السلام عليكم
اولا رحلة سعيدة
ثانيا انا لست خبيرة
لكن اخطط مثلك لسفرة اوروبية
وماحبيت امر على موضوعك مرور الكرام
اقترح عليك ميلانو تكفيها 3 ايام
وجنيف يومين
وانترلاكن 4 ايام
وزيلامسي 4 ايام
وسالزبورغ يومين
او ممكن تلغي سالزبورغ وتخليها 6 ايام في زيلامسي
واذا بغيت تستمتع صح استاجر سيارة لكامل الرحلة
وممكن تكون جنيف البداية وميلانو النهاية
وبالتوفيق
وان شالله الاخوان مايقصرون معك

بالنسبة للفنادق على الاقل يوميته 80 دينار يعني الف ريال تقريبا اذا اربع نجوم اما بالنسبة للاستفسارات الثانيه اتمنى انك تحط تفاصيل الرحلة والاسخاص والتواريخ عشان يفيدونك الاعضاء
اقترح انك تسافر شهر 6 لان شهر 7 شوي حر و8 رمضان
هذا اللي اقدر افيدك فيه

شكراً لكم أختي أم نوري على المرور ورحلة موفقة لكي أيضاً ،،
وتوزيع رائع للأيام ، وبالنسبة لاستئجار سيارة ، كم من التوقع تكلفة الأجار يومياً وهل ممكن استلامها من جنيف وتسليمها في ميلانو ؟
======
وتسلم أخوي خالد الجويسري على المرور ..
بالنسبة لتفاصيل الرحلة :
الأشخاص : 2 أنا والمدام
التواريخ : مبدئياً أعتقد راح تكون في منتصف سبتمبر القادم ولمدة 12 يوم إلى 15 يوم ( حسب التكاليف ههه )
توزيع الأيام : أفكر حالياً وياليت تساعدوني : 2 جنيف ، 3 أنترلاكن ، 3 زيلامسي ، 2 سالسبورغ ، 3 ميلان

بالتوفيق
بالنسبة للسيارة ممكن تستاجرها من جنيف وتسلمها في ميلانو لكن بيزيد السعر فتدفع ضريبة تسليمها في بلد ثاني
وبالنسبة للسعر الاخوان يفيدونك اكثر
بالنسية لنا استاجرنا سيارة من هرتز استلام وتسليم جنيف ب 3500 لمدة 12 يوم
وبالنسبة لتوزيع الايام ممتاز لكن اقترح تضم ايام سالزبورغ لزيلامسي
وتزور سالزبورغ من زيلامسي وترجع بنفس اليوم
لان المسافة بينهم ساعة تقريبا

^
آها ، الف شكر أختي أم نوري على المعلومة الرائعة ..

سلام عليكم...
اخوي بعطيك بعض المعلومات يمكن تفيدك سويسرا افضل مكان لطبيعه والسياحه والهدوا خل نقول مثلا نزلت جنيف والرجعه ميلانو راح تكون بهالطريقه حسب الخريطه ( جنيف - ديفون - لوزان - زيورخ - بيست - انتر لااكن - لوقانو - ميلانو ) انت اذا حاط براسك تروح ميلانو لأن ميلانو بتجاه ومدن سويسرا بتجاه اخر السياحيه اما بالنسبه لزلامسي بعيده عليك اذا بتروح انتر لااكن وزيورخ تقريباً 580 كيلو .
بس انا لو مكانك ازيد المده اخليها مثلا 20 يوم لأن انت تعرف الجو حلو والطبيعه احلى والوقت يمشي بسرعه عشان تستانس اكثر .
بعدين السفره تترتب على المزاج انت شنو مزاجك طبيعه وشلالات؟ العاب ؟ بحيرات ؟ ريلاكس ؟ شوبنق ؟ متاحف؟ كل مدينه لها ميزه لاازم تعرفها ودي اخدمك اكثر بس مو ماعرف شنو تبي بالضبط عشان اقدر اخدمك حبيبي

هلا حبيبي أبو ناصر ..
بالنسبة للأشياء المفضلة لي بالسفر : طبعاً كل هالأشياء اللي ذكرتها ممتازة و ودي أجربها إذا أمكن ..
لذلك وش البرنامج اللي تشوفه مناسب لي طال عمرك ..

