مسآء الورد ع الجميع
كيفكم ياغالين .. ان شاء الله بخير ..
الله يعطيكم العافيه .. ع المواضيع والتقارير المفيده للجميع ..
بغيت مساعدتكم .. في اعداد سفرتي لشهر العسل لماليزيا ..
لاني ناوي اسافر لها .. في شهر 7 ميلادي .. يعني تقريبا في هالفتره من 16-7
والعوده 30-7 او قبلها بيوم او يومين على حسب الميزانية ..
المشكله انيشايل هم السفر .. لاني ماقد سافرت برى ولا ركبت طايره بتاتن البته .. واخاف اضيع واضيع بنت الناس معي خ ..
اكثر شي شايل همه اجراءات المطارات .. مافهم فيها شي ..
وبما انها اول سفره لي خارج المملكة .. راح يكون الحجز عن طريق مكتب سياحي .. اريح لي واسهل
بحثت في النت عن حجز طيران ع السعودية والماليزية بدون توقف في هالفتره ماحصلت للاسف مادري هل انا ماعرفت ابحث ولا مافيه حجز من جد
ادري اني تأخرت في الحجز .. لكن الظروف ماساعدتني احجز بدري ..
ياليت احد يساعدني في البحث .. لاني ذهبت لمكتب سياحي واخبرني ان لاتوجد حجوزات مباشره في هالفتره ومافيه الا ع الماليزية وفيها توقف لمدة خمس ساعات في الدوحة ..
وانا ماودي بفتره التوقف اخاف انزل واضيع ولا اقدر ارجع للطائره خ
مشكلة فتره التوقف انها متعبه وخمس ساعات مو قليله ..
هذي بالنسبه للحجوزات ..
اما توزيع الايام قرأت كم تقرير للاخوان الله يجزاهم خير .. ووصلت الى هالتوزيع
2 يوم سيلانجور ( صن واي لاقون ) او ( بولمان بتروجايا ) ايهما افضل ؟
طبعن المكتب السياحي عطاني سعر غالي لصنواي لاقون اللي هو 1090 ريال .. وش رايكم بهالمبلغ ؟
3 ايام لنكاوي ( ويستن لنكاوي ) او ( بيلانجي بيتش ) ايهما الافضل ؟
سعر الغرفه عند المكتب السياحي للويستن 1500 ريال اما بيلانجي بيتش 1020 ريال
3 أيام بينناج ( بارك رويال )
وسعرها عنده 1110 ريال ..
5 أيام كوالا لمبور ( ماحددت الفندق لحد الان )
لكن محتار بين السكن في شارع العرب او عند البرجين ..
والسؤال الاخير ..
مثل مانتم عارفين شهر العسل لازم الواحد يدلع نفسه مع المدام .. في السكن والتمشية ..
وخصصت مبلغ 25000 ريال .. هل تكفي ؟
اسف على الاطالة .. والكتابه الارتجالية ..
اتمنى منكم المساعدة ..
مع الشكر مقدمن ..