ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أم جود2007
09-07-2022 - 08:38 am
السلام عليكم ورحمة الله وبركاته ...
في البداية اقدم شكري لهالمنتدى والمشرفين عليه والمشاركين فيه لانه فعلا منتدى لايعلى عليه .. ولا ينافسه اي منتدى سياحي اخر ..
استفدت منه كثير في ترتيب اكثر من رحلة وهالمرة بإذن الله وجهتي الى ايطاليا في 18 سبتمبر يعني بعد اربعة ايام فقط ..
ومن كثر الاماكن السياحة اللي جمعتها احس اني احترت بينها ولا اعرف اذا فيه امكانية لدمج مكانين او ثلاثة في نفس اليوم بحكم قربها من بعض ..
واخاف اخصص يوم كامل لمكان ممكن اروح له في يوم اخر كنت قريبة منه
عشان كذا وعذرا على الاطالة باقول ترتيب رحلتي واعطوني رايكم وملاحظاتكم ...
مع العلم ان في الرحلة انا وزوجي وبنتي ( 4سنوات )...
السبت 18 سبتمبر : بيروح كلها طيران وترانزيت وبيكون وصولي الى ميلان الساعة 12 ليلا
الاحد 19 سبتمبر : اتجول في منطقة الفندق وماحوله وهو قريب من قلعة سفورزا وباروح للحديقة لاني عرفت ان يوم الاحد تقام فيها فعاليات تناسب الأطفال .. ومنها الى شارع (dante)
سؤال / ودي اروح بيرجمو لانه بيكون اخر يوم للسيرك اللي قال عنه الاخ المبدع (اطليانو) هل تتوقعون يمديني اروح وارجع في نفس اليوم خصوصا انه اول يوم لي في البلد ؟؟
الاثنين 20 سبتمبر : الدومو والغاليري ودار الاوبرا والمنطقة كلها نلفها مشي ...
الثلاثاء 21 سبتمبر : بيزا ( اهم شي عندي )
الاربعاء 22 سبتمبر : محطة القطار ( سنترالا ) وراح نتجه الى روما ..............................................
والفندق stay inn مجاور للساحة الاسبانية وراح نتجول في هالمنطقة اكيد في اول يوم وصول ..
في روما ///
الخميس 23 سبتمبر : نركب الباص السياحي open 110 ونلف اهم المعالم السياحية الفاتيكان ومسرح المصارعة ونافورة تريفي
الجمعة 24 سبتمبر : ملاهي ( لونا بارك ) ..
سؤال / كيف اروح للملاهي ؟؟؟
السبت 25 سبتمبر : ؟؟؟؟؟؟؟؟؟؟؟ ما اعرف ودي اروح بحيرة كاستيل جاندولفو بس اخاف بعيدة ... وودي اروح ساحة navona ... وودي اروح اتسوق في ( بورتا بورتيزي ) بس ما اعرف كيف الوصول اليه ؟؟
الأحد 26 سبتمبر : محطة القطار ( تيرمني ) وراح نتجه الى ميلان ...........................................
والفندق grand plaza قريب جدا من ساحة الدومو عشان يسهل التسوق ..
واذا فيه امكانية اروح لشارع ( بريرا )مشيا من الدومو
في ميلان /////
الاثنين 27 سبتمبر : الدومو + مجمع vitt + شارع بونيس ايرس وساحة ليما
الثلاثاء 28 سبتمبر : لوقانو + الفوكس تاون
الاربعاء 29 سبتمبر : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الخميس 30 سبتمبر : ملاهي ( غاردا لاند ) او ( play planet ) .......... ابغى رايكم عشان بنتي ؟ وكيف الوصول لكل منها ؟
الجمعة 1 اكتوبر : فينيسيا
السبت 2 اكتوبر : الدومو لا محالة لاكمال الهدايا والتسوق
الاحد 3 اكتوبر : المط ار للرجوع الى الرياض
سؤال // الاسواق الشعبية او اسواق الاسبوع في شهر اغسطس هي نفسها ونفس مواقعها في شهر سبتمبر واكتوبر ؟؟
سؤال // كم تذكرة القطار في كل من الرحلات التالية
ميلان _______ روما
ميلان _______ فينيسيا
ميلان ______ لوقانو
ميلان _______ بيزا
مع العلم ان اقامتي بتكون فقط في ميلان وروما اما بقية المدن اروح وارجع في نفس اليوم بدون مبيت بناء على رغبة زوجي
سؤال // وين اقدر احشر السيرفالي في اي يوم بحيث مااتعطل ؟ ولو اني خايفة من حكاية القطارات الكثيرة عشان زوجي مايحب التنقلات الطويلة ..
واخيرا ,,,,,,,,, اسفة على الاطالة ولو محد رد اكيد بأعذركم بس بأزعل شوي ويضيق صدري ...


