ليه مآ تشوف موقع booking
يعطيك كل الفنآدق وكل المعلومآت اللي تبيهآ ..
أنآ رآح اكون ب هونج كونج بعدك بكم يوم ..
وحطيت في بآل فنتدق الأنتر والفور سيزون ..
وفيه فنآدق ثآنيه بس لسى جآلسه أشوف الافضل لي من نآحيه المكآن وكيذآ ..
بس أهم شيء تأخذ فندق قريب ل محطة القطآر عشآن مآ تتعب .. لو كنت حآب تطلع مشآوير ب المتروو ..
موفق

الاخ الفاضل حمزووتي
(صح الاسم ؟)
انا الان في هونق كونق وفي عز الزحمة شارع ( Nathan Road في منطقة Kowloon, Tsim Sha Tsui ).
وكل شي قريب منك مطاعم حلال وقهوة ماك دونالدز تفتح 24 ساعة.
واهم شيئ المركز الاسلامي ومسجد يالله من فضلك.
الفندق اللي انا فيه اسمه mira hotel ممتاز لكن غويلي شوي واسعارة من 250 - 350 دولار.
لكن وانا اتمشى بعد صلاة الفجر انتبهت لفندق شكله جيد جدا وسعرة في مواقع الحجز من 120 - 150 دولار واسمه
Imperial Hotel .
آمل ان اكون افدتك ولا تنسانا من دعواتك الطيبة.
اخوك ابو محمد

هلا اخوي محمد
ههه صح اسمي حمزه بس الدلع حمزوتي او حمزوز p:
والله اشكرك من كل قلبي على الفندق mira hotel صراحه جدا رومنسي وراقي ومكانه حلو
انا بروح على موقع https://www.booking.com/
واحجزه يعطيك الف عافيه اخوي محمد فكيت ازمتي لاني كنت محتار

السلام عليكم ...
تم دمج الموضوعين ..
أخوي حمزووتي ..
ارجو الاكتفاء بكتابة موضوع واحد ... وفي مكانه الصحيح ...

اخي الكريم ركز معاي و راح تدعي لي و تنبسط باذن الله
انت تبغى تطل على العمائر و تنبسط بناطحات السحاب و تكون في وسط الزحمة و قريب من كل المجمعات و الاسواق
اذا لازم تسكن في كاولون لانها اجمل اطلالة انظف و افخم فنادق
نصيحتي لك تبعد عن فنادق شارع النيثن لانها مستهكلة نوعا ما حيث انها الوجهة الاولى لاغلب السياح خاصة العرب بما ان النيثن اشهر شارع هناك
في المقابل انصحك بجدية بالسكن على الواجهة البحرية و راح اقترح عليك عدة فنادق فخمة جدا
الانتركونتيننتل على الواجهة و هو افضل اطلالة لكنه الاغلى
رويال جاردن جدا جدا جميل و رائع و سعره معقول نوعا ما
كاولون ريجال بجانب الرويال جاردن
عندك ايضا شنجريلا في الهاربر سيتي
ماركو باولو
لو كان لابد من النيثن عندك فندق الدبليو من سلسة ستار وود العالمية
امبريال لا انصحك ابدا فيه رغم رخص سعره لكن لا انصح به لعدة اسباب
غرفة بالية جدا و قديمة رغم فخامة الفندق خارجيا
الخدمة سيئة
نظام الحماية و ان كان جدا قوي لكن يتعبك كل شوي الكرت يتعطل و ترجع تكلمهم
موقعه سيء من ناحية انه يقع في السنترال هونج كونج في شارع الفينويك و هو شارع كله بارات لكن برضه يعتبر فخم و نظيف لكن بعيد عن محطة القطارات
الي فهمته انك ودك تستمع بمناظر النطاحات و ليس التمشي بينهم فعشان كذا وضعت لك خيارات في الكاولون
باذن الله تنبسط و لو احتجت اي مساعدة لا تتردد و راح افيدك باذن الله عن اي استفسار يخص هونج كونج

انا ارشحلك فندق ناثان

شكرا اخواني معلومات مفيده وقيمه ربي يجزاكم الف خير

بالتوفيق
اخى الفاضل حمزة
ولا تنسانا من الدعاء

اني ابي فندق جيد وفي مكان كويس كشارع ناثان بسعر جيد اتمنى تفيدوني باسماء فنادق جيدة بعيدة عن البارات والمشاكل