السلام عليكم ..
اعزائي احترت في موضوع مخطط سفري قلت مالي الا انتم .. تساعدوني ..
ابي الله يعافيكم نصائحكم ورايكم بالمخطط اللي قاعده افكر فيه ..
احنا عائله مكونه من 5 كبار و3 اطفال ..
تاريخ الوصول 10 يونيو 2013 الساعه 6 الصباح ..
والعوده 26 يونيو 2013 الساعه 11 ونص الصباح ..
الوصول والعوده فرانكفورت ولا في مجال اغير محطه العوده .. لاسباب كثيره منها فرق السعر ومنها ان خلاص تم الحجز من فتره طويله .. ..
المخطط اللي في بالي ..
الوصول فرانكفورت بعدين ناخذ قطار على ميونخ ونجلس في ميونخ ليله للراحه ومن اليوم الثاني اللي هو يوم 11 نستاجر سياره وعلى كابرون ..
وخططت نجلس ب كابرون 5 ايام .. نقضيها في زيلامسي وسالزبورغ
ويوم 16 نطلع منها على قرية هايدي قريت ان الطريق من كابرون الى هايدي 4 ساعات سياره ياليت احد اذا متاكد ياكد لي المعلومه .. ويوصف لي الطريق هل هو صعب او ممتع ..
بعد الوصول الى قرية هايدي نجلس فيها يوم نريح والصباح نزور القريه لان سمعت تقفل 5 المساء ونطلع منها على 12 الظهر من يوم 17 يونيو الى انترلاكن وقريت ان الطريق تقريبا 191 كم وياخذ ساعتين
بعد الجلوس في انترلاكن 3 ايام ونخرج منها في تاريخ 20 والتوجه الى ميونخ ..
بس هنا كانت المشكله ..
احترت نسلم السياره في انترلاكن وهل في امكانيه ان اسلمها في انترلاكن او ان ارجع لميونخ سياره
سمعت ان القطار ياخذ 7 الى 8 ساعات اما السياره 5 ساعات .. هل الطريق للعوده سياره جيد ؟
اي حل افضل القطار او السياره ..
المخطط اول مانوصل ميونخ نسلم السياره وراح نكون في ميونخ في تاريخ 20 ونجلس فيها الى 25 وبعدها قطار الى فرانكفورت استعداد للعوده للرياض .. ودنا نزور قرية قارمش هل في امكانيه تدخل بالمخطط ؟
فكرت ان ميونخ تكون اخر محطه لان حابين نتسوق منها ولظروف التنقل بالسياره الافضل قلنا نخليها في الاخير ..
بليز احد جرب وعنده خبره بالموضوع وبخطوط السير يساعدني هم حاطين تخطيط الرحله علي ولا ابي اخيب ظنهم ..
وبالنسبة للفنادق هل فنادق مناسبة لعائله من حيث السعر والنظافه والموقع .. بالمدن اللي ذكرتها ..
وسؤال اخير .. القطار من فرانكفورت الى ميونخ .. او من انترلاكن الى ميونخ .. هل هو يوميا .. وهل في وقت معين له .. وهل اقدر احجز اذا وصلت هناك .. او من هنا افضل .. وكيف الحجز يكون ..
شكرا لكم كلكم وان شاء الله احصل المساعده منكم .....