السلام عليكم و رحمة الله ة بركاته..
اخواتي و اخواتي مشرفي و اعضاء منتدى العرب المسافرون..
بعد ان ابحرت طويلا في تقاريركم و مواضيعكم المفيده عن السفر الي النمسا..
خرجت بهذا الجدول المتواضع و اتمنى منكم تقديم النصح و الافاده..
نويت ان شاء الله السفر الى زيلامسي و فينا مع عائلتي(9 اشخاص)
4 اشخاص > 20 سنه
3 مابين 11-15 سنه
و طفلين 3 و نص و سنه..
فترة الاقامه من217 - 257 في زلامسي و من 25-30 في فينا
الفنادق:
زلامسي: neue post
فينا: Hotel Appartements Riemergasse‏
الجدول كالتالي:
بنطلع من ميونخ لزلامسي بالقطار
اول ما نوصل الفندق باخذ منهم الخرايط و جداول رحلات الباص
بس ما اعرف يحتاج نروح انفورميشن ديسك والا الفندق كفايه؟؟
اليوم الاول(الاربعاء):
استكشاف المنطقه و البحيره
اليوم الثاني(الخميس):
الزحليقه الصيفيه
اليوم الثالث(الجمعه):
city express
اليوم الرابع(السبت):
شلالات krimml +حجز تذاكر لفيننا
طبعا في اخر كل يوم اذا عندنا وقت بنتمشى في المنطقه..
شرايكم في الجدول؟؟
هل الاماكن اللي ذكرتها تصلح حق اطفال؟؟
و بالنسبه للقطار من زلامسي لفيينا سمعت ان يوقف دقيقه و يمشي و انا احاتي شلون بنشيل شناطنا و اغراضنا؟؟
هل في طريقه انسب للسفر مع عدد كبير من زلامسي لفينا و تكون اقتصاديه؟؟
الحين جدول فيينا:
الوصول تاريخ 25
بناخذ فيينا كارد من المحطه مثل ما قريت في بعض التقارير
اليوم الاول(الاحد):
ساحة ستيفنز
اليوم الثاني(الاثنين):
نهر الدانوب+برج الدانوب+حديقة الدانوب
اليوم الثالث(الثلاثاء):
قصر الشنبرون+ حديقة الحيوان
اليوم الرابع(الاربعاء):
هوفبيرغ+المطل الجبلي kahlenberg+ براتر
اليوم الخامس(الخميس):
شتاد بارك+ hundertwasser haus+تسوق (ياريت حد يزودني بالاسواق الحلوه )
طبعا في نهاية كل يوم بنروح ساحه او شارع مثل ماريا هلفر او شوتينر او الكارتنر او شويدن.
قريت عن كهف هتلر و قصر لكسمبورغ خارج فينا، هل يسوون العنوه مع الاطفال و الا اكتفي بالاماكن اللي داخل المدينه؟؟
ارجوكم لا تبخلون علي بنصايكم