موفق ابو جاسم الموضوع مكانه خطا فيه منتدى للاستفسارات
على العموم ماعليهم خلاف في التعامل اللي اشوفه ان تعاملهم داخل الصين افضل بمراحل من خارج الصين مثل ماليزيا وتايلند وغيرها
لكن المكاسر بيكون نفسه عاده للصينين بكل مكان
التنقل بالتاكسي ماعدا هونج كونج يكون بالمترو لسهولته
الفلوس تقريبا 1.71 يساوي ريال سعودي ( تقريبي )
الاكل ماكثر الله الا المطاعم العربيه هناك بس حدد المدينه ونفيدك ان شاء الله
تعامل مع السياح ماعليك خلاف ان شاء الله ماحد له دخل باحد نهائيا ولكن عليك بالاحتفاظ بالعناوين لان لغتهم الانجليزية ميح على الاخر ...
اتمنى اني افدتك .

مشكور على الافاده طويل العمر وان شاء الله راح نوصل على منطقه اكوانزو

مرحبا بو جاسم ..
ما قصّر اخونا دافنسي كفى و وفى .. حبيت أضيف على كوانزو..
تعاملهم مع السيّاح سلس وما يسببون مشاكل مثل الصينيين في خارج بلادهم... لا تحاتي من هالناحيه .. والحمد لله ما تعرضنا لأي حادثه سرقه أو مضايقه
بالنسبة للصرف احرص على الصرف من أماكن موثوقه أنا حاولت أصرف من البنك لكن المعامله اطوّل والموظف بعد ما كان يصرّف لازم تصرف من الماكينه.. فكنّا نصرف من صرّاف ثقه في الشارع الي فيه فندق Parkview Square ... صرفه أكثر من البنك بعد.
أما الفنادق فعندك مجموعة كبيره مثل
Parkview square hotel
Canton Hotel
New Mainland Hotel
كلها فنادق نظيفه ومعاملة الاستقبال طيبه وأسعار رخيصه. وفندق بارك فيو فيه عندهم انترنت مجاني داخل الغرف ، لكن بحسب ظني حق شخص واحد، ما اعرف اذا فيه امكانيه يكون حق شخصين تركب له adapter.
لكن اللي اعرفه انه ما في فطور في الفندقين الأولين ممكن تتأكد من مكاتب السياحه من هالناحيه.
ممكن تقرأ موضوعي فيه بتحصل أسواق كوانزو وتفاصيل مهمه أخرى راح تفيدك.. أول موضوع في التوقيع
إن شاء الله لو عندي اي سؤال عن تايلاند اعرفك ما بتقصر.. تسلم
وبالتوفيق إن شاء الله