من ناحيه الموقع فندق ايبيس اشوفه افضل

بالنسبه لي ايبس احلا بصراحه لما امر على ايبس في شارع سالم المبارك بالسالميه وهو شارع رئيسي للتسوق
يعني عندك الكافيهات في مجمع البستان ومجمعات المطاعم المارينا مول الفنار ليلي جاليري وزهره والثريا وغيرهم من مجمعات التسوق على بعد خطوات منك يعني تتمشا لهم ما يحتاج سياره
بس بودل موقعهم شوي ابعد لازم سياره وبودل موجودين في شارع المطاعم ايضا بالسالميه
ايبس الافضل على الرغم من الكل يقول ان الغرف ضيقه
تقبلوا مروري

ايبس لان كل شي راح يكون قريب منكم
بعدين انتوا عايله صغيره
فا مايحتاج شقه فندق افضل لكم

اخوي الكريم .. نصيحة لوجه الله قب وهج بعمرك من بودل قسم بالله نكدوا علي روحتي للكويت حسبي الله عليهم .. حاطيني بغرفة قبال مطعم وهالمطعم خدمة 24 ساعة .. والشباب الله يعافيهم الساعة 2 و3 يطققون بواري ( هرنات ) ويطلبون ثم يروحون ياخذون لفه على الشارع العام يجربون قزوز سياراتهم ، وكل هالأصوات تستقر عندك .. وقسماً بالله اني تندمت عدد شعر راسي يوم دفعت لهم كامل حسابهم منذ الوصول .. وإلا المفروض اذلهم ذل واخليهم يركضون وراي يطالبون بالفلوس .. لكن حنا طيبين وقلنا بندعم تجارنا واهل ديرتنا وشركة سعودية خلنا ندعمها ونشجعها .. لكن دامهم ما يقدروننا والله بستين داهية عليهم وعلى بودلهم كله وقسماً بالله اني حاجز بمبلغ ومتحرك من الرياض ويوم وصلت هناك رفعوا علي 4 دنانير بكل يوم !!! يعني اسعار لعب ومؤشر الأسعار يعتمد على طولة اللسان .. عموماً بنزل موضوع عن بودل وعن رحلتي للكويت قريباً بإذن الله فإنتظر وشف وانت الحكم ولو اني ارشح لك فندق ابيس لاني شفت موقعه بشارع كله مجمعات وهادي نسبياً اهدى من شارع هرنات المطاعم ولو تبي تسكن بدسمان ترى حلوة وفيه فنادق خدمة ممتازة واسعار رخيصة من 15 دينار

بصراحه ياخوي خليتني اغير رايي بالنسبه لبودل وشكلي بحجز بفندق ايبيس بالرغم من صغر غرفها لكن اهم شي الهدوء والراحه النفسيه ...يعطيك العافيه وما قصرت عساك على القوه..

ابو الولد
افضل لك اخوي ابو الولد .. والله من شفت موقع فندق ابيس .. عذرت مشرفنا الكريم ضاري يوم انه دايم يرشحه وبألغلب مواضيعه .. يعن كنك سنافي يا ضاري .. توكل على الله واحجز بأبيس وخذ لك غرفتين متداخلتين (اذا عندهم) لو صرت خايف من ضيق الغرف .. وبإذن الله بكتب تجربتي مع بودل .. اولها إزعاج وقلق اول ليلة بالسكن عندهم وتسمم غذائي .. مستمر معي طوال رحلتي بالكويت وحتى عودتي .. الواحد وانا اخوك رايح يتمشى ويوسع صدره مو يستمرض ويتنكد .. وبالتقرير بتشوف إن شاء الله تحياتي لك وللجميع

اخوي اذا انت عائله فندق ابيس ما يصلح لك
بس اذا انتو اثنين فندق ابيس ممتاز كافي موقعه روعه والفندق جديد وكل شي قريب عليك مشي
بس الغرف ضيقة شوي والفندق رخيص جدا

انا بعد ارشح فندق ابيس من ناحية الموقع والنظافة
بس في عيب ان الغرف ضيقة ومافيه ثلاجة يعني احسب حسابك