1. مساء الخير للجميع


2. اول شي من جد اشتقت للمنتدى وأعضاءه


3. اعروني بديت السالفه من الأخير بس من الحره اللي فيني :112:

مساء الخير للجميع

اول شي من جد اشتقت للمنتدى وأعضاءه

ثاني شي تغيير على شكل المنتدي شكلي من زمان عنكم والسبب اني بعد مارجعت المره الأخيرة من المغرب (بعد رمضان يعني قبل تسع شهور) جتني حاله نفسيه مستعصية وصرت ماأفكر الا بالمغرب فكرت بالحل وقلت مالك الا انك تنسى هالديره وتشوف لك ديره ثانيه علشان احافظ على اللي باقي من مخي وعلشان كذا مادخلت المنتدى وقعدت افكر بشرق اسيا ومع مرور الوقت رجعت حليمه لعادتها القديمه وقررت اني ان شاء الله اروح قريبا جدا

اعروني بديت السالفه من الأخير بس من الحره اللي فيني :112:

هالمرة رحلتنا كانت انا وثلاثه من الشباب وكان المخطط الرباط 5 ايام ومراكش 7 ايام واغادير 4 ايام ( حتى وقتها الغالي تميم كان يقولي وش هالهجوله عندكم )
واللي صار ان الرحله من بدايتها الى نهايتها صارت بمراكش الحمراء ومن جد خوش ديره طبعا قبل السفره بيوم واحد من الشباب كنسل رحلته وصرنا ثلاثه والله نتصل على الدرقاوي ويحجز لنا ذيك الفله وعلى المطار والله ونوصل للديره وطبعا الشعور مايحتاج المهم ونلقط لنا ذاك التكسي وعلى مراكش طبعا ودنا بسياره مرسيدس 92 ( 1200 درهم ) بس قلنا الشكوى لله
ملاحظة : المره اللي رحت فيها طنجه صرفت (6.000)ريال وكانوا الأعضاء الكرام مو مصدقين بس الظاهر انهم صكوني عين هالمره صارف أكثر من (15.000) ريال والمده أقل :112:
المهم ونطلع من المطار على مراكش بس قلنا للسواق نبي اتاي ضروري للخط المهم ويجينا دورار بعد المطار فيه منطقه سكنيه الظاهر انها للعسكر وفيها قهاوي اتاي المهم ويدخل ويجيب لك ذاك الأتاي اللي يحبه قلبك (ترى السواق ماله في الاتاي - يعني كيف الحال ) المهم اقول للسواق اسوق عنك شكل فيك النوم والا وقف نتعشى (علشان يصحصح شوي ) المهم وقفنا عند محطه على الخط علشان ناكل طبعا الشباب مسوين برستيج ماياكلون في محطه مع ان عندي هالمحطه والمطعم اللي فيها يسوي التحليه ومطاعمها البايخه المهم ونطلب لك ذاك الطاجين بالبصل والطماط ونطلب كباب انا في حياتي مااكل البصل والطماط ونص الطاجين انا ماكله لاتسألني وشلون .
بعد العشوه الحلوه كملنا الطريق الى مراكش بس القهر ان الوقت كان ليل ومانشوف الطريق بس على هالاتاي وسوالف وضحك ......
وعساكم من عوادها وكل عام وانتم بالمغرب،،،،،،،