..
.. .. .. ..
.. .. ..
.. .. ...

• ..

.. ..

• ..
• .. 200 400 .. .. 100 .. 150 .. .. ..
• .. 98 .. .. ..

1. السلام عليكم ورحمة الله وبركاته ..


2. عليكم السلام ورحمة الله وبركاته


3. باختصار شديد ،:

السلام عليكم ورحمة الله وبركاته ..

عليكم السلام ورحمة الله وبركاته

حيث انني اتابع منذو زمن هذا المنتدى الاكثر من رائع ومن الصعب ان اقف على مدى اعجابي به ،، واشكر القائمين عليه الاداريين وحتى زاوار المنتدى والذي يستقون المعلومات والتي تعد حافز على السفر وهو المكان الافضل لاخذ المعلومات والخبرات من افواه الرحالة

باختصار شديد ،:

وبعد ان تتبعت وقرأت المواضيع المثبتة فقد عزمت السفر وحزمت الحقائب إلى ماليزيا وذلك في 31/05/2006 الثلاثاء مابعد القادم من الرياض الى العاصمة ومنها إلى منتجع صون واي لاقون الذي اجد انه المكان الافضل للاستجمام بعد عناء رحلة سبع ساعات او تزيد ،،
الرحله في حدود 9 ساعات غير ساعات الأنتظار في المطار
سوف اقضي ليلتين برفقة زوجتي هناك في فندق نصحنا به احد الاعضاء وهو فندق الخيول الذهبية
الخيول الذهبيه في سلنجور وصن واي لاقون أسم ملاهي وفندق وليس منطقه
ومن المنتجع إلى العاصمة حيث محطتنا الثانية سوف تكون إلى بيننانج مدة ثلاثة ايام
ومنها إلى العاصمة ولقضاء اربع ايام ومن ثم العودة الى الرياض في التاسع من يونية
على كلاً ..
بودي معرفة ماهي الجزيرة القريبة من بيننانج حيث لي الرغبة في السفر إلية عن طريق البحر هل هي لانكاوي او جنتنق
جنتنق قريبه من فندق الخيول الذهبيه يعني ساعة بالسياره أو أقل وهي ليست جزيره بل مرتفعات جبليه
الجزيره القريبه من بينانغ هي لنكاوي وتقدر تروح لها عن طريق البحر:36_7_15:
كما اود معرفة اقرب الجزر والتي يستطيع السائح زيارتها عن طريق القوارب الشراعية
جزيرة القرود
كما اود معرفة ماهي الطريقة المثلى في استخدام الجوال حيث يرى البعض عدم استتخدام الجوال
السعودي واخذ بدلاً منه شريحة من المطار ،، فأي شركة تنصحون بها وكيف هي طريقة تشغيل الشريحة
DIGI شركة ممتازه أستخدمتها أنا وكانت عمليه جداً ولكن بعض الاماكن مافي إرسال.الجوال السعودي والله ليذ بحوك لغير إتجاه القبله ومن غير مايسمون بعد إستخدمته وجتني الفاتوره تعمي
ايضاً بودي معرفة الجو هناك البعض يقول انه حار رطب فهل هذا صحيح لاخذ الحيطة في الملابس
بالنسبه للجزر خذلك ملابس صيفيه يعني برمودا وفناين خفيفه عشان ماتعرق كثير خبرك بحر ورطوبه
ايضا بودي معرفة كم تكلفة الاكل والتمشية فهل تكفيها ثلاثة الاف ريال سعودي ؟
حسب صرفيتك بس أتوقع تكفي ثلاثه الاف ريال لمدة تسعه أيام بس مو تروح تفطر في الفندق وتتغدى في الفندق وتتعشى في الفندق وتقول ثلاثه الاف تكفيوهل الرينج يعادل الريال السعودي ؟
لا والله ياصاحبي العام كانو سوى والسنه هذي الرنق قال للريال مكانك:36_7_13: أما أنا بطلع أتمشى ويمكن ماأرجع لك ثاني.
ولكم مني خالص الود
حياك الله

مساء الخير شباب ..
ويعطيكم العافية على هالتفاعل الحلو وابي اكثر بعد وعلى كذا رح اروح من المنتجع حقي في سلنجور إلى جنتنق في اول يوم لي واليوم الثاني رح يكون في القرية المائية وفي المنتجع ابي اريح راسي من العمل وبعدين رح اتوجة الى بيننانج ومنها ابي اروح على قولكم الله يجزاكم بالخير إلأى لانكاوي
وياسلام
وياشباب ابي اعرف اماكن الاسواق الي تبيع تحف ،، وحاجات حلوه ماتلاقيها الا في ماليزيا وين هل في السوق الصيني في العاصمة ؟
علماً بان فندق رويال بارك رح يكون مقر اقامتي في بيننانج وفي كوالامبور في فندق ويسترن مقابل البرجين
وشاكر لكم مره اخرى

..
.. ...
.. .. .. ..
.. ..
.. .. .. 55-60 ... ..
..

