قليلة ... لذا تجدهم يستغلون الوضع ... واسعارهم تكون غالية ...
ولكن للامانة ... الشغلة هذي مب سلة مثل ماتتصورون ...
وتحتاج الى جهد كبير ... وتركيز ... ووقت ايضا ...
من الناحية الاخرى ... الصين ...
تتوقع تحصل صيني ... يسويلك هالشغلة ؟؟؟
يعطيك عصارة افكاره ... يعني يتعب .. ويشتغل ...
وآخر شي ... يمكن تاخذ من عنده ويمكن لا ؟؟!!
هذي نقطة ...
النقطة الثانية اخوي ...انت تتكلم عن ارضيات وحمامات واثاث ...
مافي حد فالصين ... يسوي هالثلاث اشياء مع بعض ...
الارضيات ... سواء سيراميك او بورسلان .... شركات غير ...
والحمامات ... شركات مختلفة ...
وذوله في مدينة فوشان...
اما الاثاث ... فالشركات موجودة في مدينة شنده ...
اما النقطة الثالثة .... الحين احنا نتكلم ونقول يمكن تحصل حد يوافق يسوي لك ... وبعدين ماتحصل واحد عنجه الشغلات الثاث كلها مجتمه عنده ....
ولازم نسأل ... هل في حد فالصين ... عنده هالبرنامج ومتخصص بالطريقة هذي ؟؟؟
لا اعتقد ....
بالنسبة لتشطيب البيت وشراء الاثاث ...
لازم اخوي ... تمر عالمحلات وتعاين البلاط ... والحمامات ...
وتفتر ... لين تتعب ...
واذا ناسبتك البضاعة .. وناسبك السعر ... وقتها تشتري ...
وفالختام ... أتمنى فكرتك ... تصير واقع ....
ونفتك من عوار الراس ...
لكن شوف ... انت تقدر تستفيد من فكرتك ...
تاخذ خرايط بيتك ... 2d ... وتعطيها لمهندس ديكور ...
وخله يوزع لك البيت ... من ارضيات وحمامات واثاث ... واضاءة ...
كل شي ...
وعلى ضوءها .... تقتدر تحط في بالك فكرة أولية ...
والامور توضح بالنسبة لك ...
يعطيك العافية اخوي ...
واسمح لي عالاطالة ...