يا غالي انت كاتب مسافر الاربعاء و العوده الخمليس يعني نسيت ما تكتب التواريخ اكتبها لانه كذا يبين انه رايح يوم واحد بس هناك
وبعد ذلك اترك الباقي للخبراء في القسم

هلابك اخوي
ياليت تحدد تواريخ السفر وكمان نوعية السفر عرسان او عائله لان هذا انا برأيي انه يغير البرنامج السياحي
مع العلم اني حسب مافهمت منك رحلتك بتكون بس 7 ايام وبكذا انصحك في منطقتين بس والاكيد كوالا لازم منها راح يبقى عندك خيار اما لنكاوي او بينانغ
في إنتظارك لمزيد من التفاصيل

السفر بيكون ان شاء الله يوم الاربعاء 16/1/2013 الى الخميس 24/1/2013
انا وزوجتي فقط ..
كوالا لو تكون اخر يومين ..
وش رايكم ودي يكن الجدول كويس ..
وشكرا لكم ..

انا اللحين في لنكاوي وطالع بعد ساعتين بينناق قضيت في انكاوي ثلاث ايام وتمنيت اني مددت فيها بصراحه بس الحجوزات والفنادق حدتني على العموم انصحك يوم سلانقور ثلاث ايام لنكاوي ثلاث ايام كوالا تخصص منها يوم واحد لجنتنق من الصباح للمغرب هذا رايي ولنكاوي لا تفوتها مع هالاجواء امطار وجو روعه جدا ومكتسيه بالطبيعه وين ما تروح خظره وبالتوفيق حبيبي

انصحك ب يومين سيلانجور يومين جزيرة بييننق يومين لنكاوي
يوم كولا تسوق واستعداد للعوده نظرا لان المده قصيره
واذا اتبي ما تضيع الوقت في الترحال قسم ايام لنكاوي حسب رغبتك
كل الجزر رائعه بننق رائعه لنكاوي رائعه
اعتمد على نفسك وخل عنك الشركات
الفنادق احجز من بوكنق
سيلانجور = فندق صنواي لاقون
بيننق = شنقريلا على البحر ولا تاخذ الا ع البحر
لنكاوي = هولدي فيلا متوسط فيه افضل منه مايحضرني الان
كوالا =تريدرز قريب من البرجين
سويس قاردن= قريب من شارع العرب
اذا تعرف انقلش ماعندك اي مشكله
اذا ماتعرف خذ لك سائق يعرف عربي ارقامهم موجوده في الموقع
هذا رقم واحد انا مجربه ماليزي مسلم يعرف عربي احسن مني حسن التعامل , مولود في مكه وكان عايش فيها
تقدر تخزن رقمه بعد اذن الاداره وتتواصل معاه بالوتساب بدو تكاليف ولا خساير
راح يستقبلك يوصلك للفندق وباقي المواصلات هو يدبرك
رقمه (0060122455570 ) عبد الحليم
لاتنسى تصرف فلوس ماليزيه اللي يكفيك اول يوم او يومين
الباقي اصرف من هناك افضل لان سعر الصرف هناك افضل
مجرد راى ولك الخيار فيما ترى
والله الموفق

بيض الله وجيهكم ..
ننتظر بقية الاخوان ..
وبالنسبة لتذاكر الطياران العمانية او القطرية اقدر استرجع المبلغ او لا ..؟

على حسب حجزك فيه حجز مسترجع وفيه حجر غير مسترجع بس انت بكيفك اذا سفرك اكيد خله غير مسترج لانه احيانا يفرق في السعر كثير واذا كان مافيه فرق كبير خله غير مسترجع

بالنسبه للقطريه اللي اعرفه انهم يرجعون لك بعد خصم مبلغ اذا كان الدفع كاش
وذا الدفع عن طريق البطاقه الائتمانيه فيه خصم ويكون الاسترجاع بعد عشرين يوم عمل
وتقدر تزور موقع القطريه وتتاكد بنفسك ممكن فيه تغيرات
او تتصل عليهم اما العمانيه يفيدونك الاخوان ماقد جربتها