عندي استفسارات عن لندن لانها اول مره اسافر الى لندن
طبعا انا مسافر مع زوجتي وابنتي عمرها 6 سنوات للعلاج في مستشفى قريت اورموند ستريت وسبب العلاج لانها لاتمشي
حاب اسال عن المكان اللي فيه المستشفى انا سمعت انه بالقرب من روسل سكوير
- فندق قريب من المستشفى ويكون ممتاز 5 نجوم
- كيف الجو اخر شهر 9 موعد السفر
- شنو احسن خطوط درجه رجال اعمال الى لندن
- ممكن فكره عن المنطقه اللي فيها المستشفى يعني شنو فيها من اسواق ومطاعم
- ممكن اي معلومه استفيد منها في لندن
- بالنسبه للعبايه والنقاب لزوجتي هل فيه مضايقات في لندن
وكل عام وانتم بخير وان شاء الله ماتشوفون مكروه واتمنا دعاءكم لابنتي بالشفاء في هذا الشهر الفضيل
هلا بأخي الفاضل حياك الله بين أخوانك وخواتك تفيدون وتستفيدون الله يشافى مريضكم يارب
أول شئ أحنا ماراح نتكلم عن العلاج بالتفصيل عشان قوانين المنتدي تمنع مواضبع العلاج
الافضل تسكن بشارع العرب أجور رود أفضل من كل النواحي طبعا يكون شارع العرب كله حركه وبقالات 24 ساعه
مفتوحه والصيدليات هم فى 24 ساعه مفتوحه وتقدر تتمشى تحس بدوله خليجيه بالشارع هذا بالذات
أنا عن تجربتى توني جاي من لندن علاج سنه كامله
بالنسبه عن النقاب والعبايه ما عندك مشكله راح تشوف ناس واجد والشياب لبسين دشداشه وغتره وغقال
لا تحاتى فى هذي الأمور
وأي خدمه أحنا حاضرين