التعليقات (7)
الزعيمة
الزعيمة
هلا
اول يومين مافهمت منك شي يعني وين فندقكم؟؟؟؟؟؟؟؟؟؟؟؟؟
بيرجمو ما تجي ساعة الا ربع بالكثير وهي حلوة وفيها مول كبير اسمه اوريو سنتر ويفتح يوم الاحد
الاثنين انت في ساحة الدوامو حلو........
يوم الثلاثاء برج بيزا نصف نهار
اقتراح(خلي الدوامو يوم الثلاثاء وبرج بيزا يوم الاثنيين عشان ترتحون من القطارات لو يوم واحد ومن التنقلات خاصة انكم وراكم
روحة روما بالقطار)
الايام اللي تقضونها في روما حلوة
الرجوع الى ميلان.....الدوامو وقصدك بالمجمع الغاليريا موجود في الدوامو وكلها كم محل تمشينهم على رجلينك
شارع بيريرا عادي .....متفرع من الدوامو.....الافضل شارع الماركات مترونوبلي
بونيس ايروس شارع تسوق حلو وكبير ......ساحة ليما!!......مافي ساحة هي مترو يوقف في شارع بونيس ايروس
اليوم المخصص الى لوغانو حلو....بس حطي في بالك ان المحلات تسكر على الساعة 7 يعني روحو بدري
ليه ماتخلين اليوم الي بعدة الى سيرفالي
جاردا لاند حلو في تقرير كامل عن جاردا لاند في تقريري الاخير.....وكانت بنتي معي وعمرها 3 سنوات واستمتعت بالملاهي
فينيسا والايام الباقية حلوة
اقترح عليك سيرفالي ترحون بالباص اريح لكم
تذاكر السفر بالقطار تختلف باختلاف الناقل من شركة الى شركة ودرجة السفر
الاسواق الشعبيه ......نصحية ماتسوى تتعنين لها ابد .....مجربة......بضاعة تعبانه وسيئه وتكثر السرقات هناك
انا بنتي الصغيرة ضاعت مرة في الاسواق الشعبيه من كثر الزحمة بس ربي رحمني.....ولقيتها
وبالتوفيق برحلة سعيدة

أم جود2007
أم جود2007
مشكورة اختي الزعيمة .. الله يعطيك العافية ماقصرتي
وبالنسبة لتقريرك اكيد شفته وماعرفت جاردا لاند الا بعد ماقرأت تقريرك وطبعته بعد ..
بس عندي طلب لاهنتي ... بحكم تجربتك مع بناتك ممكن تكتبين لي المحلات المميزة اللي بألاقي فيها ملابس لي ولبناتي (4 سنوات والثانية عمرها سنة )
ومحلات او اسواق ممكن الاقي فيها ملابس اسعاره معقولة عشان الهدايا ..

