مساء الخير ونتشرف بنضمامكم معنا بالمنتدى
اولا ممكن عمل اكثر من جدول قياسا بالمده .. لكن انا اميل لهذا الجدول اكثر بشكل مبدئي
ميونخ 4ليالي ونأجر السياره منها ثم زيلامسي 6ليالي ثم انسبروك او سي فيلد 3 ليالي 4ليالي انترلاكن .. 4 ليالي جنيف او احدى ضواحيها مثل لوزان او الريف الفنرسي والعوده منها
تحياتي

عندكم 20 ليله يفصل يكون مخططكم
3ليالي فيينا - 6ليالي زيلامسي - 6ليالي انترلاكن - ليلتين رست - 3ليالي ميونخ
اضفت رست عشان العاب اليورب بارك سواء تبغون يوم اويومين
بتكون عندكم مسافه طويله من زيلامسي الى انترلاكن 6-7 ساعات
ومن رست الى ميونخ 4-5 ساعات
ممكن تقولون نستغني عن فيينا ونخلي الوصول فرانكفورت والعوده ميونخ برضو فكره حلوه ومسافات اقل
فرانكفورت وصول فقط - 3ليالي رست - 6ليالي انترلاكن - 7ليالي زيلامسي - 3ليالي ميونخ
باقي ليله يابميونخ او رست على حساب انتوا تبغون تتسوقون ولالا
طبعا انا افضل المخطط الاخير السياره من المانيا رخيصه

ALI_Q8_77
السلام عليكم أخويه ،
شاكرة لك جدا المخطط اللي اقترحته عليّ ويزاك الله خير ، بو العيال
يقول نبى نأجّر السيارة من ألمانيا ،
شو رايك (نتمنى تفيدنا) نخلي الوصول ميونخ وناخذ منها السيارة
ثم نروح رست (عشان الألعاب لليهال) ونسكن فيها ليلتين
وبعدين نروح بادن بادن (ماعرف كم نيلس فيها
)
وبعدين نروح النمسا (زيلامسي أو كابرون)
والثالثة ماعرفها بس استبعدت سويسرا أو فرنسا وحابة (التشيك) كوجهة ثالثة ،
شو رايك اخويه ؟

دموع الوجد
هلا أختي ، أسعدتني مشاركتج ^__^ وأميل للمخطط هذا (عشان رست )
بس بلغي سويسرا وفرنسا ، بيكون ألمانيا والنمسا ... شو تقترحين دولة ثالثة ؟
شو رايج في (التشيك) ؟
افترضنا قررت تكون ألمانيا - النمسا - التشيك
كيف بيكون المخطط ؟
يزاج الله خير ...
تسلمين على المساعدة القيمة

ما انصحك بالتشيك ابدا ماتسوى ولاتستاهل العنوه اذا ماتبغين سويسرا خلوا مخططكم
فرانكفورت وصول فقط - 4ليالي رست - 3ليالي كونستانس - 10ليالي زيلامسي - 3ليالي ميونخ
هذا احسن مخطط واقل تنقلات وتقعدون في زيلامسي الين ماتشبعون ووالله ماراح تشبعون منها
الوصول والعوده من المانيا عشان السياره وحاولوا تختارون رحله وصولها بدري الى فرانكفورت عشان تقدرون مباشره تروحون رست 240 كيلو اواذا مالقيتوا لازم تنامون يوم في فرانكفورت
في كونستانس تروحون جزيره الزهور ومزراع الفواكه وشلالات الراين وزيورخ ومركز السي لايف

Nono Almarri
مساء الخير
بجوابي قلت البدايه من ميونخ ومنها نأجر السياره .. لكن طالما ودج تلغين فرنسا وسويسرا ...
ممكن نجمع لكم ملاهي يوربا بارك
ويكون المخطط كالاتي الوصول مطار ميونخ ونستلم السياره ومباشره الى زيلامسي.. او طالما عليكم تعب افضل لكم ارتاحو ليله بميونخ ثم زيلامسي 6 ليالي ثم غارمش وما حولها 3 ليالي ثم بادن بادن مع الملاهي مع زيارة ستراسبورغ الفرنسيه .. 5 ليالي ثم ميونخ 4 ليالي
التشيك مالها معنى كافي ما ذكرنا وزياده
تحياتي

دموع الوجد
مشكورة الغالية ^_^
أسعدتني مشاركتج ..

ALI_Q8_77
السلام عليكم أخويه ، اعذرنا على التأخير والسبب اني
كنت أناقش أبو عيالي في المخطط وأحسب المسافات بقوقل ،
المخطط اللي تفضلت به أخي الكريم بنكون نقضي 14 يوم
في ألمانيا ، و6 أيام في النمسا ، ابو العيال حاب نقضي مدة
أطول في النمسا أو على الأقل نص الرحلة في النمسا ونصها
في ألمانيا (بالتساوي)
فهذا اللي طلع ويايه من البارحة لين اليوم بعد ضرب
أخماس في أسداس بمساعدة قوقل
الوصول ميونيخ = 2 (بنستلم السيارة منها)
سالزبورغ = 3
كابرون = 7 (استبدلت زيلامسي بكابرون عشان مدحوا لي السكن هناك ، ونحتاج رأيك أيضا)
قارمش = 3
بادن بادن وزيارة الألعاب وستراسبورغ = 4
ميونيخ = 1 آخر ليلة (بنسلّم السيارة وبنصبح ع المطار على طول)
خبّصت ؟
نحتاج رأيك أخي الكريم
وسامحنا

نفس الشي اختي الكريمه
بس الي علمنا لكم هو الاتي
خففنا كثرة التنقل عليكم وريحناكم من شيل الشنط حطها بالالغاء سالزبورخ وزيادة الايام بالمدن الاخرى من اجل اكثر استقرار وراحه ... وايضا ممكن زيارة سالزبورخ من زيلامسي من نوع رحلات اليوم الواحد
وبعدين انا ذكرت 19 ليله يعني 20 يوم وليس 14 يوم .. ممكن ما قراتيها بشكل واضح
تحياتي لج