1. الغامض المرح

الغامض المرح

انا حجزت تذاكر طيران وايضا طيران داخلي من كولالمبور الى بيلنج عشرة ايام وادري انها ما تكفي بس بحكم ظروف العمل ؟؟؟؟
بس ابي مشورتكم بالنسبة للفنادق هل احجز من هنا ولا اذا رحت ماليزيا احجز وهل في فرق في السعر لاني كلمة مكتب يرتبلي 9 ليلي كان السعر بمعدل 500 ريال في فندق اربع نجوم بالنسبة لي وللميزانية اللي حاطها اشوي غالية يعني اذا في فنادق تكون اقل مستوى واقل سعر يعني السعر يتاروح بين 300 الى350 ريال مع الضريبة يكون احسن ؟؟؟ ؟؟ واذا في مكاتب في الشرقية الدمام - القطيف - الخبر مافي اي مشكلة او اعطاء اسامي الفنادق المطلوبة في كل منطقة يكون احسن
الشي الثاني ابي جدول من اهل الخبرة حق 9 ليلي....................
طبعا انا اول ما اوصل انا وزوجتي الغالية الى كولالمبور بروح ليلة الى سلانجور وبنام ليلة وتمشيه سريعه
يوم ثاني باطع على المطار لاني حجزت بعد يوم الى بيلنج - كولالمبور نصيحتكم هل اضيف لنكاوي ولا لا يعني تسوى لنكاوي بالفتة القصيره هذهولا لا؟؟؟؟
ليلة سلانجور 2 ليلة بيلنج
ليلة لنكاوي 5 ليلي كولالمبور
شنو رايكم
تحياتي
مرحبا أخوي
بس انا عندي اقتراح والامر بعد الله لك
ليلة في سلنجور قليلة
ليش ماتخلي
تخلي الاستمتاع بالاماكن اللي في سلنجور من ضمن جلستك بكوالا لانها قريبة منها
يعني ساعه تكفيك مشوار
اشوف يكون جدولك
1 بورت ديكسون
3 لنكاوي
5 كوالا
مجرد اقتراح لانه قهر توصل ماليزيا ولنكاوي مايكون لها نصيب في جدولك
بالنسبة للمكاتب ابعد عنهم نصيحة راح ياخذوا عليك فايدة بدون داعي
انت حدد المناطق واحجز الخطوط الدولية اول شي عشان السعر والامكانية
وبعدها الاخوان هنا ما راح يبخلوا عليك بالنصيحة والمساعدة
الله يختار لك الخير
تحياتي لكم
أبو عبدالرحمن

اللي فهمته ان ايامك هي 9 ليالي
وانك حجزت الى بينانج بعد يوم من وصولك ( يعني بينانج لازم منها لانك خلاص حجزت طيران )
اقتراحي :
(1) ( كوالالمبور ليله واحده ثم بينانج ليلتين ثم لنكاوي ليلتين ثم كوالالمبور 4 ليالي )=9 ليالي
او
(2) ( بوتراجايا ليله واحده ثم بينانج 3 ليالي ثم كوالالمبور 5 ليالي ) = 9 ليالي
ولو على كيفي .. كان خليت جدولك كذا:
(1) ( كوالالمبور ليلتين ثم لنكاوي 4 ليالي ثم كوالالمور 3 ليالي )=9 ليالي
او
(2) ( لنكاوي 4 ليالي ثم كوالالمبور 5 ليالي ) = 9 ليالي

اخوي انا انصحك اتروح اتريح اول ليله في كوالا وتروح 4 ليالي لنكاوي و4 في كوالا
وان شاء الله الخبراء بيفدونك بالفنادق
في الاخير القرار لك اخوي

الغامض المرح
معليش أخوي
جدولك آخر تخبيض
أنت رايح تستمتع وإلا رايح جولة تفقدية لماليزيا؟
كل اللي عندك 9 ليالي وتبي تلف ماليويا كلها؟ إش تسوي لك ليلة في سلانقور؟ أو ليلة في لنكاوي ؟
ليلة وحدة معناها إنك تصل الفندق العصر وتلف لك شوي وبكرة بعد الفطور ترجع الغرفة وتلم شنطك وتشك أوت ولا لحقت جولة ولا لحقت تشوف ولا شيء
أقترح عليك تزود المدة إلى 12 ليلة على الأقل وإذا غير ممكن فوزعها كالتالي:
2 سلانقور
3 لنكاوي
4 كوالا (وخصص يوم لزيارة مرتفعات جنتنق)
رحلة موفقة إن شاء الله