اللي أعرفه ان 23 كيلو للشخص الواحد مو لكل الاشخاص
يعني انتو اثنين او ثلاثه اضرب ثلاثين ب 2 او ب 3 يطلع لك الوزن المسموح به
بس نصيحه وزع عفشك على شنطتين اريح لك...ان صارت شنطه بتقص ظهرك بس لو صارت شنطتين تقدر تسحبهم ثنتينهم لو كانو بكفرات
با التوفيق

اخوي اللي اعرفه انو الراكب الواحد يسمح له ب 30 كيلو ... يعني انت وزوجتك 60 كيلو ، والطفل ما ادري كم

اخوي حدي مصر
من سبق لبق!!!! ههه

مرحبا الأخ بوديما , من القوانين الجديدة للطيران العالمي عدم زيادة وزن الشنطة الواحدة عن 32 كيلو , وموضوع الوزن المصرح به لكل مسافر هذا شي ثاني بعض الشركات تحدد للمسافر الواحد 20كيلو مع عدم ممانعة عند زيادة 10 كيلو (في حالة وجود بطاقة الأيرمايلز) , يعني أنت ممكن تاخذ أكثر من شنطة بس على شرط أن الشنطة الواحدة ما يتعدى وزنها 32 كيلو , أتمنى أني أجبت على سؤلك وريحت بالك , وسفرة موفقة أن شاء الله .

بالفعل الاخ عيد عطاك الزبده ، فالمقصود ان الشنطه لا تتعدى 32 كيلو ، اما مساله كم الوزن المسموح للشخص فهذه مساله اخرى ، اذن يجب الا تتعدى وزن الشنطة 32 كيلو ولو كنتو 10 مسافرين في شنطه واحده ..!!
اذن اضبط وزن شنطتك قبل السفر خوفا من ان يقال لك فرغ شنطتك ، وانت في المطار ..!! وهذا ما حصل لبعض المسافرين ..!!

نعم كلام الاخ عيد صحيح
الشنطه الواحد لا تزيد عن 32 كيلو ولو زادت كيلو واحد لطلبون منك التفريغ لان وزن دولي متعارف بكل الخطوط الشنطه الواحده لا تزيد عن 32 بغض النظر عن الوزن المسوح او العدد
انصحك اخذ شنطتين تسهل الشيل والوزن المسوح
ورحلة سعيدة

سؤال بعد اذنكم
وخصوصاً أهل قطر الطيبين
أنا ماسبق وسافرت على الخطوط القطرية
فعندي سؤال
كم الوزن المسموح به على متنها
ولجميع الدرجات
السياحية / الأفق / الأولى
ولكم كل الود
قانوني

مع احترامي لكافة الردود السابقة إلا أنني ومن خلال خبرتي المتواضعة
اتضح لي إن الوزن يعتمد على شركة الطيران اللي إنت مسافر معاها. النظام يختلف كليا باختلاف الخطوط !
أفضل شيء تسويه إنك تدخل على موقع شركة الطيران اللي إنت مسافر معاها وتشيك كم الوزن المسموح فيه عشان لاتتورط. وفي حال الترانزيت وتغيير الخطوط فتأكد من الشركتين لتفادي الإحراجات اللي مالها داعي.
ملاحظة أخيرة. كما قال أحد الإخوة في الردود اعلاه, لو كنتم عشرة في شنطة واحدة, موظف المطار ماراح يتساهل معاكم إذا وزن الشنطة تجاوز الوزن المحدد. لإنهم يفضلوا عشرة شنط بالوزن المحدد على شنطة وزنها زايد لخوفهم من مقاضاة حاملي الشنط لهم ومن هذا الأسباب.