انت حدد عدد الايام -وحدد وجهتك وين راح تكون-وبعدين العمله الافضل الدولار
واخيرا مر على سلة المواضيع المميزه وصدقني راح تلاقي كنز من المعلومات ماراح تلاقيه بأي منتدى
وتروح وترجع بالسلامه

سلطان S
انا مسافر للعمه بداية شهر فبراير وعندي كم سؤال واتمنى من الاخوه افادتي

• مسافر انا وشخص 8000 الاف تكفي من غير التذاكر طبعا شباب

نرجو تحديد المده حتى نستطيع حساب الميزانيه وهل كل شخص ب 8000

• الفلوس اخذها معي كاش واي عمله اخذ معي من السعوديه ريال ولا دولار ولا روبيه

الدولار افضل

• راح اسكن في الجبل ابغى اسم فيلا خاصه حلوه وسعرها معقول

جياكرتا او القولف او كوتا بونقا وهي الافضل ولكن بعيده قليلا عن الجبل

• اللي يعرف سواق أمين ويعرف كل حاجه ياليت يعطيني رقمه وكم سعره في اليوم

لم اتعامل مع سائق محدد فلا استطيع ان اجيبك

• نبغى نأخذ معنا عزبه ايش اهم الاغراض اللي ناخذها

اعتقادي الرز هو اهم شي كل شى اخر متوفر هناك فيه شي من الغلاء ولكن اريح من التنقل بالعزبه-
احلى الاماكن اللي نزورها ونقدر نروحلها بالسياره
فى الجبل حديقة الزهور و سفاري وبحيرة الليدو والشلالات
ومناطق قريبه باندونق وسكابومي وبلابوان راتو

• الاماكن اللي نتجنبها

لااعرف
ارجو ماأحد يلومني على كثر الاستفسارات لاني اول مره اروح لها انا واللي معي
نحن فى خدمتك وتمنياتي لكم برحله سعيده

1. نبغى نأخذ معنا عزبه ايش اهم الاغراض اللي ناخذها.


2. والله الله باالتيوس هناك.


3. احلى الاماكن اللي نزورها ونقدر نروحلها بالسياره.

هلا سلطان..تروح وترجع بسلامه انشا ءالله.
بنسبه الميزانيه هذ تكفي فقط من 10 ايام الى 14 يوم ..وهذا يعتمد على اللي ماسك القطه...هل هو يجيد التصرف ولا لا.
بس نصيحتي لكم .افضل انك تحطون لكم مبلغ 3000 ريال على جنب .تكون لاسمح الله لطوارى فقط.

• الفلوس اخذها معي كاش واي عمله اخذ معي من السعوديه ريال ولا دولار ولا روبيه؟

قبل لا تمشي من السعوديه اصرف المبلغ اللي معاكم الى دولارات...وانتبه لا تصفط او تثني الدولارات لان الصرافيين في اندونيسيا يركزون على مثل هذي الامور.

• راح اسكن في الجبل ابغى اسم فيلا خاصه حلوه وسعرها معقول؟

شوف من ناحية الفيلل هي كثيره...يعني ان شاء الله انك ماراح تتورط. ابعطيك حركه انا واغلب الشباب يسوونها وهي بسيطه.
اذا اخذت تكسي من جاكرتا الى الجبل. اتفق معاه على مبلغ التوصيل + انا يدور لكم فله حلوه ونظيفه... بس حاول انك ما تبعد عن منطقة الخدمات اللي فيها البقاله السعوديه ومكاتب التاجير.

• اللي يعرف سواق أمين ويعرف كل حاجه ياليت يعطيني رقمه وكم سعره في اليوم.

من ناحية السواق لا تقلق...اول ما تحجز الفيلا اطلب من حارس الفيلا يوفر لك خادمه..وحاول انك ما تاخذ زوجة الحارس..عشان ما تسرق من عزبتكم.
الخادمه راح توفر لكم التكسي...او بامكانك تطلب من الحارس يوفر لك تكسي ويكون السائق يتكلم العربيه..تراهم شعب يحبون يخدمون بعض.

نبغى نأخذ معنا عزبه ايش اهم الاغراض اللي ناخذها.

