السلام عليكم ورحمة الله وبركاته ,, كيف حالكم يا اخوان
الحقيقه انا متابع للمنتدى من فتره ,, وماسجلت فيه الا بعد ماشفت الردود الوافيه والكافيه ومساعدتكم لبعض الاخوان
لا اطيل عليكم وارجو منكم مساعدتي في خطة قضاء شهر العسل ,,
زواجي الخميس ثالث ايام عيد الفطر المبارك القادم بعد ثلاث شهور تقريبا ,,
وانا حجزت سفره الى ماليزيا وهذي اول مره اروح لها ,, طبعا اول مره اطلع برا الخليج
حجزت تذكرتين يوم الاحد بتاريخ 4-9-2011 وارجع للسعودية بتاريخ 18-9 او 150-9 عبر الخطوط القطريه بقيمة 5800 ريال ,, ومسارها ك التالي
اطير من الدمام الساعه 5 ونص الفجر الى قطر واجلس في قطر ساعتين تقريبا والساعه 8 الصباح اطلع الى كوالامبور
اوصل هناك تقريبا اخر الليل ,, الرحله مدتها حول ال 10 ساعات
اللي ابغاه منكم يااخوان وتساعدوني فيه ويعلم الله مواضيعكم الحلوه وتقاريركم هي من خلتني اختار هالدوله رغم اني مااعرف عنها شي ابدا
المهم يا اخوان ودي تعطوني جدول هناك بالمدن والاماكن الحلوه اللي تستاهل اني اقضي فيها شهر العسل مع زوجتي
مدة السفره من تاريخ 4-9 اسبوعين تقريبا ومحدد ميزانية مابين ال 15 الف ريال الى ال 25 الف ريال
ياليت تساعدوني وتحددون لي مساري بالضبط هناك بحيث يكون مريح ولا يتعدى اربع مدن من اماكن حلوه فيها وطريقة التنقل بين هالمدمن والفنادق الحلوه اللي فيها واذا بختار الخطوط الماليزية او طيران اسيا شلون احجز عندهم وباي وقت الحين او بعدين لان بدري ع الزواج والفنادق كذلك متى احسن وقت احجزها وكذا ,,
شاكر ومقدر لجهودكم