موادع1
24-04-2022 - 06:22 pm
السلام عليكم ورحمه الله وبركاته
اي شخص عندة تجربة مع فندق معين ممكن يذكر لنا عنه عشان نقدر نحصر للاعضاء افضل الفنادق
1- مستوى الفندق
2- المميزات
3- العيوب
4- ملاحظات عامة
فنادق ينصح بها في لندن
1- - فندق الكمبرلاند
2-هيلتون ميتروبولول -- سلفردج
3-ثستل ماربل ارج
4-فندق رويال لانكستر
5-coruse hydepark hotel
6-ملينيوم ماي فير
7-فندق indigo بباندنغتون
8-الكوريوس هايد بارك
تحياتي موادع
اشكرك اخويه على هالموضوع المفيد ،،
ان برمس عن تجربتي ،،
انا يلست في Novote paddington hotel
مستوى الفندق ام 4 نجوم
نظيف مرتب هادي آمن ،، الموظفين طيبيين و متعاونين و ماعليهم كلام ،،
يوجد مصعد و انترنت في اللوبي
الاكل في المطعم الفندق جيد جداا
واهم شي عندنا ان ماكان فيه عرب
والغرف فيها سوفه بيد يعني اتكفي حق 3 اشخاص
واسعارهم حلوه و مناسبه مع الريوق
موقع الفندق ،،
بالنسبه لمحطة الستيشن قريب جدا تقريبا دقيقتين او 3 مشي ،،
موجود بالقرب منه مطاعم و مقهى ستاربكس و سوبرماركت سيانسبري شي جيه اسمه
المطعم الايطالي يجنن اكله و اللي يشتغلون فيه فنانين و يعرفون ان العرب مايكلون الهام
العيوب
في الغرفه المرحاض ( كرم الله السامعين) في حمام بروحه و ماشي ماي
ماشي عامل ينقل الشنط للغرف او ينزل الشنط اللوبي
و بعيد اشوي نوعا ما من الهايد بارك
و بس يعني ان شاء الله لو بسير مره ثانيه لندن ما بيلس فيه لانه بعيد عن الأماكن اللي ابا ازورها ،
صح اني ادل المكان الحين من الفندق لين الاماكن اللي اباها بس افضل واحد اقرب ،،
وبس
وسامحوني على القصوور