mozen_4
03-08-2022 - 08:31 am
هلا إخواني ..
ومساكم ربي وصبحكم بالخيرات و المسرات ..
هذي أول كتابة لي في المنتدى الجميل وأبي فزعتكم وتوجيهاتكم لأني مزنوق ولا فيه خبره كافية والوقت يداهمني ....
أبي رايكم أنا طالع لشهر العسل في أوربا
وبعض الزملاء اقترح علي سويسرا - النمسا - ألمانيا
وأنا محتار ولا أدري وش الراي وخاصة إنها أول مرة أطلع فيها لأوربا
وش رايكم ؟ وكذلك وش الأفضل أبدا بسوسيرا وإلا ألمانيا ؟
وكذلك إذا كان عندكم مخطط مقترح لتوزيع الأيام على المناطق ؟ وأهم الأماكن التي تميز المدينة أو الدولة ؟
مدة الرحلة تقريبا 14-15 يوم
الوقت تقريبا في نهاية شهر 5 ميلادي إذا يسر الله .
فما رأيكم ؟
أنا مستعجل وأبي الراي من أهل الخبرة عشان احجز تذاكر واضبط التأشيرة
شاكر لكم ودعواتكم لي بالتوفيق و التيسير
وربي يوفق وييسر لكل من ساعدني وفادني
أخوي انا أنصحك تقتصر على ( ألمانيا + النمسا )
لأنها رحله شهر عسل واذا أضفنا عليها سويسرا التنقل بيكون متعب والمسافات بتصير أطول
وأنا ما انصح بهذا الشئ
ثانيا : أنصحك وبشده تستأجر سياره عشان تفتك من مواعيد القطارات والمواصلات
ويكون عندكم خصوصيه أكثر وراح تتمتع في الطرقات عند القياده في أوروبا
وتمشي مثل ماتحب وتوقف متى ما أردت
المخطط كالتالي ( وان شاء الله يعجبك ) :
ميوونخ ليلتين (عند الوصول تستلم السياره من المطار وتريح ليله في الفندق وتتمشى فيها شوي وتزور معالمها المعروفه ثم تروح لقريه قارمش )
المسافه من ميونخ الى قارمش 90 كيلوا ( ساعه بالسياره )
قارمش 3 ليالي ( طبعا أنصحك تسكن فيها لأن السكن فيها له متعه خاصه - تزور معالمها وتشوف مناظرها الروعه والطبيعه الساحره - ثم تسافر لكابرون ( النمسا ) )
المسافه من قارمش الى كابرون 200 كيلوا ( ساعتين بالسياره )
كابرون 6 ليالي ( تسكن فيها وتقدر ترووح لقريه لزيلامسي الرائعه والساحره لأنها قريبه منها جدا حوالي 12 كيلوا فقط
وتقدر تزور مدينه سالزبورغ لمده يوم كامل من الصباح و تبعد عن كابرون مسافه 180 كيلوا )
ثم العووده الى ميونخ من كابرون
والمسافه عند العوده من كابرون الى ميونخ 190 كيلوا ( ساعه ونص بالسياره )
ميوونخ ليله واحده او ليلتين قبل السفر (تخليها للتسوق وشراء الهدايا )
صورره للمخطط
وممكن اذا حبيت تبدأ من سويسرا وتمشئ بعكس المخطط
ابتدأ من فيينا ثم انتهاء بيمونخ
لاتنساني من دعائك