السلام عليكم
انا حالياً في مكاو
وأسكن في the VENETIAN macao
الأوتيل ضخم مرره مره
فيه مول من جميع الماراكات العالميه والمطاعم
يعني هو لحاله يكفي تتمشى فيه
اعتقد ليله إلي ليلتين تكفي في هذي المدينه الجميله
ملاحظه مهمه قبل تروح من hong kong الي macao عن طريق العباره مدري وش يسمونها الفيري
رحلة عذاب وقرف:36_1_2: للي ماتعود يطول بالبحر
أول نصيحه
لا تركبون بالمقدمه السفينه
والثانيه لا تكثرون اكل قبل لا تروحون
فيه حبوب خاصه بالغثيان البحر ضروري تبحثون وتسألون عنها
وإلي يبي يصطحب معه اطفال
راح يتعبون من المشي
ضروري تاخذ معاك لهم Stroller

1- تكون خفيفه وبسرعه تتسفطه
2- تكون مريحه بالحركه والتفحيط!! لانك راح تعاني لو هي من النوع السيئ بالشوارع والمحلات
وفيه بعد ملاحظه
جيبي معاك خافظ حراره وادويه للأنفلونزه وفيكس وبندول
ولو ماتجيبون اطفل اقل من 4 سنوات افضل لان الرحله راح تكون غير ممتعه بالنسبه لهم :112:
والحجاب >>> اشوف هذا السؤال كثير يسألون عنه
مستنكر وغير مستنكر
على حسب الشكل
يعني فيه ناس لابسين عبايه يثيرون الناس بالمكان
لكن فيه ناس لابسين ملون فطالع وقعها اقل على الشعب الفضولي
الشعب في هونق كونق
من وجهت نظري شعب طيب وحليل بس عفش ومافيه نظام
ريحة الشوارع في هونق كونق سيئه بالأغلب في كولون
عندهم اشياء يجففونها زي الأسماك والفواكه
ومعروضه بالمحلات بالشوارع زي المكسرات عندنا
يعني فيك فيك تشم الريحه وتتبخر فيها
شكل كل الاكل عندهم كل ماصارت ريحته شينه و كل ماكان معتق صار اطعم بالنسبه لهم ..
هذا إلي عندي والله يسهل الأمور علينا وعليكم جميعاً