السلام عليكم
في البداية اشكركم على الخدمات اللي تقدمونها للكثير من العرب ومتأكد ان الكثير يدعون لكم بالخير
ان شاء الله تاريخ 2 - 7 بسافر للنمسا + المانيا ( شهر عسل ) مدة اسبوعين ( يزيد يوم او ينقص )
بنزل في ميونيخ ومنها باخذ السيارة وبروح لزيلامسي
انا فكرت ان في البداية وبحكم انه شهر عسل وداخل زيلامسي
نحتاج فندق حلوو ومريح لان اغلب الوقت راح يكون داخل زيلامسي
نروح البحيرة والزحليقة وقمة كابرون ومن هالامور
ومن بعدها ننطلق للاماكن السياحية خارج زيلامسي
نروح مثلا مزارع الفراولة ومنجم الملح وكوارفيسكي وغيره
وبعدها نروح ميونيخ نقعد يومين نزور فيها اماكن سياحية ( قصور وآثار واشياء ما تحصلها في النمسا )
ومنها نروح رست عشان يوروبا بارك نقعد هناك يومين .. بعدها لمطار ميونيخ والعودة
الحين نرجع للترتيب
1- كم يوم تشوفونه مناسب لزيلامسي ؟؟ يعني يكون خاص فيها ما نطلع خارج زيلامسي وكابرون
2- فندق مناسب للمعاريس ومطل على منظر حلوو . انا اخترت MAVIDA Balance بس لو فيه
فندق مشابه له ومطل عالبحيرة بيكون افضل
2- الاماكن السياحية اللي خارج زيلامسي .. في رايكم وين اسكن بحيث يكون المسافة قريبة منهم
انا فكرت في كابرون .. لان اغلب الوقت بقضيه برع الفندق واسعارها رخيصة نوعا ما
3- كنت ناوي على سيارة مكشوفة قير اتوماتيك لكن دايما توقف قدامي عقبتين
مرة احصل اوتوماتيك بس العمر لازم 25 وفوق , ومرة يقبلون عمر 21 وما فوق لكن القير عادي
اذا حد يقدر يحصل لي اتوماتيك والعمر 21 وفوق بكون له جدا ممنون .. السيارة عندي اهم من الفنادق
ملاحظة : عمري 22 سنة
آخر شي الميزانية
زيلامسي : الفندق مدة 4 او 5 أيام في حدود 1000 درهم لليوم
خارج زيلامسي : مدة 4 ايام او 5 في حدود 400 الى 600 درهم
واتمنى ما تنسون موضوع السيارة
ومشكورين مقدما .. تكفي طلتكم عالموضوع