واقعية2008
04-11-2022 - 05:23 am
السلام عليكم ورحمة الله وبركاته
اخواني واخواتي الله لايحرمني من مشورتكم
كتبت بمواضيع سابقة اني اخاف من الطيران والله يعين يارب اخيرا بتوّكل على الله واسافر من اجل ابنائي
ههه ماادري وين سمعت هذا الفلم
المهم ولدي بيدرس لغة انجليزية ورشحت له ماليزيا لانهم مسلمين واحنا بنروح معاه انا وبناتي لانهم ازعجوني يبون ماليزيا
الله يعافيكم ابي مشورتكم برحلة لمدة شهرلي وبناتي واهم شي ماابي رحلات داخلية (زين كان سافرت بطيارة من الرياض اصلا ) يعني مثلا من المطار للفندق بمدينة واحدة وياليت تشيرون علي بمعهد كويس لدراسة اللغة لابني لمدة 3 شهور ونكون قريبين منه واذا شقة افضل
بناتي اعمارهم 14 سنة و8 سنوات ابي برامج واماكن تصلح لعمرهم
ياليت ترشحون لي فندق قريب من السوق واقدر آخذ سيارة تودينا مشاويرنا
الله يعافيكم اسم الفندق اللي تنصحوني فيه للعوائل
شكلكم بتقولون اجلسي بالرياض احسن ههه
بس والله الرحلة لولدي اللي بيدرس وماحبيت يروح لبلاد اجنبية
وبناتي
وكتبت موضوع سابق عن روحة ماليزيا وماقصروا الاخوان بس ياليت تذكرون لي فنادق عائلية نظيفة ومعاهد لغة انجليزية موثوقة وهذه
ومشكورين لسعة صدوركم
وجزاكم الله خيرا
