؟؟
ماأشوف أحد رد
ماتعودنا على رواد منتدانا الغالي!!

1- أبي منتجعات بأسعار معقولة من فئة الثلاث نجوم ببوكيت وشنغماي وهل فيه عروض بليالي مجانية خصوصا اني ناوي أحجز من طريق النت .... وماهي أفضل مواقع للمنتجعات والشوارع المهمة؟؟
للأمانه انا ما احب احجز المنتجعات هو منتجع سنه 2010 حجزته وبالغلط مادريت انه منتجع وندمت لاني من عشاق الفنادق .. فما اقدر افيدك بهالنقطة
افضل موقع وبلا منازع مع اني ماجربت غيره بالحجز هو Booking اسعار رائعه ويوضح لك كل شي تبيه ..في مواقع اخرى ولكن هذا الي جربته وفي كل سفراتي استخدمه
2- الأكل وماأدراك الأكل ( ماهي الطريقة المثلى ) للأكل والمطاعم البحرية لأسعار معقولة .؟
بالنسبة للاكل بحكم اني مو من عشاق ( الاكلات البحريه ) ما اقدر افيدك ولكن من ناحيه الاكل في بانكوك المطاعم العربية تارسة واختار الي تبيه مجابيس ومندي والي يعجبك .. كذلك في بوكت مطاعم عربية مثل مطاعم شرق تقدم احلى الاكلات الخليجيه امانه .. اما شنغماي راح تعاني بموضوع الاكل فعليك بأكل ( الفاست فود )
ع العموم امانة موضوع الاكل ماراح تعاني منه بإذن الله
3- أريد فندق ببانكوك قريب من محطات القطار ويكون نظيف والأهم بسعر معقول .؟
انا سكنت في عدة فنادق في بانكوك لكن مستغرب من طلبك تكون جانب سكة القطار انا الي الاحظه ان Jw ماريوت هو الي فوقه سكة قطار عادي مادري هذي محطة او لا
4- بالنسبة لطيران آسيا الاقتصادي كم مسموح بالوزن .؟
طيران اسيا من خلال حجزك بالنت انت تحدد كم وزن شنطتك سواء حتى 15 او حتى 25 او اكثر والافضل انك تحدد وزن شنطتك حتى لاياخذون عليك قيمة شحن اضافي لانه راح يكون اغلى
5- مستوى الأمان خصوصا للعوائل .؟
جداً أمنة ..
6- هل الدفع يكون تلقائيا للحجز من طريق النت أو بمجرد الوصول للفندق .؟
ان كنت ستستخدم Booking فبعض الفنادق ماتاخذ منك قيمة الحجز الا عند وصولك وبعضها تسحب من الفيزا قيمة اول ليلة وعند وصولك ياخذون المبلغ كامل وتختلف هذي من فندق الى فندق وحسب نوع الحجز
ترد بالسلامة ان شاء الله

ربي يعافيك أخوي قطري
مادري لااخوان يذكرون لنا منتجعات
وبالنسبة للمناطق المهمة للسكن فيها
سمعت ان الأكل العربي غالي ببوكيت على بانكوك
ياليت من يفيدنا
وبالنسبة لمحطة القطار مو شرط فوق الفندق ...
اللي أقصد لو مسافة كيلو أقصد طريقة التنقل سلسة وسهله بالقطار
ياليت الاقي إجابة شافية
شاكر ومقدر لكم

adah
رحلة موفقه باذن الله
برنامج حلو والأيام كافية يمكن شانج ماي كثيرة عليها 5 حدها 3
الفنادق 3 نجوم أسعارها حلو وبتلقى المناسب لك إن شاء الله عن طريق النت
العروض تابع مواقع الحجز مثل بوكينج - آقودا _ آسيا رووم - وغيرها كثير
الدفع الفوري يختلف حسب الفندق وسياسته ( أكثر اللي يأجلوا الدفع في الفندق يستخدمو بوكينج
الشوراع المهمة - بانكوك سكوموفيت من سوي 2 إلى سوي 11
بوكت شاطي البوتنج
شانج ماي عند السوق الليلي

• الأمان لا تخاف الوقت كله لك ليل ونهار بس إبعد عن البارت وشوارعها ممكن تلاقي واحد مو صاحي يغلس عليك وانت معاك أهلك مو حلو

إير أسيا معد تعطي وزن مع التذاكر لما تحجز اطلب الوزن اللي تبيه وكل وزن له سعر 15 - 20- 25 - 30 كيلو

تقسيم الايام من خلال تجربتي العائلية
يوم بانكوك
شنغماي 3 ايام
بوكت 7 أيام (( فندق هوليدي إن ))
بانكوك 6 ايام (( فندق جراند ماجستيك ))
ولامانع من الذهاب لبتايا من الصباح الباكر (( نهار كامل ))
ثم العودة الى بانكوك ...
والشور لك
كل الود

ربي يعافيكم
لكن كيف أحدد وزني بطيران اسيا ...؟؟؟؟؟؟؟

بالنسبة للوزن ياإخوان على اسياء اير لاين
كيف الطريقة ياليت تفصيل مع شرح للحجز من النت
؟؟

بالنسبه للوزن انا حجزت عن طريق موقعهم من بانكوك الى شنقماي لكن نسيت ادفع حق الوزن في الموقع
ويوم وصلت لمطار بانكوك وطلعت لكاونتر أير أسيا وعطيت الموظفه ورقة الحجز واستفسرت بالجهاز هي ووقالت معك عفش قلت ايه قالت لازم تدفع 321 بات حق الوزن حق شخصين عاد مدري كم للشخص الواحد .. وعطتني فاتوره صغيره و رحت دفعتها من اخر كاونتر وعطاني ايصال و رجعت لها ودخلت الشناط مع العفش وعطتني البورندينق ..
لكن عقبها سافرت من شنقماي الى بوكيت وما دفعت حق الوزن وجيت عند الموظفه وقلت لها بدخل شنطتي معي بالطياره قالت عادي بس اهم شي ما فيها سوائل مثل الشامبو ومعجون الاسنان وغيره و رحت وذبيتها ودخلت الشنطه معي
يعني هم ما يدققون اذا كنت بتدخل الشنطه معك للطياره سواء كانت كبيره او صغيره بس اهم شي اذا بتحطها بالعفش لازم تدفع .. وبتشوف مسافرين كثير ياخذون عفشهم معهم جوا الطياره عشان ما يدفعون حق العفش مع انها مبلغ بسيط
واتمنى اني افدتك و بالتوفيق

يعطيك العافية أخي فواز
ياليت من يدلنا على منتجعات بالباتونق حلو للعوايل ونظيف ولو جديد أفضل
ومايتعدى سعره 200 ريال وماعندي مانع من الحجز من النت؟؟؟