هلا هلا
تو ما نورتوني
بقولكم على مطعم مره فكرته غريبه..بس بصراحه ما ادري وش اسمه ولا وين موقعه
لاني كنت رايحه مع سواق هو يدله..بس اعتقد لو تسألون الفندق بيعرفونه
اول ما تدخلون المطعم بتكونون في غرفه منوره عاديه بس فيها لكرز تحطون فيها موبايلاتكم و شناطكم واي
شي معكم..بعدين يصفصفونكم طابور ورا بعض كل واحد يمسك كتف اللي قدامه.. ويدخلونكم جوا ستاير
ستاير ستاير لين تدخلون غرفه ثانيه..اللي هي المطعم !
كل شي ظلام ما تشوفون شي..واللي يخدمون عليكم عميان
احنا مره رحنا كنا 16 شخص تعالو شوفوا الحوسه اللي حسناها ماحد يزعق غيرنا .. والبيبسي
ينكب على هذا ..وهذا يصقع الثاني بالغلط.. لا واختي ما حلى لها انها تأكل صاحبتها الا هنا !!!
تمسك الشوكه وتصقعها بوجهها وذيك تزااعق لين الحمدلله لقت فمها
والبزر اللي قدامي من كثر ما يتحرك ويحوس كب علي البيبسي :112:
واللي جنبي تسألني انتي مين !! ما احد يشوف الثاني..سوينا ازعاج
ما تجرأنا نطلب عشاء ..بس طلبنا حلى هو اضمن شي..الاكل مدري وش بيجي بهالظلام
كان فيه واحد مغربي في المدخل هو اللي اذا بغينا شي زعقنا عليه ندوره .. واذا جابوا لك الشراب
حقك يمسكون يدك اول بعدين يعطونك الشراب
طبعا احنا استمتعنا .. لكن هنا فيه هدف وفيه بوينت هم يبون يوصلونه للناس.. كيف العميان عايشين ! احنا
نص ساعه ما استحملنا على موضوع اكل وشرب !! اجل هم كيف طول حياتهم وبأدق تفاصيلها وش
يسوون؟
الواحد في نعمه ماهو حاس فيها الا اللي فاقدها.. الحمدلله والشكر لله على كل شي والله يزيدنا من النعم
يالله عاد جربوه وقولوا لي رايكم على فكره انا سمعت ان فيه كاميرات جوا يشووفون الناس وش يسوون
بالظلام انتبهوا عاد لحركاتكم