السلام عليكم ورحمة الله وبركاته
مساء الورد..
عندي استفسار الله لا يهينكم ويعينكم علي
انا من القصيم اول مره بسافر.. وناوين بإذن الله على ماليزيا لقضاء شهر العسل ومدته راح تكون 15يوم
طبعا ماحجزنا ولا شيء لانه بدري شوي.. لكن نبغى تكون السفرة بعد الزواج ع طول بتاريخ 6101432
والسؤال هنا: هل التاريخ ذا يضبط معنا او انه على حسب الحجز؟
وإذا هو على حسب حجزنا ..متى يكون الوقت المناسب للحجز لاصار بهالتاريخ؟!!
وهل نعتمد على مكتب حجوزات يضبط لنا كل شيء؟؟ مع العلم اني خايفه لما نروح يحشروننا مع قروبات!!!
(مادري عن هالنقطه ياليت تفيدونن به)
وثانيا: كم يجب تكون الميزانية؟! انا سمعت انه لازم يكون معنا بحدود 10,000 الف
غير التذاكر.. , هل هو مناسب ذا المبلغ؟ او انه مبالغ فيه؟!!
وشيء ثاني.. مانبي البهذله من مطار لمطار ليمن نبلغ وجهتنا..يعني نبي بس توقف واحد عشان مانتعب.. على اي خطوط نسافر بعد الخطوط السعودية؟؟
ثالثا : اثناء التواجد هناك ماهي اجمل جزر يمكن لنا زيارتها.. واللي طبعا تناسب للعرايس؟
مافي شيء ثاني فبالي ..بس إذا انا غفلت عن شيء ياليت تذكرونن..
ولكم جزيل الشكر..