شعاع اخر الليل
12-07-2022 - 05:53 pm
الى احلى منتدى سياحي في الكون
الى احلى منتدى ينقلني عبر صفحاته حول العالم بمتعى
ممكن طلب من اهل الشرقيه الكرام
انا مسافره نهايه هذا الاسبوع ان شاء الله الى الدمام والخبر ممكن تدلوني على
فساتين سهرات راقيه
ولكم مني كل الشكر
شوفي حبيبتي احنا عندنا اسواق متخصصه بملابس السهره بس للاسف مستهلكه بكل مناسبه بكل زواج تلقين العرس كله لابسين نفس البدل ممكن تلقين كم محل يكون مميز عن المحلات الثانيه انا اخبر فيه محل اسمه لازار هو اللي بضاعته غير عن المحلات على العموم الاسواق هي
الجمعه سنتر بالخبر
مارينا مول بالدمام
فينيسيا مول الخبر
مجمع الراشد فيه محلات حلووه وغير عن الاسواق الثانيه بس طبعامو كل المحلات بعضها
فيه عندنا بوتيكات حلووه ومميزه بس طبعا سعرها اغلى من المحلات العادييه
عندك الاناقه البسيطه بشارع البيبسي وفيه داخل المجمع حقه كم محل فيه اشياء حلوو
باكو ديزاين فيه محل على شارع الكورنيش وفيه بفؤاد سنتر وفيه فرع لهم اقدم واحد يصير بالشارع المقابل لمجمع الجمعه سنتر
وبجنبه تلقين ميموزا
فيه بوتيك لسه فاتح انا مريت عليه قبل كم يوم بس للامانه مادخلته وشكله حلو يصير تحت فندق شرفه الخليج بعد قدام شارع مجمع الجمعه سنتر يعني بالجهه المقابله
هذا اللي يحضرني حاليا ان شاء الله اذا تذكرت شي رجعت قلتلك
تحياتي وسفره سعيده مقدما