شوف ياالطيب انا لما رحت لهذا البلد اخذت معاي التالي: "راح اقلل كمية العزبه عشانكم شخصين فقط"
5 كيلو رز+4 كيلو سكر +1 علبة شاهي ليبتون ورق+1علبة شاهي تلقيمه+1 ملح+ 1 كيلو بهارات للكبسه+1/2 قهوه+1/4 هيل+10 ريال مسمار قرنفل+3 كاسات وسط جبن كرفت او المرعي+5 جبن كيري حجم كبير+5 جبن البقره الضاحكه+10 قشطة قيمر "انا احبها اكثر من التاج كخ"+5 علب مربى ملينج+4 علب فول سوداني+8 علب زيتون+1 علبة عسل حجم وسط+1 علبة زيت حجم كبير+1كرتون تغليف الااطعمه حجم صغير او وسط "هذا مهم جدا لحفظ الااكل الزائد"+1 دسوس بلاستيك شفاف لليد "تستخدمه الخدامه عند تقطيع السلطه"+ شويت بساكيت مع جلكسي او مارس "لازوم القعده"+2 كيلو حب مشكل+10 حليب بوني كبير الحجم +ا ابريق شاهي صغير او وسط+1 دله+ فناجيل وبيلات +1 كرتون بندول + 1 مضاد حيويي "لان احتمال راح يعورك حلقك او بطنك هناك"
لا تستهين ياالغالي باالعزبه تراها بنسبه لي اهم شي في السفر...راح تغنيك عن اكل المطاعم هناك. وراح تساعدكم في الميزانيه.

والله الله باالتيوس هناك.

احلى الاماكن اللي نزورها ونقدر نروحلها بالسياره.

بنسبه للجبل البونشاك: حديقة الحيوانات سفاري "وافضل انكم تروحون لها في عطلتهم الااسبوعيه.السبت او الااحد.وراح تكون زحمه ولا يفوتكم عرض الكبوي.افضل انكم تكونون هناك من الساعه 10:30 صباحا للااستمتاع باالعروض".+البرشوت+الشلالات+مزارع الشاهي+مصنع الشاهي+حديقة الزهور+بحيرت الليدو.

• الاماكن اللي نتجنبها.

الخروج بعد مغيب الشمس لغير الضروره..لان الحياه هناك تكون معدومه "اقصد في الجبل"

• ارجو ماأحد يلومني على كثر الاستفسارات لاني اول مره اروح لها انا واللي معي.

باالعكس اسال كثير ياالغالي عشان تعرف راسك من ارجولك هناك.
بس الغريب ياالطيب انك ما سالت عن الااسعار "اقصد اسعار الفيلل + المواصلات+الااكل" عشان ما تتورط هناك.
على العموم ياالغالي اتمنى انك تمر على موضوعي هذا:
https://artravelers.com/p/re/227142
وشكرا

ماشاء الله عليك اخوي ابوفهد 2008
تفاصيل التفاصيل تسلم يمنك وهذا مو غريب عليك تحياتي لك

هلا مشرفنا الغالي ميدان.
انت المعلم وانا التلميذ.
شكرا

السلام عليكم ورحمة الله وبركاته
آسف لتاخري بالرد وذلك لاني لم أجد موضوعي في البوابه الجميله
في البدايه احب ان أشكر الجميع على المرور الرائع
بالنسبه للمده 10 أيام والقطه كامله 8000
واحب ان اوجه شكر خاص للاخ ابو فهد 2008 ويعطيك الف عافيه على المرور الأكثر من رائع
وراح اجرب القيمر
يعطيكم العافيه
مع تمنياتي للجميع بالتوفيق ... وشكرا

السلام عليكم ورحمة الله وبركاته
في البدايه احب ان اعتذر لتاخري بالرد وذلك لاني لم اجد موضوعي الا اليوم
واحب ان اشكر جميع الاخوان اللذين ردو على موضوعي
وشكر خاص للأخ ابو فهد على المشاركه الاكثر من رائعه وراح اجرب القيمر لعيونك
بالنسبه للمده 10 أيام والقطه كامله 8000 ريال
اتمنى للجميع التوفيق والنجاح في الدنيا والآخره
وتقبلو تحياتي ... وشكرا

سلطان S
تسلم ياالطيب على هذا الرد الرئع. صدقني راح تجربها وتحبها بعد.
0ايام وقطه 8000 ريال من غير التذاكر والعزبه.انا اقول ان شاء الله انها مكفيه وزياده. وهذا يعتمد على اللي ماسك القطه.
وشكرا