اطليانو
اطليانو
السبت 18 سبتمبر : بيروح كلها طيران وترانزيت وبيكون وصولي الى ميلان الساعة 12 ليلا
الاحد 19 سبتمبر : اتجول في منطقة الفندق وماحوله وهو قريب من قلعة سفورزا وباروح للحديقة لاني عرفت ان يوم الاحد تقام فيها فعاليات تناسب الأطفال .. ومنها الى شارع (dante)
سؤال / ودي اروح بيرجمو لانه بيكون اخر يوم للسيرك اللي قال عنه الاخ المبدع (اطليانو) هل تتوقعون يمديني اروح وارجع في نفس اليوم خصوصا انه اول يوم لي في البلد ؟؟
ممكن بيرجموعن ميلان تقريبا 40 دقيقه في السياره روحي بدري منها زياره المدينه واذاحاب ممكن المول اوريوسنتر فيها العاب صغيره اللي تحطي فيها كوين ...وبعدين روحي للسرك او السرك ....
الاثنين 20 سبتمبر : الدومو والغاليري ودار الاوبرا والمنطقة كلها نلفها مشي ...
الثلاثاء 21 سبتمبر : بيزا ( اهم شي عندي )
الاربعاء 22 سبتمبر : محطة القطار ( سنترالا ) وراح نتجه الى روما ..............................................
والفندق stay inn مجاور للساحة الاسبانية وراح نتجول في هالمنطقة اكيد في اول يوم وصول ..
في روما ///
الخميس 23 سبتمبر : نركب الباص السياحي open 110 ونلف اهم المعالم السياحية الفاتيكان ومسرح المصارعة ونافورة تريفي
الجمعة 24 سبتمبر : ملاهي ( لونا بارك ) ..
سؤال / كيف اروح للملاهي ؟؟؟
لاعلم ........بس ممكن ينفعك الربط لاماكن ااطفال....
http://travelblog.viator.com/tips-for-visiting-rome-with-kids/
السبت 25 سبتمبر : ؟؟؟؟؟؟؟؟؟؟؟ ما اعرف ودي اروح بحيرة كاستيل جاندولفو بس اخاف بعيدة ... وودي اروح ساحة navona ... وودي اروح اتسوق في ( بورتا بورتيزي ) بس ما اعرف كيف الوصول اليه ؟؟
لاعلم ممكن احد اخر يفيدك.....
الأحد 26 سبتمبر : محطة القطار ( تيرمني ) وراح نتجه الى ميلان ...........................................
والفندق grand plaza قريب جدا من ساحة الدومو عشان يسهل التسوق ..
واذا فيه امكانية اروح لشارع ( بريرا )مشيا من الدومو
في ميلان /////
الاثنين 27 سبتمبر : الدومو + مجمع vitt + شارع بونيس ايرس وساحة ليما
الثلاثاء 28 سبتمبر : لوقانو + الفوكس تاون
الاربعاء 29 سبتمبر : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ممكن بحيره كومو...........او بحيره ميجوري..........
الخميس 30 سبتمبر : ملاهي ( غاردا لاند ) او ( play planet ) .......... ابغى رايكم عشان بنتي ؟ وكيف الوصول لكل منها ؟ بالنسبه لقاردا لاند ....
http://www.gardaland.it/en/arrivare/
بالنسبه لمكان play plane.....
Via Dei Partigiani, 31
Cinisello Balsamo (Mi) 20092
وموقعهم.....
http://www.playplanet.it/chi-siamo.html
الجمعة 1 اكتوبر : فينيسيا
السبت 2 اكتوبر : الدومو لا محالة لاكمال الهدايا والتسوق
الاحد 3 اكتوبر : المط ار للرجوع الى الرياض
سؤال // الاسواق الشعبية او اسواق الاسبوع في شهر اغسطس هي نفسها ونفس مواقعها في شهر سبتمبر واكتوبر ؟؟
نعم.......
سؤال // كم تذكرة القطار في كل من الرحلات التالية
ميلان _______ روما
ميلان _______ فينيسيا
ميلان ______ لوقانو
ميلان _______ بيزا
مع العلم ان اقامتي بتكون فقط في ميلان وروما اما بقية المدن اروح وارجع في نفس اليوم بدون مبيت بناء على رغبة زوجي
http://www.raileurope-gcc.com/
سؤال // وين اقدر احشر السيرفالي في اي يوم بحيث مااتعطل ؟ ولو اني خايفة من حكاية القطارات الكثيرة عشان زوجي مايحب التنقلات الطويلة ..
ليش ماتاخذون سياره افضل خاصه ومعكم طفل .........شوفي اليوم اللي مافيه تعب قبل حتى يون اريح لكم ...
صدقيني مافيه اريح من السياره .......
واخيرا ,,,,,,,,, اسفة على الاطالة ولو محد رد اكيد بأعذركم بس بأزعل شوي ويضيق صدري ...
معليك اخوك بالخدمه.......

اطليانو
اطليانو
اهم شي لاتنسيني من الدعاء.......

أم جود2007
أم جود2007
اخوي اطليانو ...
الله يجزاك الف الف الف خير على ردك علي ..
والله يعطيك العافية على مجهودك في هالمنتدى ..
والله يسهل امرك وييسر دربك في كل امورك بقدر ما استفدنا من مواضيعك ...
بس ممكن سؤال // ابي بالتفصيل الممل طريقة الوصول الى الفوكس تاون اذا كنت متجهة بالاساس الى لوقانو ..
يعني انا اروح محطة القطار واطلب تذكرة ذهاب وعودة الى لوقانو .. صح ؟
طيب وبعدين كيف انزل الفوكس تاون عند اي محطة ؟ يمكن القطار يروح دايركت الى لوقانو
ولا اروح لوقانو ومنها اطلع بالباص الى الفوكس تاون ؟؟

الزعيمة
الزعيمة
هلا
القطار يروح دايرت الى لوغانو من ميلان بس فوكس تاوون تروحي منطقة اسمها مندروسو هيي اللي فيها فوكس تاوون
تنزلين هناك وتاخذين تاكسي الى المول
التاكسي ما ياخذ منك اكثر من 6 يوو

أم جود2007
أم جود2007
الله يعطيك العافية يازعيمة


خصم يصل إلى 25%