1. :: :: :: :: :: ::


2. بالنسبة للتمشيه ، عندك :


3. :: :: :: :: :: ::


4. وأنا بعطيك فكره عن بعض المطاعم والمقاهي :


5. وغيرها الكثير ....


6. أما الكافيهات :


7. فمدينة الخبر مليانه كافيهات ، عندك :

أخوي الباهر الماهر الله يحييك أنت ومن معك يا الغالي
وبالنسبة لأستفساراتك عن السكن ، فيه موضوع مثبت للأخت المشرفه فاررسه ، راح يساعدك بأذن الله ، وتجده على هالرابط ..
https://artravelers.com/p/re/327146
وفيه ايضاً تقارير مصوره للأعضاء عن الفنادق والشقق والمطاعم ، وغيرها الكثير تجدها على هالرابط ..
https://artravelers.com/p/re/327900

:: :: :: :: :: ::

بالنسبة للتمشيه ، عندك :

• الهافمون - شاطيء نصف القمر -
• العزيزية
• الكورنيش و الواجهة البحرية بالخبر والدمام
• مجمع الراشد التجاري
• مجمع الظهران مول
• فنيسيا مول ، مقابل مجمع الراشد
• مركز سايتك ، على كورنيش الخبر

:: :: :: :: :: ::

وأنا بعطيك فكره عن بعض المطاعم والمقاهي :

• بالنسبة للمطاعم في الخبر ، عندك :
• مطعم بيت التنور ، مطعم هندي مع صيني مع شامي ، أكلهم لذيذ وراج يعجبكم وله فرعين ، فرع على طريق الملك عبدالله " الظهران سابقاً " ، والآخر على طريق الأمير فيصل بن فهد...
• مطعم كوبر شندني ، مطعم هندي ، على طريق الأمير فيصل بن فهد ..
• مطعم البانوش ، مطعم بحري على طريق الملك عبدالعزيز ..
• مطعم مملكة الهند ، من اسمه مطعم هندي ، وعلى طريق الملك عبدالعزيز عند برج الحقيط الجديد ..
• المطعم الصيني ، وهو مقابل مطعم كوبر شندني ، على طريق الأمير فيصل بن فهد..
• مطعم بربر ، مطعم لبناني ، مقابل مطعم كوبر شندني ، على طريق الأمير فيصل بن فهد ..
• مطعم لاجونا ايسترن ، هو مطعم وبنفس الوقت مقهى ، موقعه جداً رائع على البحر مباشره ، مكانه بكورنيش الخبر بجنب فندق سوفيتل الجديد ..
• مطعم تشيليز ، على الكورنيش ، او بمجمع الظهران مول ..
• مطعم ماضينا ، لا يفوتك اذا كنت تحب الآجواء التراثيه ، وأكلهم منوع شعبي + شامي وبحري ، وانصحك بزيارة فرعهم الجديد اللي بحي العقربيه بالخبر ، وقريب من مجمع الراشد ..

وغيرها الكثير ....

• بالنسبة للمطاعم في الدمام ، عندك :
• مطعم شيزان الهندي ، بعد ثاني دوار تجده على يمينك ..
• مطعم القرية الشعبية تخلي فندق الشيراتون على يسارك ومجمع الشاطيء على يمينك وتآخذ يمين من عند الاشاره وتمشي على طول تشوفه على يسارك ..
• مطعم بو رمانه ، شامي وحلو ونظيف جداً ، على الشارع الاول بالدمام تخلي فندق الشيراتون على يسارك والقثمي وبنك ساب على يمينك تمشي على طول تشوفه على يمينك قبل الاشاره ..
• المطعم الصيني ، نفس وصف مطعم بو رمانه بس أول ما توقف عند الاشاره تشوفه على يسارك ، مدخله من الخلف ، بصراحه آكله لذيذ جداً ..

: : : : : : : : : : : :

أما الكافيهات :

فمدينة الخبر مليانه كافيهات ، عندك :

• الدكتور كيف على الواجهة البحريه بالخبر .
• سيقا الفريدو ، وكوستا كوفي وغيرها ، على الواجهة بنفس الخط اللي عليه مكتبة جرير والستي ماكس ، وبجنبهم ايضاً مجموعة مطاعم وكافيهات آخرى ..
• مقهى الليوان ، راح يعجبكم ، له 3 افرع ، الفرع الأول مقابل فندق شرفة الخليج اللي بجنب فندق مريديان ، والفرع الثاني مقابل مستشفى سعد ، والفرع الثالث في مجمع الظهران تقريباً عند بوابة 7 ان ما خاب ظني .
• مقهى كرسبي كريم ، بجنب هايبر بنده ، قريب من فندق موفنبيك ، بس كل السويت عندهم دونات بأصناف منوعه ..