السلام عليكم...
بخصوص السياره اذا بتستلم من جينيف وتسلمها بميلانو بعض الشركات ترفض دخول السياره ايطاليا والهدف (المافيا)
يخافون على السياره فماعتقد بيتم التامين على السياره اذا بتدخل ميلانو الا اذا كان على مسؤوليتك ويطيح التأمين
اما خط السير اذا انت معزم على ميلانو راح يكون على الخريطه على هذا الرابط.
طبعاً اسعار السيارات مختلفه تبدأ من 70 يورو وانت الي صاعد حسب الماده http://maps.google.com/maps/empw?url=http:%2F%2Fmaps.google.com%2Fmaps%3Ff%3Dd%26source%3Ds_d%26saddr%3D%25D9%2585%25D9%258A%25D9%2584%25D8%25A7%25D9%2586%25D9%2588,%2B%25D8%25A5%25D9%258A%25D8%25B7%25D8%25A7%25D9%2584%25D9%258A%25D8%25A7%26daddr%3D%25D9%2583%25D9%2588%25D9%2585%25D9%2588,%2B%25D8%25A5%25D9%258A%25D8%25B7%25D8%25A7%25D9%2584%25D9%258A%25D8%25A7%2Bto:%25D8%25A5%25D9%2586%25D8%25AA%25D8%25B1%25D9%2584%25D8%25A7%25D9%2583%25D9%2586,%2B%25D8%25B3%25D9%2588%25D9%258A%25D8%25B3%25D8%25B1%25D8%25A7%2Bto:%25D8%25B2%25D9%258A%25D9%2588%25D8%25B1%25D8%25AE,%2B%25D8%25B3%25D9%2588%25D9%258A%25D8%25B3%25D8%25B1%25D8%25A7%2Bto:Rust,%2BDeutschland
هذا اذا الوصول ميلانو والعوده ميلانو اذا بتخليها الوصول ميلانو والرجعه جنيف احلى شويو اذا بتخليها الوصول جنيف والعوده ميونخ نفسي هالسنه انت ميه ميه بعطيك خط سير يحبه قلبك بس انت عطني الأوكي أول تحياتي
http://maps.google.com/maps/empw?url=http:%2F%2Fmaps.google.com%2Fmaps%3Ff%3Dd%26source%3Ds_d%26saddr%3D%25D9%2585%25D9%258A%25D9%2584%25D8%25A7%25D9%2586%25D9%2588,%2B%25D8%25A5%25D9%258A%25D8%25B7%25D8%25A7%25D9%2584%25D9%258A%25D8%25A7%26daddr%3D%25D9%2583%25D9%2588%25D9%2585%25D9%2588,%2B%25D8%25A5%25D9%258A%25D8%25B7%25D8%25A7%25D9%2584%25D9%258A%25D8%25A7%2Bto:%25D8%25A5%25D9%2586%25D8%25AA%25D8%25B1%25D9%2584%25D8%25A7%25D9%2583%25D9%2586,%2B%25D8%25B3%25D9%2588%25D9%258A%25D8%25B3%25D8%25B1%25D8%25A7%2Bto:%25D8%25B2%25D9%258A%25D9%2588%25D8%25B1%25D8%25AE,%2B%25D8%25B3%25D9%2588%25D9%258A%25D8%25B3%25D8%25B1%25D8%25A7%2Bto:Rust,%2BDeutschland%2Bto:%25D8%25AC%25D9%2586%25D9%258A%25D9%2581,%2B%25D8%25B3%25D9%2588%25D9%258A%25D8%25B3%25D8%25B1%25D8%25A7%2Bto:%25E2%2580%25AASP34%25E2%2580%25AC%25E2%2580%258F%26geocode%3DFYm4tQIdLTOMACk9o6HLTMGGRzGQGnttVt4wpg%253BFRQJuwIdfKKKAClbKEYgNZyGRzEEtngwIo0d3A%253BFSFfyAIdtwt4ACnz3CpwfKOPRzF5toZKOvMK_Q%253BFR_90gIdHT2CACkZor5JlwuQRzED3B_n8Y1u5g%253BFQKC4AIdBPd1ACmtHqi2gTmRRzEght-lt2sfBA%253BFXjuwAIdWLldACnr4tCTBmWMRzE5vAt7NZW2oA%253BFcRLtgIdqhiIAA%26hl%3Dar%26mra%3Ddme%26mrsp%3D6%26sz%3D7%26sll%3D46.822617,7.657471%26sspn%3D3.284978,7.020264%26ie%3DUTF8%26ll%3D46.822617,7.657471%26spn%3D3.284978,7.020264%26output%3Dembed&hl=ar