- او انك تخليه اذا واجهك ظرف لاقدر الله خله لك بديل في كوالا...
السلام عليكم ورحمة الله وبركاته..
يعلم الله اني محب لكم الخير حبيت اقدم راي في حاجه معينه الا وهو فندق موجود في كوالالمبور..
ياجماعة الخير انا زرت ماليزيا في صيف عام 1418 انا وواحد من الشباب وللامانه كنت عزابي في تلك الفتره..
فحبيت ادلي بدلوي لعل كلامي ينفعكم وكماقال رسولنا صلى الله عليه وسلم احب الناس الى الله انفعهم للناس ووللامانه هذاالمنتدى يجسد هذالحديث بحكم تعاون الاخوان مع بعضهم البعض..
ذهبت ببرنامج خاص مني انا ولم احجز الا فقط تذاكر السفر الرياض كوالا الرياض اما بقية البرنامج فلم اذهب لشركة ما..
رتبت الحجز وصلنا كوالا ذهبت لفندق وركزوامعي شباب اللي ظروفه المادية وسط اناانصحه بهالفندق رخيص وكويس ..
اسم الفندق سيتي فيلا في وسط كوالا اسمه الحالي اعتقد فندق اسيا او العكس الفندق نظيف وحليو وللامانه اغلب العوائل ساكنين فيه..
بس انا رحت يمه على طول من الفندق لان واحد نصحني فيه من الرياض وعطاني عنوانه وعلى طول من جد ارتحت فيه بقوه كانت قيمة الغرفه انذاك 80 رينجت الفندق اربع نجوم لكن زي الخمس نجوم عندا في السعوديه..
اذاتبغى تروح له ومنت مقتنع من كلامي احجز عليه من هنا مع اني انصح للي ظروفهم وسط يسكنون فيه مع العلم انه في منطقه قريبه من البرجين وقريب من المطاعم وبجنبه صراف عمله وسوق الخضار ومقاهي حلوه والاهم انك تسمع الاذان دائما لان تحته جامع ...وهذاالاهم
الفنق اسمه سيتي فيلا...او تغير الان اسمه آآآآآآسيا التكاسي من المطار يعرفونه
او انك تخليه اذا واجهك ظرف لاقدر الله خله لك بديل في كوالا...
في بينانج عام 1418 سكنت في فق الهوليدي ان بمبلغ 92 رينجت وفي غره مطله ايضا بس لاحظو اننا رحنا في وقت اجازه مثل اللي بتجي ان شاء الله وقتها تو السياحه بدت في ماليزيا...وبينانج مكان جميل مثل منتم عارفين ومااحتجنا شركات تحجز لنا..
طبعالمدة اربعة ايام
في لنكاوي اخذنا برنامج لمدخ يوم بالفيري ودرنا كل لنكاوي ورجعنا بينانج بنفس اليوم من الساع 7 الى 9 مع وجبه في الماكدنالدز..
كانت ممتعه
شباب والله فيه فندق حلو بجنتينج مازلت اتذكره وبقوه اسمه اوانا والله محترم ورايق بقوه وتقدر تحجز له من هناك وارخص من العروض اللي غثتنا بسعرها..
خيال بقوه فيه تلفريك يوديك مدينة الاعلب والسوق التجاري على مااظن بل اكيد..
المده ثلاثة ايام وستكشاف الغابات اللي في جنتنج بروحناالي ورى فندق اوانا..
كوالا مره ثانيه والله يذكرك بالخير يالحاج احمد اتمنى انه حي يرزق لانه طيب ووفقنا الله فيه ودانا لكل شبر في كوالا وجنتينق وبينانج لانه كبير في السن ..ويتكلم عربي وامين وخلوق وحريص على الصلاة..
كل هذاا عام 1418 العرض مناحنا بس التذاكر قطعناها من الرياض اما الفنادق فمن تخطيطنااحنا..
والان انا متزوج ومن جد ودي اجيب ام العيال لكوالا وبينانج ولنكاوي وكاميرون وصدقوني ماراح اقطع الا التذاكر فقط والبقيه اناراح ادبرها من ماليزيا نفسها وبارخص الاثمان..ان شاء الله
ادري فيه احد بيقول ماتحصل حجز في الفنادق وانااقول من توكل على الله فهو حسبه ثم لابد ان تعرف دهاليز الاماكن اللي بتروحها..
شباب من حق كل واحد فيكم ياخذ برنامج خاصه اذا كان عائله بس صدقوني والله الاسعار من داخل ماليزياارخص بكثير واسال مجرب ولا تسال طبيب..
يعني بدل 14 يوم راح تجلس 20 يوم وتدور ماليزيا كلها..
اتمنى لكم التوفيق وحياة مليئه بالسعاده وسفر موفق باذنه تعالى..
محبكم ومغليكم
حسب الظروف
اخى الفاضل :
بارك الله فيك..مفهوم السياحة اختلف كثيرا من ناحية الماليزين انفسهم..وهم من قام بتدبيل
الاسعار عاما تلو عام..واتمنى فعلا ان تجد نفس الاسعار التى تحدثت عنها قبل عشر سنوات تقريبا..