هذي اللي في بالي حالياً وان تذكرت شي راح اضيفه لك هنا يا الغالي ، وأن شاء الله الأخوان ما يقصرون معاك بالباقي ..
وبالتوفيق ..

الاخ صاحب الكلمه وفّى وكفّى ماشاء الله عليه
لكن انا نصيحتي لك بالسكن بالخبر افضل بما انك زائر وتدور التمشيات
الخبر اونس وانظف ومرتبه اكثر وكورنيشها بالنسبه لي افضل واوسع صدر ولاتنسون جوازاتكم .. يوم من الايام انزلوا البحرين وغيروا جو واحضروا سينما او مطعم

صاحب الكلمة
الله يعطيك العافية ماقصرت معلومات ثرية الحقيقىة
طيب بالنسبة للجو هلايام كيف يميل للبرد ولا الحر
نحن في مدينة الرياض
وتقبلوا تحياتي وشكري
الباهر الماهر

ابوخالد
شكرا لتفاعلكم معي
لا بالنسبة للبحرين لا نحبذ السفر اليها مطلقا لانها لاتستحق الزيارة الشرقية افضل مليون مرة من البحرين
واشكرك على تفاعلك
الباهر الماهر

اخوي الجو هاليومين حلو والله وان شاء الله يصير حظكم حلو ومايجيكم غبار

فارسة
الف شكر لكم واتمنى فعلا مايكون هناك تراب شكرا لكم
محبكم
الباهر الماهر

صراحة الاجواء رائعه في الوقت هذا خاصة بعد موجة الغبار وانعم الله علينا بأمطار خير وبركة والوقت الان مناسب لزيارة المنطقه بالبدايه اريدك ان تسمح لي ما اقدر افيدك بالشقق لعدم وجود اي خبره لدي فيها ولكن اعتقد هناك موضوع مثبت وتقارير الاخوان راح توضح لك الصورة ايضا
بالنسبه لسؤالك عن شاليهات الدمام ؟؟ ليس على حد علمي يوجد شاليهات وان رغبت ف افضل شاليهات التي على شاطئ نصف القمر "الهاف مون" ومنها النخيل وانا لا انصح بها وشاليهات الخليج وشاليهات الهوليدي سمتعها ممتازه والدمام والخبر مليئة بأماكن التمشيه وتغيير الجو ويجب عليكم زيارة الواجهة البحرية الجديدة لكورنيش الدمام وإن كان لديكم اطفال كورنيش الدمام يتمتع بأفضليه عن كورنيش الخبر لوجود مدن ملاهي امتداد الكورنيش ومنها التوي تاون والفن تايم بيتزا وملاهي الحكير ناهيك عن السوق النسائي المقابل لمدينة الالعاب"التوي تاون" بالنسبه لي الدمام تذخر بكمية سياحيه اكبر من الخبر وإن كان مايميز الخبر تألق المنتجات والمطاعم والتكلفه اكيد راح تكون منعكسه نصيحتي لك مطعمين يجب ان تجربهم مع العائله الكريمه وهم القرية الشعبيه في الدمام ومطعم سول كيتشن في الخبر بالطبع القرية الشعبيه موقعه شوي صعب توصيفه وان وصلت للشارع الاول او ماقارب منه اسئل عنه وبالتاكيد سوف تجده ويتميز بوجود متحف شعبي قديم واكل رائع اما بالنسبه لسول كيتشن يجب ان تجرب الطعم البحري مطعم راقي واكل رائع بجوار مطعم مكسيم ومقابل لمطعم ستيك هاوس في الخبر بجانب عمارة الملكه
اتمنى اكون افدتك اخي وننتظر منك تقرير برحلتك ان شاء الله لكي يستفيدو زوار المنطقه ..
أخي الكريم هناك احد المواضيع تسائل فيها احد الاخوان عن السكن والاجواء ورديت عليه والرد هذا قبل اسبوعان تقريبا وانا اعتقد فيه أشياء راح تفيدك ان شاء الله وبالتوفيق لك واتمنى لك رحله سعيده وممتعه وحياك بالشرقيه

ابشركم نحن الان بالشرقية والاحواء جميلة
وسكنت في المحمدية حلوة
اتمنى لكم حياة سعيدة
الباهر الماهر

اهلا وسهلا فيكم
من ارض الشرقية احييكم
الحقيقة جينا للشرقية لكن كانت الزحمة رهيبة وعنوان بارز على معالم الخبر
فانتقلنا الى الدمام
والسكن في المحمدية معقولة وطيبة
والعشاء في مطعم بورمانة
محبكم
الباهر الماهر