اذا اعمارهم اقل من 7 سنوات انصحك نصيحه لله خلهم عند جدهم وجدتهم

افضل تخلونهم اذا كانو صغار مايستوعبون

وانا اقول خذهم ووسع البال عاى الاخر وخلهم ينبسطون مساكين والله مشكلتنا مشكله نبى عيال ونبى نساافر وننبسط بس بدون ازعاز الله يعين

إذا الرحلة فيها أطفال .. فتأكّد أن 90% من الرحلة ستكون لهم ..وهنا يأتي دور التضحية بالتسلية الشخصية لصالح الأولاد ..

ما احلها من ذكريات عندما يشاهدون ابناءك بعد الكبر تلك الصور و تلك اللقطات
انا ضد السفر وترك الاولاد ابدا ..... ياخي باي حق تتركهم ؟؟ علشان تنبسط !!!!! اسألك بالله
كيف يهنالك بال و يغمض لك جفن وهم بعيدين عنك بغض النظر اذا كانوا في مأمن او لا .....
خذهم معك وتوكل على الله وراح تكون ذكريات لا تنسى في تاريخهم ..... بالتوفيق .
وجهة نظر تحتمل الصواب و الخطاء .
اخوك فتى المدينة

الشكوى لله وش نسويط
اذا اقل من 5 سنوات لا والله تركهم افضل

عايش سعيد
اول شى انا مت من الضحك وانا اتخيل الحال اللى تقوله والمشكله لاتهاوشوا الصغار والابو زعل من الام يقول تربيتك وهى تقول لا منك انت مايهابونك ....ويتهاوشون الروس الكبيره هذ والله الورطه وشوى والعيال متعدلن حالهم ومروقين وبقى الام والاب اللى كل واحد زعلان من الثانى والبلاء لصارت هى عنيدة ولاترضى الالين ينزل راسه الارض والبلاء الاعظم لصارهو عنده كبرياء وشموخ ولايبى يعتذر ويسامح وتخرب عليهم السفريه كلن صاد وجهه عن الثانى ويقول يالله تجى منه ويتنازل ويروحون ويرجعون وهم
المهم بصراحه انا معكم ان العيال لهم حق نمشيهم ونونسهم وانا كنت ضد فكرة تركهم والسفر بدونهم وكنت انقد من يفعل ذلك.........لكن شعرت مع الوقت انه حنا بعد نحتاج شئ لانفسنا نحتاج هدوء وانسجام وتجديد المشاعر وازاله الفتور اللى لابد يصيب الحياة الزوجيه مع الوقت حتى اولادك لما تتركهم اسبوع اسبوعين يشعرون باهميتك ودورك وهالشئ بيعلمهم ويفيدهم وبعدين كم بتتركهم سنه كلها كم يوم
لذلك قررت انا ورجلى نسافر بدون الاولاد واولادنا تفهموا الموقف وحسينا انهم هم بعد يبون يرتاحون منا شوى برغم ان رجلى هو اللى اقنعنى وقال بنخليهم صحيح متخوفه من التجربه ...لكن ان شاء الله ربي ييسرها...وطبعا للاولاد تمشيه داخليه لابد من ذلك اكيد....الله يوفق الجميع واعتذر على الاطاله

انا وزوجى وعيالى كلنا قلوبنا ضعيفة ما اقدر اخليهم ولا يقدرون يخلونى ويا زىن النومة يمهم
مبدئى هو لم ولن اترك اولادى
كما تدين تدان اذا تركتهم الحين عندما تحتاجهم فى الكبر يتركونك
علمهم الجو الاسرى علمهم تشيلهم ويشيلونك

مرحباً
إذا كان السناريو مثل المذكور وهو لفيلم مرعب
ف طلوع الزوج مع الزوجة وتصريف العيال عند جدانهم أفضل وإجمل السبب المميز لذلك أعادة حس الرومنسية والشوق بمعني تجديد في الحياة و أعطئ العلاقة الزوجية لذه أخرى