اولا سلامتك والله يعطيك الصحه والعافيه يارب .
هلا اخوي وحياك الله .
طبعا مدينه هنوفر اشتهرت بالمعارض حيث يقام فيها اكثر من معرض عالمي في السنه .
هنوفر اخوي فيها مستشفيات عديده لكن المشهور منها .
المستشفى الجامعي اللي اسمه ال mhh جامع كل التخصصات وفيه بروفيسورات مشهورين على مستوى العالم
وايضا في مستشفى ال ini وهذا متخصص فقط في المخ وفيه بروفيسور الماني من اصل ايراني ايضا مشهور في عمليات المخ .
المدينه مساحتها كويسه لاهي كبيره جدا ولا هي صغيره ايضا حجمها مناسب تبعد ساعه وعشر دقايق بالقطار من هامبورج وايضا تبعد ساعه وعشرين دقيقه بالقطار من برلين العاصمه وممكن انك تزور هالمدنينتين من هنوفر .
فيها اخوي مطاعم عربيه مثل مطعم اسمه حبيبي وايضا فيها مطاعم تركيه وايرانيه وايضا سوبرماركتات عربيه وتركيه متناثر اغلبها في نص البلد .
نص البلد فيها حلو جدا ومرتب والمدينه اعيد بناءها من جديد بالطرق الحديثه لانها من المدن الالمانيه اللي دمرت ايام الحرب العالميه .
فيها بحيره حلوه الناس يمشوا حولها اسمها المتشزاي ممكن ايضا انك تروحلها وتتمشى وهي ايضا جنب فندق الكونراد ماريوت .
نص البلد اخوي اسمه كروبكا وهي اللي فيها التسوق والتمشيه وفي محطه مترو اسمها كروبكا هي اللي تنزل فيها اذا بتروح نص البلد .
فيها ايضا الحدائق الملكيه حلو ه ومرتبه وكثير يجوها من اوروبا يزوروها .
وايضا المحطه الرئسيسه للقطار حلوه ومرتبه وفيها قهوه مشهوره تلقا تجمعات فيها كثير وهي ايضا ( محطه القطار ) قريبه من منطقه كروبكا جدا .
قريب من هنوفر ايضا ملاهي اسمها الهايدا بارك حلوه ومعروفه وضخمه وايضا فيه الفوجل بارك وهذي حديقه للطيور فقط ايضا جميله وفيه سفاري بارك كل هذا اللي ذكرتها قريبه من بعضها البعض وتبعد عن هنوفر تقريبا 60 كلم .
افضل شي للتنقلات هناك هو المترو والباصات وفيه كرت شهري قيمته تقريبا 56 يورو الافضل انك تشتريه وتستخدمه اوفرلك من التكاسي لان تكاسيهم غاليه شوي .
السكن يختلف المنطقه والحجم لكن تتراوح من 600 يورو الى 1200 يورو على حسب فندق صغير او عماره سكنيه فيها تنظيف للغرف او ما فيها كل هذا يفرق في السعر .
اذا رايح عن طريق امر علاج فهناك المكتب الصحي بيوفرلك مترجم يفيدك في التحركات ويعلمك كيفيه استخدام المترو والباصات وهي سهله عموما يعني اسبوع تضبطها .
واذا حاب ارسلك رقم شخص في هنوفر ايضا ممكن ارسلك هوا على الخاص .
واي استفسار تحت الخدمه .

مشكور أخويairtoairعلى المعلومات الرائعه لاكن يضل عن أستفسار دقيق
هل السعر 600 1200يورو للسكن باليوم أم بالشهر

السلام عليكم سؤالى كم تبعد ملاهى الهايدبارك عن دسلدروف وشكرا

مشكور يالطيب على معلوماتك المهمة عن هانوفر وعن الاماكن المهمة 00 بصراحة انا صارلي اسبوع في هانوفر (بنتوينغ) واليوم رحت مدينة كروبكا وبالفعل هي مدينة تسوقية وفيها كل شئ بس الجو كان ممطر كثير فما استمتعت فيها كثير
اذا في حد موجود قريب من منطقتي يرسل لي عالخاص عالاقل احصل حد اتمشى معه
والله يحفظكم

السلام عليكم ورحمة الله وبركاتة
إنشاء الله الاسوبع القادم 20 ابريل حكون في هانوفر في زيارة للمعرض الصناعات
اتمني المراسلة من المتواجدين في هذة الفترة

كم تبعد ملاهى الهايدبارك اللى فى هانوفر عن برلين

مرحبا سؤالى مرة أخرى كم تبعد ملاهى الهايد بارك اللى اللى قريبة من هانوفر عن برلين وهل تسوى العنوة وشكرا

السلام عليكم
الهايدا بارك ليست في هانوفر ولكنها تبعد عنها حوالي 40 دقيقه او ساعه ومن برلين تقريبا ساعتين ونص الى 3 ساعات
طبعا الملاهي الالعاب اللي فيها للكبار اكثر من الاطفال وفيها اطول لعبة قطار في العالم .
فيها العاب خطيره كثيره وهذا ما يميزها طبعا تستاهل العنوه اذا تحبون الملاهي والالعاب الخطيره اما اذا لا مالها داعي ممكن الواحد يتحرك من برلين 9 صباحا يوصل 12 ظهرا يجلس الى 5 عصرا ويرجع