صباح الخير ..
شاكر لك اخوي معن على التنبية على حكاية التأمين حق الفنادق بس بودي اسألك كم ياخذون تقريباً ؟
مره ثانية اشكرك بعنف

السلام عليكم
بالنسبة للتأمين..يختلف من فندق لآخر..وهم يأخون تأمين إما رينجت أو دولارات..فأحياناً يأخذون مائة دولار أي ثلاثمائة ريال وشوي لكل ليلة وهذا غالباً يحدث في فنادق الخمس نجوم..ليست كلها بل بعضها..وأحيانا على اقامتك كلها خمس أيام أو ثلاثة أيام مائة دولار..تتفاوت الأسعار في الفنادق بحسب درجتها...يعني ضع مبلغ جانباً للتأمين على الفنادق..(لا يقل عن ألف ريال..زايد ولا ينقص)وبعدين استفيد منه في آخر محطة لك..بعد تسليم الشنط..أحياناً الفندق يحدد لك الخروج من الفندق بعد الظهر..أو الساعة الثانية ظهرا وتكون رحلتك متأخرة ..ماذا تفعل؟؟
تسلم مفتاح الغرفة وتترك الشنط عند الاستقبال في الفندق..بعد أن تأخذ منهم ورقة تثبت أن الشنط عندهم وتذهب لتقضية الوقت حتى يحين موعد رحلتك..طبعاً قبل الرحلة بساعتين لازم تكون في المطار..
ورحلة سعيدة..ولو أنها قصيرة..لكن ان شاء الله تستمتع بوقتك

1. مرحبا اخوي هذا انا


2. على كذا رح اروح من المنتجع حقي في سلنجور إلى جنتنق في اول يوم لي

مرحبا اخوي هذا انا

على كذا رح اروح من المنتجع حقي في سلنجور إلى جنتنق في اول يوم لي

ابدا ماانصحك اخوي انك تروح لجنتق في اول يوم خصوصا انك توك واصل من سفر ابو 7 ساعات على الاقل اذا كانت رحلتك دايركت وبعدها تبي تركب سياره مشوار ساعه ولا تنسى ان مرتفعات جنتق كلها ملاهي مو معقوله وانت تعبان بعد السفر تروح للملاهي يمكن انت تستحمل لكن الاهل مااعتقد انا اشوفها صعبه شوي
واليوم الثاني رح يكون في القرية المائية وفي المنتجع ابي اريح راسي من العمل
انا اقترح اول يوم توصل فيه خصوصا انك بتسكن في الخيول الذهبيه قضه في الفندق وخذ الرحله بالقارب الصغير لمجمع الماينز القريب منها تستمتع بالموقع الي حول الفندق من ملاعب ومسطحات خضراء وسوق الماينز وتشوف عرض النوافير الراقصه ومنها تريح بعد السفره خصوصا انك ماراح تبذل مجهود وان شاء الله من بكره الصباح اتفق من الليله الي قبلها مع سواق انك تروح لمرتفعات جنتق
اما بخصوصا القريه المائيه او منتجع وملاهي سن واي لاقون انا اقول خلها اذا رجعت من بيننج احسن لضيق الوقت عندك يومين بس قبل لا تروح لبيننج
وبعدين رح اتوجة الى بيننانج ومنها ابي اروح على قولكم الله يجزاكم بالخير إلأى لانكاوي
في رحله بالفيري يودونك من بيننج الى لانكاوي من الصباح الى الساعه 7 او 8 وتكلفه الشخص الواحد تقريبا من 300 الى 350 رينجت حلوه مره
علماً بان فندق رويال بارك رح يكون مقر اقامتي في بيننانج وفي كوالامبور في فندق ويسترن مقابل البرجين
فندق بارك رويال ممتاز اختيار موفق وكذلك الويسترن حلو مره
لكن انا عندي تعليق بسيط اكيد المكتب الي حجزت فيه قال لك ان الويسترن مقابل البرجين
هو موب مقابل مقابل مره بس تقدر تشوف البرجين واضحين من الفندق بس ماتقدر تروح له مثلا مشي
الفندق الي يكون مقابل البرجين اسمه مندرين
لكن ميزت الويسترن انه على شارع بوكت بنتانج ( شارع العرب) وهذا الشارع من انشط السوارع في كوالا لمبور واكثرها حيويه
وبالتوفيق لك يالغالي