meow7_7
29-10-2022 - 03:30 am
السلام عليكم ورحمة الله وبركاته
باذن الله بمطلع من الكويت الى البحرين ... مرورا بالشرقية ....
شو افضل طريق تنصحونا فيه ..!!!
فالبداية ماكنا مقررين نقعد فالشرقية ........ ولكن قلنا دامنا بنمر شي طيب انه نقعد ونشوف اهم الاماكم المميزة فيها ...
اسالتي هي:
= شو الطريق اللي تنصحونا فيه من الكويت الى البحرين؟
= وين نسكن ؟؟ الخبر وإلا الدمام ؟ و اقترحوا لنا فندق ممتاز و نظيف .
= شو اهم الامكان السياحية اللي ماتتفوت ؟
= أهم المطاعم المميزة؟
ومشكورين مقدما
= شو الطريق اللي تنصحونا فيه من الكويت الى البحرين؟
الطريق معروف وأعتقد انه لايوجد سوا طريق واحد المتجه إلى الجبيل والدمام واعتقد انه امتداد ابوحدريه واقرب محطه بعد الحدود يدلونك وصعب تضيع ..
= وين نسكن ؟؟ الخبر وإلا الدمام ؟ و اقترحوا لنا فندق ممتاز و نظيف .
الأفضل السكن بالخبر لأن الدمام اغلبها حفريات الان واعمال قائمه إصلاح طرق الخبر فيها كم شارع مسكر بس أهون من الدمام وأقترح لك ان تبحث في تقارير المنتدى لتستفيد وحاول تكون جنب منطقه مجمع الراشد او جانب الواجهة البحريه ويوجد خيارات مميزه= شو اهم الامكان السياحية اللي ماتتفوت ؟
على حسب إذا كان السفر بأطفال او بدون فيه تقرير لأخ كريم كويتي كانت طلعته حلوه وراح شاطئ نصف القمر وهناك سايتك ممتاز جداً للأطفال تقدر تدخل موقعهم وتشوف الانشطه في وقت وجودك
= أهم المطاعم المميزة؟
يوجد الكثير لتختار منه وانا وأعوذ بالله من كلمة أنا جربت تقريباً اغلب المطاعم واستطيع نصحك ببعضها إن كنت من محبين الاكل الإيطالي الجندولا هو الافضل وإن كنت من محبين الأكل الامريكي غير الفاست فود تشيليز وابل بيز وفدركرز وإن كنت من محبي الأكل الهندي مغل أو كوبر شندني وإن كنت من محبي الأكل البحري سول كيتشن وإذا ترغب بمحل للفطور الجميل والقهوه الصباحيه يوجد أكثر من خيار على شارع الواجهة البحريه واغلبها جميله ولابد من زيارة قهوة الليوان وتذوق القهوه العربيه مع التمروحياك الله أخي الكريم ..