faisal2008
02-11-2022 - 01:49 am
اخواني الكرام ابلشتني المعزبة الا تبغى تسافر ماليزيا
لكن المشكله اني عمري ما سافرت برا المملكة حتى جواز الى الان ما طلعت
ايش رايكم اتوكل على الله وافرحها فرحة العمر والا أوفر ال30 الف وامشيها جدة والطائف
يا ساتر هجوم عنيف تقول ما تبغى جدة والطائف تبغى ماليزيا
الامر لله من قبل ومن بعد وش نسوي ما نقدر نزعلها نوديها ماليزيا لكن نبغى فزعتكم يالربع
انا من المدينة من وين احجز وعلى اي خطوط وايش الفنادق وابغى واحد يرتب لي جدول يستاهل ال30 الف وهل تنصحون اخذ بنتي عمرها 6 سنوات معانا .
تكفون لا تقصرون معي ترى الحرمة تزعل واذا زعلت الله يعينكم بتدعي عليكم
حياك الله أخوي وين ماكنت
من وين احجز وعلى اي خطوط
دايركت الخطوط السعوديه
ترانزيت عندك باقي الخطوط الدوليه
وايش الفنادق وابغى واحد يرتب لي جدول يستاهل ال30 الف
ذي يبيلك تمر على الرابط التالي وأن شاء الله تستفيد
https://artravelers.com/p/re/184038
وهل تنصحون اخذ بنتي عمرها 6 سنوات معانا .
تظلمها إذا ماتاخذها وش يحلي سفركم غير فلذات أكبادكم
أتركوا الأنانيه عنكم وخذوهم معكم وش بتكلفك روحتها
غير أنك تراقب الفرح في عيونها وتفرح لها
تكفون لا تقصرون معي ترى الحرمة تزعل واذا زعلت الله يعينكم بتدعي عليكم
والله اللي عندنا عطيناك أياه وأن شاء الله يعجبك ولا تزعل من
ردي القاسي بخصوص أبنتك ترا والله رحمة لها لاتحرمونها
مشاركتكم السفره