السلام عليكم
هذي ملاحظات للناس اللي الى الان ما سافروا
انا كنت متخوف من طريقة التعامل في ماليزيا او بالاصح وش اسوي اول ما اوصل
الموضوع يا جماعه جدا بسيط واللوحات تبين كل شي
فقط لا تتلبك وخلك واثق من نفسك كأنك عاشر مره تجي ماليزيا
من ناحية كرت الدخول
اعتقد انه انلغى لأني ما كتبت اي كرت دخول ولا طلبوني
بالنسبة للشرايح * سيليكوم
بيانات ب 59 فيها 2 قيقا اتوقع
و اتصال ب 39 فيها 35 رنقت
تاكسي المطار .. انتبهوا انتبهوا انتبهوا
وصلت كاونتر التاكسي حصلت موظفتين
وحده ماليزيه ووحده هنديه
رحت ل الماليزيه سألتني كم شخص قلت اثنين
وشافت الشنط قالت لازم تاخذ سياره كبيره
الحساب الى فندق صن واي بيراميد 176
تركتها وطلعت برا حصلت التكاسي يقولون 150
رحت برقر كنق تعشيت ورجعت للصاله الداخليه
ورحت للهنديه وطلبت تاكسي وعطتني هو ب 63 فقط
البيراميد ممتاز
تسجيل دخول وخروج ممتاز جدا
الصن واي لاقون جدا حلوه ولكن الحر خلاني اطلع منها ما اطول
إشتريت التذاكر من الكاونتر الموجود في صن وي ريزورت
عطوني التذاكر ومعها ورقة حقت خروج وعوده للمنتجع واستفدت منها صراحه
انت قدام خيارين
تاخذ صندوق امانات وتحط اغراضك فيه وتلعب
او تجي المدينه وتتفرج وتتصور وكل شي . بعدها ترجع الغرفة تطلع اغراضك وتنزل تلعب
انا سويت الثاني وكان مناسب لي جدا
لاتنسون تشحنون الساعه عشان الاكل والتيوبز حق السباحه
في اليوم الثالث لنكاوي
نصيحه يا اخوان
اذا وصلت لنكاوي بالطياره
خذ تاكسي من الكاونتر
ابعد نقطه في لنكاوي ب 36 اعتقد
لأن التكاسي الخارجيه اشكالهم ما تطمن
بالنسبة للسواق تبع الجولات
عطاني صديقي رقم واحد ومدحه لي ماليزي اصل
لما جيت تفاجئت .. اللي قاله قليل صراحه
امين وخلوق ومسولفجي ويوريك الخريطه ويقول لك تخير بس
والمفاجئه كانت
ان لنكاوي سعر الساعه اصبح محدد تقريبا 30 رنقت واقل جوله 4 ساعات
هو اتفقت معاه على نفس السعر
وتفاجئت انه جاني ب إنوفا السياره العائليه
..
لنكاوي حلوه جدا ولكن يعيبها بالوقت الحالي ، الحر والرطوبه المزعجه
اليوم رايح المانقروف
طبعا حجزتها عن طريق مكتب في المطار
من الفندق الى الفندق 4 ساعات ب 270 رنقت
اي مستجدات راح اخبركم ان شاء الله