وعليكم السلام ورحمة الله وبركاته
حياك الله أخي الكريم
تفضل أحلى هدية من مشرفنا القدير بدر بو ناصر
https://artravelers.com/p/re/444500
وموضوع تفاعلي آخر من العمة شموخ
https://artravelers.com/p/re/461660
بالتوفيق

مرحبا
اي احط يضع رابط برده لاحد الاستفسارات فمعناته انه مفيد ولابد من قراءته
فيه كذا موضوع بيفيدك لكن احتراما لطبك مااقدر احطهم ان شاء الله يجي احد ويفيدك باللي تبي
رحلة موفقة

خليلها
هلا والله وغلا سبحان الله كنت بحط هالروابط بس احتراما لطلبه ماحطيتهم ..
ولادريت عن ردك لانه افتح 10 مواضيع وامخمخ واقرا ههه
بس فرصة سعيدة يااستاذنا واكبر شرف لي انك تحط رابط موضوعي
لذلك بحدثة الليلة ان شاء الله

طيب شموخ كيف اسعار التكسي والمشاوير
أفيدونا الله يجزاكم خير

شموخ
حيا الله العمة ومنكم نستفيد

ماشي بنور الله
أخي الكريم إنت تسأل سؤال عام ولم تحدد أماكن يعني مثلا أن تقول بكم مشوار التاكسي من المطار إلى سيلانجور ؟؟ وهكذا
بالعموم التكاسي هناك على نوعين:
1. التاكسي الأزرق وهو عادة تجده بجانب الفنادق يكون مملوكا لشركات تكاسي هناك وهذا أسعاره غالية جدا.
2. التاكسي الأحمر وهو الأكثر انتشارا وغالبا مايمتلكه أفراد الشعب وهو رخيص.
ومشاوير التكاسي على أربعة أنواع:
1. ( بالعداد ) وهو الأفضل ولكن قلما يستخدم أصحاب التكاسي العداد وبعضهم يرفض والسبب أنه أرخص وسأذكر لك قصة سريعة حدثت لي في سبتمبر الماضي..
كنت ساكن في فندق تريدرز فذهبت مرة بالتاكسي من محطة القطارات كي إل سنترال إلأى الفندق ب 15 رينجت بالمشوار طبعا... واليوم الثاني بالعداد ب 8 رينجت ...
2. ( بالساعة ) وأقل اتفاق يكون عادة على 4 ساعات وتتراوح الساعة مابين 20 إلى 30 رينجت وإنت وشطارتك.
3. ( بالجولة ) كأن يعرض عليك راعي التاكسي جولة سياحية لعدة أماكن بمبلغ مقطوع ويختلف السعر بحسب بعد الأماكن وازدحام الطريق المؤدي إليها.
4. ( بالمشوار ) وهذا المتداول هناك توقف تاكسي وتقوله المكان اللي يوصلك وتتفق معاه على السعر.
أتمنى أكون أفدتك

خليلها
شرحه ... شرحه ... شرحه
وافي بزمن جافي

وافي بزمن جافي
دامك استاذي أكيد بصير ( شرحه )

خليلها
حبيب قلبي والله يابو أصيل
جمال روحك ... أراه بين الحروف ... واضحآ كعين الشمس ... لاحرمنا الله منك
وافي بزمن جافي