من أكثر من ست شهور وأنا محدد الوجهه إلى ماليزيا الساحرة ومن أكثر من ثلاث شهور وأنا رايح جاي من مكتب سياحي إلى مكتب حجوزات ويوميًا دخول على العرب المسافرون بوابة ماليزيا
ومن شهرين رتبت الحجوزات والفنادق وتنظيم الرحلة وخلاص تأكدت الحجوزات يوم الأربعاء 3-8-2005م الساعة 10:20 الإقلاع .
تعرفون قبل الرحلة بساعات تكثر الأشغال وما بين سوق وحلاق وسوبر ماركت وأنا ألف ودور
قلت يا لقائد المحنك خلك ذيب وخللك بالمطار قبل الرحلة بوقت كافي ( خبركم ربعنا ما يصل للمطار إلا آخر الوقت ) :112: .
الحمد لله ما آذن المغرب إلا وأنا بالمطار إلا وشوف ذيك الزحمة قلت والله إنك ذيب وقائد محنك واسم على مسمى ذيبان جاي مبكر وأخذ احتياطاتك .
دخلت المطار ويمين ويسار وزحمة غير طبيعية ناس مستعدة للسفر حتى وصلت الموظف وأسلمه التذاكر والجوازات وأقص البوردنق قلت :
الحمد لله حملنا العفش في الطائرة وقصينا البوردنق وطالع فيه إلا بوابة 14 هي بوابة الصعود للطائرة
ألتفت يميني أدور المدام ما أدري وينها يمين شمال ما أدري وين راحت
إلا هي تنتظرني عند موظف الجوازات ( ما شاء الله تسابق الريح )
وأخوكم وراءها مطلق سيقانه للريح أخاف تفوتني الطائرة ( باقي 3 ساعات على الإقلاع )
دخلت على موظف الجوازات
السلام عليكم
وعليكم السلام
موظف الجوازت
أخونا من ........
القائد المحنك
نعم طال عمرك :
موظف الجوازت مشغول بتختيم جوازي وأنا مشغول بالتفكير بماليزيا وبرنامجي
موظف الجوازات
يالأخو
جواز المدام منتهي ومستحيل تسافر
الباقي عليكم